Job 42:2 - Qheshwa Biblia DC

² Noqa yachini qanqa tukuy imata ruwayta atisqaykita, qampajqa mana imapis kanchu mana atikojqa.

DIOSPA QHELQACHISQAN DEUTEROCANONICAL

² Noqa yachani qan tukuy imata ruwayta atisqaykita. Qanpajqa mana imapis mana ruwayta atinapaj jina kanchu.

DIOSPA QHELQACHISQ

² Noqa yachani qan tukuy imata ruwayta atisqaykita. Qanpajqa mana imapis mana ruwayta atinapaj jina kanchu.

Job 42:2 Referans Kwoze

San Mateo 19:26

Jesustaj paykunata qhawarispa, nerqa: Runaspajqa mana kayqa atikunchu, Diospajrí tukuy ima atikun.

Marcos 10:27

Jesustaj paykunata qhawarispa nerqa: Runaspajqa, kayqa mana atikunchu, Diospajrí mana jinachu; imaraykuchus tukuy ima Diospajqa atikun.

Génesis 18:14

Señorpajqa kanmanchu imallapis mana ruway atinaqa? Watapaj kunan jinallataj kutimuspa watukusqayki, chaypaj Saraqa wawayojña kanqa.

Isaías 46:10

Qallariymantapacha qhepaman imaschus kananmanta willani. Noqaqa unaymantapacha willani manaraj imapis kashajtin. Noqaqa nini: Noqaj nisqayqa wiñaypaj kanqa. Imatachá munasqayta noqaqa ruwasaj.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Salmos 44:21

manachu chayta yachaspa phiñakuwaj karqa? Qanqa sonqoyku ukhupi pakasqa kajtapis yachankipuni.

Proverbios 19:21

Runaqa ashkha imasta wakichin, chaykunatataj Dioslla atin junt'achiyta.

Job 23:13

Imallatapis Pay ruwasaj nin chayqa, ruwampuni, nitaj imapis uj jinayachinchu yuyasqantaqa.

Isaías 14:27

Kaytaqa Tukuy Atiyniyoj Señorpuni nin ajina kananta. Chaytaqa mana pipis pantachiyta atinchu. Makenqa oqharisqallapuni kashan, mantaj pipis jark'ayta atinchu.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Isaías 43:13

Noqaqa Dios kan. Manaraj p'unchay kashajtin karqanipuni. Mana pipis makiymantaqa qhechuyta atinchu. Noqa ruwasaj nisqaytaqa mana pipis jark'anmanchu.

Eclesiastés 3:14

Chanta yachallanitaj, Diospa tukuy ima ruwasqasnenqa wiñaypajpuni kasqanta. Chay ruwasqasninmanqa mana yapanqachu, nitaj pisiyachenqachu. Chay imasta Diosqa ruwan runas paypa ñaupaqempi manchachikuywan kanankupaj.

Salmos 139:2

Tukuy ruwasqasniyta qan yachanki. Yuyasqaytaqa karumantapacha qan yachanki.

San Lucas 18:27

Jesustaj nerqa: Runaspaj mana atikojqa, Diospajqa atikumpuni.

Marcos 14:36

Mañakuspataj Jesús nerqa: Abba Tatáy, tukuy ima qampajqa atikun, jark'away ari chay ñak'ariymanta; chaywampis ama noqaj munasqallayqa kachunchu; astawanqa, qampa munasqayki ruwasqa kachun.

Ezequiel 38:10

Señorqa kay jinata nin: Chay tiempospi sonqoykiman sajra palabras jamusonqa, mana allin yuyaykuna ima.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

San Juan 21:17

Kinsa kaj kutipi nillarqataj: Simón, Jonaspa churin, munakuwankichu? Pedrotaj llakikorqa, kinsa kutikama munakuwankichu?, nisqanmanta. Kuticherqataj: Señor, qan tukuy imata yachanki, munakususqaytapis yachanki. Jesustaj payman nerqa: Ovejasniyta michipuway.

Job 25:2

Diosqa manchay jatun atiyniyoj, manchachikunataj; Payqa janaj pachapi sonqo tiyakuyninta sayachin.

Job 42:1

Jobqa Señorman kutichillarqataj:

Salmos 135:6

Señorqa tukuy munasqanta ruwan, janaj pachapi, kay pachapi, mar qochapi, tukuy ukhuspipis.

Daniel (hebreo) 4:32

Runakunamantaqa t'aqasqa kanayki tiyan, uywakunawantaj kausanayki tiyan. Bueyes jina qhorata mikhunki qanchis watas junt'ata, rejsinaykikama jatumpi kaj Dioslla atiyniyoj kasqanta, jallp'api tukuynin nacionkunaj patampi, payllataj kamachejkunata churasqanta pikunatachus munasqanta.