Job 24:1 - Qheshwa Biblia DC

¹ Tukuy Atiyniyojmanta tiempospis mana pakasqa kajtenqa, imaraykutaj payta rejsejkunaqa ima diaschus ruwanantaqa mana yachankuchuri?

DIOSPA QHELQACHISQAN DEUTEROCANONICAL

¹ Sichus Tukuy Atiyniyoj Dios tukuy imachus kananmanta yachan chayqa, imaraykutaj payta qhatejkuna imatachus ruwanankuta mana yachankuchuri?

DIOSPA QHELQACHISQ

¹ Sichus Tukuy Atiyniyoj Dios tukuy imachus kananmanta yachan chayqa, imaraykutaj payta qhatejkuna imatachus ruwanankuta mana yachankuchuri?

Job 24:1 Referans Kwoze

Hechos 1:7

Jesustaj kutichispa nerqa: Qankunaqa mana yuyanaykichejchu tiyan mayk'ajchus, chayrí ima horatachus Dios Tata jatun atiynimpi chay imasta ruwanan kasqantaqa.

Eclesiastés 3:17

Chaypacha sonqoypi nerqani: Cheqan runatawan, juchasapa runatawanqa Dioslla cheqanchanqa; imaraykuchus chaypeqa tukuy ima munanapis tiempoyojlla, jinallataj ruwanapis.

San Mateo 24:38

Chay tiempopi, manaraj jatun para chayamushajtin, runasqa mikhusharqanku, ujyasharqanku, casarasharqanku, ususisninkutapis casarachisharqanku, arcaman Noé yaykunankama.

1 Timoteo 6:15

K'ata Diosqa maychus tiempompi rikuchenqa Jesucristoj jamuyninta. Paymin yupaychasqa kachun. Payqa kamachejkunaj kamachejnin, señorkunaj Señornintaj.

1 Timoteo 4:1

Santo Espíritu sut'ita nin: Jamoj p'unchaykunapi femanta wakin t'aqakonqanku, ch'aukiyaj espiritusta, supaypa yachachiyninta ima uyarispa.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Hechos 17:26

Paytaj, uj runallamanta tukuy laya runata miracherqa, tukuy jallp'api paykuna kausanankupaj. Chayta wakicherqa, ima p'unchaykunapichus, may jallp'apichus kausanankuta, ajinamanta runakuna Diosta mask'anankupaj. Ichapis mask'aykachasqankupi llankharispa Diosta tarinkuman. Cheqamanta Diosqa mana karupichu kashan sapa ujninchejmanta.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Isaías 60:22

Aswan juch'uy kaj runaqa waranqata miranqa, aswan mana kasuy runapis uj jatun nacionman tukonqa. Noqa Señorman chaytaqa nini. Chay imasqa usqhayta junt'akonqapuni.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Salmos 36:10

Rejsisojkunaman munakuyniykita rikuchiy, cheqan kayniykitataj cheqan sonqoyojkunaman rikuchiy.

Salmos 9:10

Rejsisojkunaqa, Señor qampi atienekusunku imaraykuchus mask'asojkunataqa ni jayk'aj qonqankichu.

Génesis 18:17

Señortaj sonqompi nerqa: Abrahamman willasaj imatachus ruwanay kasqanta, imaraykuchus pay kanan kashan uj jatun atiyniyoj naciompa tatan. Payman niniña benedicinayta paynejta kay mundopi tukuy nacionesta.

Génesis 7:4

Noqataj qanchis p'unchaymantawan parachimusaj, tawa chunka p'unchayta tawa chunka tutatawan. Jallp'a patamanta chinkachisaj tukuy kausajkuna ruwasqasniyta.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

1 Tesalonicenses 5:1

Chay p'unchaymanta, chay horamantawanqa anchaña kanman, hermanos, escribimunayqa.

Salmos 31:15

Kausayniyta makiykiman churani. Qhatiykachawaj enemigosniymanta libraway.

Job 15:20

Juchasapaspa diasnenqa nanaywan junt'asqa, chay jina sajra runasmantaqa mashkha watastachus kausanankoqa pakasqa.

Abdías 1:15

Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

Sofonías 1:7

Ch'in kaychej Señorpa ñaupaqempi. Señorpa p'unchaynenqa qayllamushanña! Señor wakichin uj jaywanata, wajyasqasnintataj llimphuchanña!