Jeremías 9:20 - Qheshwa Biblia DC

²⁰ Warmis, uyariychej Señorpa nisqanta, parlasqanta allintapuni uyariychej, warmi wawasniykichejman waqayta yachachiychej. Warmi masisniykichejmampis kay jinata waqayta yachachiychej:

DIOSPA QHELQACHISQAN DEUTEROCANONICAL

²⁰ 20 (19) Warmikuna, Tata Diospa nisqanta uyariychej, parlasqanta allintapuni uyariychej. Ususiykichejman waqayta yachachiychej, jinallataj warmi masiykichejmanpis.

DIOSPA QHELQACHISQ

²⁰ 20 (19) Warmikuna, Tata Diospa nisqanta uyariychej, parlasqanta allintapuni uyariychej. Ususiykichejman waqayta yachachiychej, jinallataj warmi masiykichejmanpis.

Jeremías 9:20 Referans Kwoze

Job 22:22

Saqey pay imatapis kamachis unanta, chay palabrasintataj sumajta umaykipi jap'eqay.

Isaías 3:16

Señorqa nillantaj: Sionmanta kaj warmisqa anchata wapuykachanku, umankuta oqharispa purinku, ñawisninkuwan ch'irmispa, pata patallata thaskispa, chakisninkupi k'achanchakusqankuta sonachispa.

Isaías 3:4

Paykunata kamachinampajtaj majt'illusta churasaj, yoqhallaslla paykunata kamachenqa.

Jeremías 9:12

Pitaj ashkha yachayniyoj kanman kay imasta yachakunampajri? Pimantaj Señor rejsicherqa kay imastari, paytaj kay imasta wajkunaman allinta yachachinampajri? Imaraykutaj kay jallp'anchejqa phirisqa, ch'aki ch'in pampa mana pejpa purinan jinari?

Jeremías 23:16

Tukuy Atiyniyoj Señorqa nin: Israelitas ama akasuychejchu profetaspa nisqasninkuta; imaraykuchus paykunaj nisqasninkoqa llullaslla kanku. Paykunaj kikinkoj umachakusqasnillankuta willarashanku, manataj noqa willasqasniytachu.

Jeremías 23:28

Sichus uj profetajta uj mosqokuynin tiyan chayqa, willachun uj mosqoypuni kasqanta. Sichus pi palabraytapuni jap'in, chayri cheqamantapuni willarachun. Trigotawan pajatawanqa mana kikinchachiyta atisunmanchu.

Jeremías 6:11

Phiñakuyniykiwan junt'asqaña kani Señor, manaña kakuyta atinichu, nispa. Señortaj niwarqa: Chay phiñakuyniyta thalliykuy ari callepi purishanku chay wawaspa patanman, jinataj chay waynaspa patanmampis. Qosasta warmisnintinta presochasqasta apanqanku, jinallataj machu runastapis.

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Jeremías 14:16

Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

Lamentaciones 2:19

Sayarikuspa tukuy ch'isi qhaparikuy ari. Paran paranta Señorpa ñaupaqempi waqarikuy ari. Makisniykita oqharikuspa Señormanta mañakuy ari, calle yaykunaspi mikhunamanta jina wawasniyki ama wañupunankupaj.

Lamentaciones 2:21

Kaynejpi jaqaynejpi wijch'u wijch'ulla espadawan wañuchisqas kashanku, wawas, machu runas, sipaskuna, wayna runas ima. K'ajaj phiñakuyniyki p'unchaypi wañuracherqanki, ñak'ararqankitaj mana khuyakuspa.