Jeremías 9:6 - Qheshwa Biblia DC

⁶ Señor nillantaj: Qhepampi qhepampi mana allin ruwaylla, qhepampi qhepampi llullakuylla, aylloyqa mana rejsikapuyta munawanchu.

DIOSPA QHELQACHISQAN DEUTEROCANONICAL

⁶ 6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

DIOSPA QHELQACHISQ

⁶ 6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Jeremías 9:6 Referans Kwoze

Jeremías 13:10

Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Jeremías 20:10

Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

Jeremías 11:19

Noqa ch'inlla kakusharqani, imaynatachus uj corderota wañuchej apanku ajinata, mana yachaspa imatachus contraypi ruwayta munashasqankuta. Nisharqanku: Sach'ata k'utunachej, kunan kallpampi kashajtin; t'iranachej kay pachapi kausajkuna ukhumanta, manaña pipis paymanta ujtawan yuyarikunampaj.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Jeremías 5:27

Wasisninkuta suwasqa imallawan junt'achinku, imaynatachus p'isqosta jaulasman junt'achinku ajina. Ajinamanta atiyniyojman, qhapajmantaj tukunku.

Proverbios 1:29

Qankuna yachayta qhesakasqaykichejrayku, Señorta yupaychayta mana munankichejchu.

Proverbios 1:24

Noqa wajyamorqaykichej, qankunataj mana uyariyta munarqankichejchu; makiyta jaywamorqaykichej, qankunataj mana rikoj tukuwarqankichej.

1 Corintios 15:34

Qankuna rijch'ariychej sumaj cheqan kausayman, amataj juchalliychejchu; imaraykuchus wakin qankunamanta Diosta mana rejsinkuchu. Kayta nini qankuna p'enqakunaykichejpaj.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

1 Samuel 2:12

Eléj wawasnenqa sinch'i millay puriyniyoj karqanku, manataj Señormanta dakojchu kanku, nillataj allintachu ruwaj kanku tukuy aylloj ñaupaqempeqa sacerdote jina ruwanasninkutapis. Pillapis rikuchikuta jaywashajtenqa, sacerdotej ujnin kamachin jamoj makimpi uj trinche jap'irisqa manaraj aycha chayashajtin.

Isaías 1:3

Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

Jeremías 11:10

Ñaupa tatasninku juchasta ruwasqallankumantaj kutiykapunku. Paykunaqa mana kasuwarqankuchu. Chayrayku waj dioskunata yupaychaj churakorqanku. Israel, jinataj ñaupa tatasninkuwan tratota ruwasqayta p'akerqanku.

Isaías 1:25

Makiyta watejmanta oqharisaj qampa contraykipi, ruphachisajpuni tukuy q'opaykita, tukuy ch'ichiykimantataj llimphuchasqayki.

Isaías 4:4

Chayqa kanqa maypachachus Señor Siompi kaj warmispa ch'ichi kayninkuta mayllajtin, jinallataj Jerusalempi yawar jich'asqankuta pichajtin, Señor tukuy atiyninwan cheqanchajtin, jasut'ejtintaj.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!