Job 1:5 - Qheshwa Biblia DC

⁵ Chay fiestasta tukojtinkutaj Jobqa wawasninta wajyaspa, tutamanta jatariytawan uj uywata ñak'aspa Señorpaj q'olacherqa, sapa ujninku juchasninkumanta llimphuchakunankupaj. Chayta Jobqa ruwajpuni, ichapis wawasniy chay fiestankupi sonqosninkupi Diospa contranta juchallikunku, nispa.

DIOSPA QHELQACHISQAN DEUTEROCANONICAL

⁵ Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

DIOSPA QHELQACHISQ

⁵ Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

Job 1:5 Referans Kwoze

Job 42:8

Kunanqa qanchis torosta, qanchis carnerostawan qhatirikuspa kamachiy Jobman riychej; chaypitaj q'olachispa jaywamuychej chay jinata parlasqaykichejmanta. Kamachiy Jobqa chaypi qankunapaj Señormanta mañapusonqachej, noqataj chay mañapusqasuykichejta uyarisaj, jinamanta mana jasut'isqaykichejchu; chaywampis qankunaqa jasut'isqapuni kanaykichej karqa, imaynatachus noqamanta mana cheqantachu parlasqaykichejrayku, imaynatachus kamachiy Job ruwarqa jinataqa.

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

Job 8:4

Sichus wawasniyki Diospa contranta juchallerqanku chayqa, Payllataj jasut'in, juchankuman jina.

1 Samuel 16:5

Samueltaj kuticherqa: Arí, nispa. Jamushani Señorman uj rikuchikuta jaywaj. Llimphuchakuychej, noqawan khuskataj Señorman jamuychej rikuchikuta jaywaj. Chaymantataj Samuelqa Isaita wawasnintawan llimphucharqa, wajyarqataj Señorpa rikuchikunman.

Efesios 6:18

Kay tukuytaqa ruwaychej sapa p'unchay, Diosmanta mañakuspa Espiritupi tukuy mañakuywan. Ama puñuspa qhawaychej, mana sayk'uspa. Mañakuychej Diospata kajkunapaj.

Hechos 8:22

Chay juchaykita saqespa Diosman kutiriy, Señormanta mañakuspa, ichapis sonqoykipi sajra yuyayniykita pampachapusonqa.

1 Reyes 21:13

Chantataj iskay sajra runas jamorqanku, Nabotpa ñaupaqempitaj tiyaykukuspa chay runasqa, tukuynin runaspa ñaupaqempi llullakuspa jurayta qallarerqanku Nabotpa contrampi, nispa: Payqa Diospa contranta parlan, reypa contrantawan. Llajtamanta jawaman pusaspataj chaypi rumiwan ch'anqaspa wañucherqanku.

Génesis 22:3

Abrahamqa q'ayantin tutamanta jatarispa, burronta karunaykuytawan, iskay kamachisninta wawan Isaactawan wajyarqa q'olachinapaj llant'ata k'utuytawan rerqa maymanchus Dios nerqa chayman.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Hechos 21:26

Ajinamanta, Pabloqa chay tawa qhariswan q'ayantin llimphuchakorqa. Chaypacha temploman yaykuspa willamorqa ima p'unchaytachus chay llimphuchakuy tukukunanta; chay qhepatataj Diosman jaywanankupaj ofrendata sapa ujninkumanta.

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

San Juan 11:55

Judiospa Pascuan qayllaña karqa; ashkha runataj llajtamanta Jerusalenman wicharerqanku Pascua ñaupajta llimphuchakunankupaj.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Eclesiastés 9:10

Imaschus ruwanaykipaj jina chaykunata, kallpaykiman jina ruway; imaraykuchus wañuspa maymanchus rinki chaypeqa manaña ima ruwanapis kanchu, ni yuyanapis, ni yachana, nitaj yachaypis.

Salmos 5:3

Señorníy, sut'iyaymanta mañakusqayta uyariwanki; chhapu chhaputa qanman willakuyki; chantá suyani imatachus ninawaykita.

Job 41:25

Pay sayarejtinkama atiyniyojkunaqa manchariywan ayqenku, mayta kharkatitispa.

Job 27:10

Chay jina runaqa mana kusiyta tarenqachu Tukuy Atiyniyojpi, nitaj mayk'allapis paymanta mañakunchu.

Job 2:9

Warmintaj nerqa: Qanqa Diosta sonqoykipi yuyarishallankipunichu? Diosta maldiciy, jinaspataj wañuy ari!, nispa.

Job 1:11

Kunanqa qhechuy tukuy kapusqanta, rikunkitaj, uyaykipi maldicisusqanta.

Nehemías 12:30

Chaypacha levitas, jinataj sacerdotespis llimphuchakorqanku. Chaymantataj tukuy ayllusta llimphucharqanku, llajtaj punkusninta, perqasninta ima.

Éxodo 19:10

Moisesman ujtawan Señorqa nerqa: Rispa israelitasman nimuy, kunan q'ayatawan llimphuchakunankuta, p'achasninkutapis t'ajsarakuchunku.

Éxodo 18:12

Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

Génesis 6:5

Señor rikorqa runaspa ashkha millay sajra ruwasqasninkuta, qhepamampis tukuy sajrallatapuni ruwayta yuyasqankuta.

2 Corintios 11:2

Noqa celoso kashani qankunamanta Diospa celosninwan; imaraykuchus uj qosallawan rejsinacherqaykichej, Cristoman qankunata chimpachinaypaj llimphu doncellata jina.

1 Reyes 18:31

Eliastaj chunka iskayniyoj rumista oqharerqa Jacobpa wawasnin mashkha aylluchus karqanku chayman jina, Jacobta Señorqa nerqa Israel sutiyki kanqa nispa, chay rumiswantaj uj altarta ruwarqa Señorpa sutimpi; chay jawataj uj lark'ata ruwarqa altarpa muyuynimpi, chaymantaj kinsa chunka litros yaku jina yaykoj.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

Job 1:4

Jobpa qhari wawasnenqa sapa ujninku wasisninkupi sumajta mikhuspa fiestasta ruwaj kanku, panasninkutapis kinsantinta wajyachej kanku mikhunankupaj ujyanankupajtaj paykunawan khuska.

Job 6:14

Pi llakisqatapis kausaqenqa sonqochaykurin; pichus Tukuy Atiyniyojta qonqapojtimpis sonqochaykurin.

Ezequiel 14:14

Kay kinsa runaschus chay llajtapi kashankuman Noé, Daniel, Job ima chayqa, paykunalla kinsantinku salvasqas kankuman cheqa runas kasqankurayku. Noqa Señormin chayta nini.