Job 2:7 - Qheshwa Biblia DC

⁷ Supayqa Señorpa ñaupaqenmanta llojsiytawan, Jobman uj millay sarna onqoyta apachimorqa. Chaytaj tukuy ukhunman junt'aykorqa, chaki puntanmanta uma puntankama.

DIOSPA QHELQACHISQAN DEUTEROCANONICAL

⁷ Chantá ch'ataykoj angelqa Tata Diospa ñawpaqenmanta ripuspa, Jobman sarnaman rijch'akoj onqoyta churarqa. Chay onqoytaj chakinmanta umankama junt'aykorqa.

DIOSPA QHELQACHISQ

⁷ Chantá ch'ataykoj angelqa Tata Diospa ñawpaqenmanta ripuspa, Jobman sarnaman rijch'akoj onqoyta churarqa. Chay onqoytaj chakinmanta umankama junt'aykorqa.

Job 2:7 Referans Kwoze

Deuteronomio 28:35

Señorqa millay llejti onqoyta qosonqachej, moqosniykichejpi, chakisniykichejpipis chay onqoyqa chaki t'ajlluykichejmantapacha umaykichej puntakama jap'isonqachej, manataj thañiyta atinkichejchu.

Isaías 1:6

Chaki puntaykichejmanta, umaykichejkama nanasqa kankichej, llik'isqa, q'oyuyasqa, aycha rikhurishaj ima; ni pi jampichisunkichejchu, nitaj mayt'usunkichejchu, nillataj aceitewan jawiykurisunkichejchu nanasqasniykichejta.

Job 30:30

Ukhuypis yanaman tukun, tukuy ukhuy q'oñi onqoyman k'ajarishan.

Deuteronomio 28:27

Señorqa egipciosta jina llijti onqoywan llakichisonqachej, ch'upuwan, sarnawan, qhasqa onqoywan ima, nitaj imawampis jampikuyta atinkichejchu chaykunamanta.

Apocalipsis 16:11

Janaj pacha Diospaj sajrata rimarqanku nanayninkurayku, ch'upusninkuraykutaj; manataj sajra ruwasqasninkumanta Diosman kutirikorqankuchu.

Isaías 3:17

Chayrayku Señorqa chay warmispa umasninkuta q'ara t'ojlullata ruwanqa p'enqayninkutataj q'alallata rikhurichenqa.

Job 7:5

Ukhoyqa khuru puru, sarna kharkapacha, aychayqa t'oqo t'oqolla, q'eya puru millaytaj.

1 Reyes 22:22

Chay espiritutaj nerqa: Noqaqa rispa reypa tukuynin profetasnimpa siminkupi llullata sut'inchasaj. Señortaj nerqa: Qanqa atinki pusayta, rispa ajinata ruwamuy.

2 Samuel 14:25

Tukuynin Israel ayllu ukhupi, mana tarikorqachu ujpis Absalon jina k'achitoqa, sumaj uyarisqa runataj. Chaki puntanmanta uma puntankama mana imampis mana allenqa karqachu.

Job 2:6

Señortaj, Supayman kuticherqa: Chayqa makiykipi kashan, kausaynillanta ama t'ojpinkichu.

Job 13:28

Ukhoyqa ismusqapis kanman jina mikhukushan, thutaj p'acha k'utusqan jina.

Job 1:11

Kunanqa qhechuy tukuy kapusqanta, rikunkitaj, uyaykipi maldicisusqanta.