Jeremías 8:16 - Qheshwa Biblia DC

¹⁶ Enemigosqa jamushanña. Caballospa ansaqesqasninku Danmantapachaña uyarikun. Caballos qhaparinku chayqa, tukuy jallp'antin kharkatitin. Jallp'api tukuy kaj imasta t'unaykoj jamushanku, llajtata, chaypi tiyakojkunasninta ima.

DIOSPA QHELQACHISQAN DEUTEROCANONICAL

¹⁶ Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

DIOSPA QHELQACHISQ

¹⁶ Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Jeremías 8:16 Referans Kwoze

Jueces 18:29

Ñaupajta sutin karqa Lais nisqa, paykunataj suticharqanku Dan nispa, yuyarikuspa Israelpa wawan ñaupa tatanku Dan chay sutiyoj kasqanrayku.

Jueces 5:22

Caballospa chaki zapatosnin jallp'ata sonarichinku. Phinkirispa, phinkirispa rinku chay chúcaro sinch'i correj caballosqa.

1 Corintios 10:28

Sichus pipis chaypi willasunkichejman: Kay aychaqa lantikunaman jaywasqa karqa nispa chayqa, ama mikhuychejchu chay willasqanrayku, chantá concienciaraykutaj; [imaraykuchus Señorpata jallp'aqa, tukuy ima junt'a kasqanwan].

1 Corintios 10:26

Jallp'aqa Señorpata, jinallataj tukuy ima jallp'a patapi kajpis.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

Nahúm 3:2

Seq'oykunaj siuj siuj niynin! Ruedaspa ch'ajwaynin! Caballospa correkachasqanku, carrospa phinkiyakachasqanku!

Jeremías 47:3

caballospa corresqanta uyarispa, carretaspa loqhoqeyasqanta, jinataj ruedaspa purisqantapis. Tataspis wawasninkuta saqerparinku, kallpanku pisiyasqanrayku.

Jeremías 10:25

Phiñakuyniykita kachaykuy, qanta mana rejsisunkuchu chay nacionespa patanman; jinallataj pikunachus sutiykita mana oqharinkuchu chaykunaman, imaraykuchus Judá aylluta mana ujniyojta tukorqochinku, jinamanta llajtataqa raqaykunasllataña saqerparinku.

Jeremías 6:23

Lanzaswan, wach'ina arcoswan ima wakichisqasña kanku. Ancha sajras kanku, mana uj chhika khuyakuyniyojtaj, qhaparqachasqankoqa mar qochaj sonaynin jina kanku, caballospi montasqas rishanku. Chaykunataj Siompa contrampi maqanakunankupaj wakichisqasña kanku.

Jeremías 4:24

Orqosta qhawarerqani, manchayta ikharikusharqanku, tukuy juch'uy lomasnimpis kharkatishallarqankutaj.

Salmos 24:1

Tukuy jallp'a Señorpata, tukuy ima chaypi kajpis; tukuy kay pachaqa paypata, tukuy ima chaypi kajkunapis.

Jueces 20:1

Chaypacha tukuy israelitasqa Danmantapacha Beersebakama jinataj Galaadkama uj runa jinalla Señorpa ñaupaqempi tantaykukorqanku Mizpa llajtapi.

Job 39:20

Qanchu caballotaqa langostata jina phinkichinki? senqanmantapis manchachikunata jina phor phor nichinki?

Jeremías 3:24

Lantista yupaychasqasniyku p'enqayta chinkachiwarqayku unaymantapacha tatasniykoj tarisqanku chay ovejasta, uywasta, qhari wawasta, warmi wawastapis.

Jeremías 5:17

Poqochisqasniykita, t'antaykitapis mikhukaponqanku, chantapis qhari wawasniykita, warmi wawasniykitapis oqoykonqanku. Ovejasniykita, wakasniykitapis mikhullanqankutaj, uvas poqoykunasniykita, higos poqoykunasniykita ima. Chay armasninkuwan, chay atienekoj kanki chay ruwasqa llajtasniykita phirenqanku.

Jeremías 30:16

Jinaqa, tukuy qanta oqoykusojkunaqa oqoykusqasllataj kanqanku. Qanta ch'uskisojkunaqa ch'uskisqasllataj kanqanku. Tukuy enemigosniyki wijch'usqas kanqanku. Qanta suwasojkunapis suwasqasllataj kanqanku.

Jeremías 50:42

K'uru wach'inaswan, jinataj fierro t'ojsinaswan wakichisqasña kashanku. Sajras mana uj chhikan khuyakuyniyoj kanku. Qhaparqachasqasninkoqa mar qochaj qhollchoqeyasqan jina, caballospi lloq'asqastaj rishanku. Ñapis Babiloniaj contrampi maqanakuman yaykunankupajña kashanku.

Jeremías 51:29

Kay pacha ikhakun, kharkatitintaj, imaraykuchus Señorqa junt'ashan chay wakichikusqasninta, Babiloniata uj ch'in pampaman tukuchinan karqa chayta.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.