Job 5:5 - Qheshwa Biblia DC

⁵ Poqochisqasninkuta tukuy yarqhasqas mikhuranqanku, khishkaswan circusqa ukhusmanta orqhospa, tukuy ch'akichikojkuna kapuyninkuta jap'ikapuchunku.

DIOSPA QHELQACHISQAN DEUTEROCANONICAL

⁵ Poqochisqankutaqa yarqhachikojkuna mikhukapunku. Khishka ukhumantapis pallakapunku. Kapuynintataj tukuy ch'akichikojkuna tukuykonqanku.

DIOSPA QHELQACHISQ

⁵ Poqochisqankutaqa yarqhachikojkuna mikhukapunku. Khishka ukhumantapis pallakapunku. Kapuynintataj tukuy ch'akichikojkuna tukuykonqanku.

Job 5:5 Referans Kwoze

Lamentaciones 2:16

Tukuy enemigosniyki qampajqa rimanku. Paykunaqa alqochakuspa, kirusninkuta k'arurakuspataj ninku: Kaytaqa chinkachinachej; noqanchejqa kaytapuni suyasharqanchej. Kayqa kunanqa, rikunchejña, nispa.

Oseas 8:7

Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

Jeremías 51:34

Jerusalén Sión orqo llajtaqa nin: Babiloniamanta rey Nabucodonosorqa t'unata ruwawarqa, mikhuwarqataj, uj ch'usaj chuwata jina saqerpariwarqa. Mar qochamanta uj millay animalta jina oqoykuwarqa; noqamanta misk'i kajninwan sajsaykukorqa, noqamanta puchojtataj wijch'urparerqa.

Isaías 62:8

Señorqa paña makimpa atiyninwan juraspa nerqa: Mana jayk'ajpis enemigosniykiman trigoykitaqa mikhuchisajchu, manataj waj runaspis llank'asqayki vinotaqa ujyanqankuchu.

Job 20:15

Qhapaj mikhusqasninta ajtonqa, Dios orqhonqa chaykunata wijsanmanta.

Job 12:6

Suwaspa wasisnimpeqa imaspis junt'a, Diospaj imatapis rimajkunaqa kusisqas tiyanku; paykunaqa yuyanku makisninkupi Dios kasqanta.

Job 2:3

Señortaj nerqa: Manachu kamachiy Jobta repararqanki? Pay jina runaqa kay jallp'a patapi mana kanchu, payqa noqaj kamachisqayta tukuy sonqo ruwan, sumaj cheqanta kausan, Diosta manchachikun, sajramantapis karunchakun. Qanqa mana imallamanta paypa contranta ruwanayta munashajtiykipis, payqa sonqompi cheqallampuni kashan.

Job 1:17

Chay runa manaraj willayta tukushajtin, uj runañataj chayaykamullarqataj, nispa: Kinsa t'aqa caldeos jamuytawan maqaykuwayku, michejkunasta espadawan wañurachinku, camellostataj tukuyninta qhatikapunku, noqallaña ayqekamuni qanman willasunaypaj.

2 Crónicas 33:11

Chayraykumá Señorqa Asiriaj reynin soldadosnimpa kamachejkunasninta kachamorqa paykunaj contrankupi, chaykunataj presocharqanku Manasesta, fierro ganchoswan, broncemanta ruwasqa cadenaswan wataykuspa Babiloniaman apacherqanku.

Jueces 6:11

Chaypacha Señorpa angelnin jamorqa tiyaykukorqataj Ofra chaypi uj encina sach'a kasharqa chay urapi, Abiezerpa ayllunmanta Joaspata chay sach'a karqa. Joaspa wawan Gedeonrí pakayllamanta trigota ch'uwachasharqa, maypichus uvasta saroj kanku chaynejpi, madianitas mana rikunankupaj.

Deuteronomio 28:51

Paykunaqa uywasniykichejpa umasninta mikhonqanku, jinallataj chajrasniykichejpa poqoynintapis, mana imayoj kanaykichejkama. Jinamanta paykunaqa mana saqepusonqachejchu trigota, vinota, aceiteta, wakasniykichejpa uñasninta, nitaj ovejasniykichejpa uñasnintapis. Qankunataj yarqhaywan wañunkichej.

Deuteronomio 28:33

Jallp'asniykichejpi llank'aspa poqochikusqaykichejta mana rejsisqaykichej runas mikhonqanku. Sapa kuti sarusqas, k'umuykuchisqas kankichej.

Lamentaciones 2:5

Señorqa enemigo jina tukuynin israelitasta tukuchin; palaciosta thuñiran, llajta jark'achisqa perqastapis pampata ruwan. Jinamanta k'acha Judá llajtata manchay llakiywan waqaywantaj junt'aykuchin.

Job 20:22

Astawan imasnimpis ashkha kajtenqa, astawan mana kusiyniyoj kanqa; tukuy sajra runaspa makin paypa patanman jamonqanku.

Job 22:10

Chayrayku kunanqa ima llakiypis muyuynillaykipiña kashan, chayrayku ima ratopis manchariylla qampajqa kashan.

Salmos 109:11

Manoj runa tukuy kapuyninkuta qhechuchun. Tukuy llank'asqankutapis wajkuna apakapuchun.