Job 16:10 - Qheshwa Biblia DC

¹⁰ Runasqa noqay contrayta tantakamunku, uyaypi laq'aspa k'umuykachachiwanku, contrayta tukuy tantakamunku.

DIOSPA QHELQACHISQAN DEUTEROCANONICAL

¹⁰ Runakunaqa noqaj contrayta tantakunku, asiykukuwaspataj, umankuta khiwirinku. K'umuykuchinawankupaj uyaypi laq'awanku.

DIOSPA QHELQACHISQ

¹⁰ Runakunaqa noqaj contrayta tantakunku, asiykukuwaspataj, umankuta khiwirinku. K'umuykuchinawankupaj uyaypi laq'awanku.

Job 16:10 Referans Kwoze

Salmos 35:15

Urmajtiyrí tukuy noqamanta asikunku. Mana rejsisqay waj runas jina, maqawarqankutaj mana samarispa.

Salmos 22:13

Phiña leones jina qhaparinku, siminkuta kicharinku, phinkimuwankutaj oqoykunawankupaj.

Hechos 23:2

Kuraj sacerdote Ananiastaj chay qayllapi kajkunata kamacherqa Pablota simimpi laq'anankuta.

Miqueas 5:1

Chaywampis kunanqa, Jerusalén wakichikuy jark'akunaykipaj imaraykuchus muyuykusunku may sinch'itata jasut'enqanku Israelpa kurajninta.

Lamentaciones 3:30

Pichus maqajmanqa ujnin uyantawan kutirichichun, ajinamanta p'enqachisqa kayta jap'inampaj.

Isaías 50:6

Seq'owajkunasmampis wasayta qorqani, sunkhayta t'irarichikullarqani, may jinata toreashawajtinkupis, thoqashawajtinkupis manapuni uyaytaqa pakarqanichu.

2 Corintios 11:20

Sichus pipis kamachimpi jap'isunkichej, chayrí sojsusunkichej, chayrí pichus jap'ikapun imaykichejtapis, chayrí k'umuykachachisunkichej, chayrí sajmasunkichej chayqa, qankuna chay tukuy imasta aguantashankichej.

1 Reyes 22:24

Chantaqa Quenaanaj wawan Sedequiasqa chimpaykuspa, Micaiasta; uj lado uyampi lak'arqa, nispa: Maynejtataj Señorpa espíritun llojserqa qanman parlasunampajri?

Hechos 4:27

Cheqamanta Herodesqa Poncio Pilatowan kay llajtapi tantakorqanku, gentileswan, israelitaswan ima; ajllasqa kamachiyki Jesuspa contrampi oqharikunankupaj, pitachus qan jawerqanki; ruwanankupajtaj imaynatachus qan qallariymantapachaña wakicherqanki atiyniykiwan, munayniykiman jinataj kanampaj.

San Juan 18:22

Chayta nisqantawan, Caifaspa soldadon Jesuspa uyampi laq'arqa: Ajinatachu jatun sacerdoteman kutichinki?, nispa.

San Mateo 26:67

Niytawantaj, uyanman thoqaykorqanku, laq'arqanku; wakintaj sajmarqanku, nispa: Ya Cristo, niwayku pichus sajmasusqanta.

Salmos 94:21

Mana juchayoj runaj contrampi wakichikunku, wañuchinankupajtaj juchachanku.

Salmos 35:21

Contraypi siminkuta jatunta kicharispa ninku: Qhawaychej ñawisninchej rikun, nispa.

2 Crónicas 18:23

Chaypacha Quenaanaj wawan Sedequiasqa Micaiasman qayllaykuspa uyampi laq'arparerqa, nerqataj: Maynintataj Señorpa espíritun noqamanta llojserqa qanwan parlanaypajri?

Job 16:11

Diosqa llulla runaspa makinman churawan, juchasapa runaspa makinman urmachiwan.

Job 30:12

Qayllayman may chhika tantaykakamunku, tanqaspa urmachiyta munawanku, sinrullataj muyuykamuwanku, wañuchiytataj munawanku.

Salmos 3:7

Sayarikuy, Señor! Diosníy, salvaway! Qan contrariosniyta jinch'anki, sajra runaspa kirusnintataj muchhanki.

Lamentaciones 2:16

Tukuy enemigosniyki qampajqa rimanku. Paykunaqa alqochakuspa, kirusninkuta k'arurakuspataj ninku: Kaytaqa chinkachinachej; noqanchejqa kaytapuni suyasharqanchej. Kayqa kunanqa, rikunchejña, nispa.

Salmos 22:14

Jich'akoj yaku jina kani. Tukuy tullusniy kutasqas kanku. Sonqoytaj mach'a jina kashan, ukhuypi unuyashan.

Salmos 56:6

Tantakuspa kaypi jaqaypi pakaykachakunku, purisqayta allinta wateqawanku, mayk'ajchus wañuchinawankuta suyaspa.