Job 2:12 - Qheshwa Biblia DC

¹² Karullamantaraj qhawariytawan mana rejsiyta aterqankuchu Jobtaqa, chayrayku qhaparerqanku, waqarqankutaj, p'achasninkutataj llik'irakorqanku, jallp'awantaj pataman umasninkuman ima qhallarqanku.

DIOSPA QHELQACHISQAN DEUTEROCANONICAL

¹² Job tiyakorqa, chaynejman chayaspataj, karullamantaraj ñak'ayllata Jobta rejserqanku. Chayrayku qhaparispa, waqarqanku, p'achankutapis llik'irakorqanku, jallp'atataj umankuman qhallirakorqanku.

DIOSPA QHELQACHISQ

¹² Job tiyakorqa, chaynejman chayaspataj, karullamantaraj ñak'ayllata Jobta rejserqanku. Chayrayku qhaparispa, waqarqanku, p'achankutapis llik'irakorqanku, jallp'atataj umankuman qhallirakorqanku.

Job 2:12 Referans Kwoze

Ezequiel 27:30

Qannejta jatunmanta qhaparenqanku, jik'un jik'untataj waqanqanku. Umasninkuman ñut'u jallp'aswan qhallikonqanku, ushphaspitaj sunt'enqanku.

Lamentaciones 2:10

Sionmanta kurajkunaqa ch'inmanta pampapi tiyarakunku, umasninkuman jallp'awan qhallarakuspa, qhashqa p'achas churaykusqas. Jerusalempi llimphu kaj sipaskunaspis pampakama k'umuykorqanku.

Nehemías 9:1

Israelitasqa chay kikin killallapitaj iskay chunka tawayoj p'unchaykunasnimpi tantakorqanku ayunanankupaj; qhashqa p'achastataj churakorqanku, jinataj jallp'atapis umankuman jich'akorqanku.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Apocalipsis 18:19

Umasninkumantaj ñut'u jallp'ata jich'aykukuspa qhaparerqanku, jik'un jik'unta waqaspataj nerqanku: Way, way jatun llajtamanta! Mar qochapi tukuy botesniyoj paypa kapuyninwan qhapajyarqanku. Kunantaj uj horallapi ch'inyarparin.

Job 19:14

Ayllusniypis manaña watukuwankuchu, rejsisqasniypis qonqakapuwanku.

Ester (hebreo) 4:1

Mardoqueotaj chay jina kamachiy llojsimusqanta yachaytawan, p'achasninta llik'ikuspa, qhashqa p'achasta churaykukuytawan, umanman ushphawan qhallaykukuspa, may llakiyta qhaparispa tukuy llajtata uj sonqo nanayta correykachasharqa.

2 Samuel 13:36

Chayta nejtinkamataj reypa wawasnin chayamorqanku, sinch'ita qhaparispataj waqaj churakorqanku. Ajinallatataj reypis chay yanapajkunasnin ima may sinch'ita waqarqanku.

1 Samuel 30:4

May sinch'ita qhaparispataj waqarqanku mana atinankukama.

1 Samuel 11:4

Chay willaraj runasqa kachasqa chaypi Saulpa llajtan Gabaaman chayarqanku. Chay willajkunatataj nerqanku, tukuy llajta, tukuy runastaj may sinch'ita waqaj churakorqanku.

Jueces 2:4

Señorpa angelnin parlayta tukojtinkamataj tukuynin israelitas sinch'i qhapariywan waqayta qallarerqanku.

Génesis 27:34

Esautaj tatampa nisqanta uyariytawan, jatunmanta qhaparispa mayta waqarqa: Noqamampis qollawaytaj bendicionniykita ari tatáy!, nispa.

1 Samuel 4:12

Uj soldadotaj Benjamimpa ayllunmanta kaj ayqerqa chay maqanakumanta, sinch'ita rispataj chay kikin diapacha chayarqa Silo llajtaman, p'achasnin llik'irasqa, umampi jallp'a qhalliykusqayoj.

Esdras 9:3

Kay jinata uyarispa sonqo nanayniyta rikuchinaypaj p'achayta llik'ikorqani, chujchayta, sunkhaytawan sik'irakorqani manchay phutisqataj tiyakorqani.