Job 11:7 - Qheshwa Biblia DC

⁷ Creenkichu Diospa pakasqa imasninta taripayta? Chayawajchu Tukuy Atiyniyoj Diospa imaynachus kasqanta yachanaykikama?

DIOSPA QHELQACHISQAN DEUTEROCANONICAL

⁷ Diospa pakasqa imankunata tariyta atiwajchu? Tukuy Atiyniyoj Dios jina mana pantayniyoj kawajchu?

DIOSPA QHELQACHISQ

⁷ Diospa pakasqa imankunata tariyta atiwajchu? Tukuy Atiyniyoj Dios jina mana pantayniyoj kawajchu?

Job 11:7 Referans Kwoze

Romanos 11:33

May jina jatumpunichus Diospa qhapaj kaynin, yachaynin, rejsiynimpis. Mana yachay atina yuyasqampis, jinallataj ñankunasnimpis.

Eclesiastés 3:11

Diosqa tukuy imata tiempompi k'achituta ruwarqa. Payllataj runaj sonqonman wiñay kasqanta churarqa, qallariymantapacha Diospa ruwasqasninta allinta yachanampaj; chaywampis runaqa manapuni yachayta atinchu imaynamantachus kashasqankuta.

Salmos 145:3

Señorqa jatunmin, mayta yupaychanapaj jinapuni. Jatun kaynenqa mana yachay atina jina.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

Isaías 40:28

Manachu yacharqanki, manatajchu uyarerqanki wiñaypaj kaj Diosqa Señor kasqanta, kay tukuynin jallp'atapis pay ruwasqanta? Payqa mana iskayrayanchu, nitaj sayk'unchu. Payqa yuyasqantaqa mana pipis yachayta atinchu.

Salmos 77:19

Mar qochapi ñanta kicharerqanki, ashkha yakustataj pasarqanki, nitaj pipis lastroykita tarerqachu.

Job 37:23

Tukuy Atiyniyojmantaqa mana yachayta atisunmanchu; Payqa manchay atiyniyoj, cheqantaj; Payqa cheqanta imatapis ruwan mana pitapis sarullanchu.

Job 5:9

Payqa ashkha imasta, musphay t'ukunastawan ruwan, chaykunatataj mana pipis unanchayta atinmanchu!

1 Corintios 2:16

Pitaj Señorpa yuyayninta rejserqa? Pitaj Diosmanta yachachiyta atinmanri? Astawanqa Cristoj yuyaynin noqanchejpi kashan.

1 Corintios 2:10

Chay imastaqa Dios rejsichiwanchej Espiritunnejta; imaraykuchus Espiritoqa allinta rejsin tukuy imata, Diospa may ukhu yachaynintapis.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

Job 26:14

Chayqa ruwanasninmanta uj chhikallan, imatachus uyarisqanchejqa chhichiy jinalla. Pitaj chay jina atiyniyoj qhon qhonnintaqa unanchanmanri?

Job 22:12

Diosqa janaj pachamanta aswan patapi kashan, aswan jatuchaj qoyllurkuna chakisnin urapi qhepakunku.

Job 33:12

Qhaway: Kayta nispaqa mana cheqantachu ninki, Diosqa runamanta aswan jatun atiyniyojpuni.

Job 33:13

Imaraykutaj qan Payman jinata uyampi ninkiri, mana ni ima parlasqaykita kutichisojtinchu jinata ninki?

Job 36:26

Diosqa may jina jatun, noqanchejqa mana yachayta atisunmanchu, nitaj watasnintapis yupayta atisunmanchu.

Job 37:5

Dios jatunmanta manchayta parlamojtenqa, sumaj imasta rikuchiwanchej; chaykunaqa manchay jatuchaj imas kanku, mana pipis unanchayta atinchu.

Eclesiastés 7:24

Tukuy ima kajpis noqamanta karupi kashan. Mana yachanapaj jina, mana pipis yachallanmanchu.

Job 27:11

Noqa rikuchisqaykichej Diospa jatun atiyninta, Tukuy Atiyniyoj imastachus ruwanampaj wakichisqasninta.

Job 35:5

Qhawariy janaj pachata; phuyusqa qanmanta aswan patapi kashanku.

Job 42:3

Pitaj noqa kasqani qampa atiyniykimanta iskayrayanaypajri, jinamanta mana yachasqayta rikuchispari? Noqaqa parlasharqani imastachus mana yachasqayta, chay jina t'ukuna imasta mana yachayta atisqayta.

Salmos 139:6

Yachayniykeqa ancha jatun noqapajqa, mana yachanaypaj jinachu, chay jina jatun, mana unanchayta atinichu.

Proverbios 30:4

Pitaj janaj pachaman wicharerqa uraykamorqatajri? Pitaj wayrata makimpi q'apiykorqari? Pitaj yakuta inkuñaman wataykorqari? Pitaj jallp'aj mojonesninta sayacherqari? Yachanki chayqa niway, imataj paypa sutin, chanta wawampa sutimpisri?