Jeremías 7:33 - Qheshwa Biblia DC

³³ Chay runaspa ayasnintaqa suwintus, sajra animales ima mikhonqanku, nitaj pipis chaykunata mancharichej kanqachu.

DIOSPA QHELQACHISQAN DEUTEROCANONICAL

³³ Chay runakunaj ayankuta suwintukuna, k'ita animalkuna ima mikhonqanku, nitaj pipis chaykunata mancharichej kanqachu.

DIOSPA QHELQACHISQ

³³ Chay runakunaj ayankuta suwintukuna, k'ita animalkuna ima mikhonqanku, nitaj pipis chaykunata mancharichej kanqachu.

Jeremías 7:33 Referans Kwoze

Jeremías 12:9

Kay noqaj aylloyqa, imaynatachus k'achitu phurusniyoj aycha mikhu p'isqo jina, chaytataj waj aycha mikhu p'isqos maqaj churakunku, ajina kashanku. Jamuychej, tukuy sajra animales kajkuna, tantaykukuychej uj sumaj mikhuy qarakuta ruwanaykichejpaj.

Deuteronomio 28:26

Tukuy phawaj p'isqos, tukuy kay pachapi kaj k'ita animalespis ayasniykichejta mikhonqanku, ni pipis paykunataqa manchachenqachu.

Ezequiel 39:4

Israelpa alto lomasnin pataspi qan wañunki tukuynin soldadosniykiwan khuska, tukuy llajtasmanta kaj runas qanwan karqanku chaykunaqa urmallanqankutaj. Aychata mikhoj tukuy laya p'isqosman, chantá campopi kaj millay animalesmantaj mikhusunankupaj jaywasqayki.

Jeremías 34:20

Chayrayku wañuchej enemigosninkoj makisninman urmanankuta saqesaj, chay ayasninkutaj chay aycha mikhu suwintuspa, jinataj chay millay animalespa mikhunankupaj kanqa.

Jeremías 25:33

Pistachus Señor chay p'unchaypi wañuchenqa chaykunaqa, kay jallp'aj uj cantonmanta uj cantonkama mast'alla kanqanku. Manataj pipis paykunamantaqa waqanqachu, manataj pipis ayasninkuta p'ampaykamunankupaj oqharenqachu, pampallapi wanu jina qhallasqas kanqanku.

Jeremías 22:19

Burro wañusqata jina qhawarparenqanku, Jerusalenmanta qhatatatispa jawaman wijch'onqanku.

Jeremías 19:7

Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 9:22

Runaspa ayasninkutaj pampaman wijch'usqas wanu jina kanku. Jinallataj, imaynatachus trigoj umasnin ruthojpa qhepampi t'akakun, manataj pipis chajmanchu ajinata. Señormin chayta nin.

Isaías 18:6

Ajinamanta tukuy chaykuna p'isqospaj, sajra animalespajwan qhepakonqa. Chaypi p'isqosqa q'oñi tiempopi kanqanku. Kay jallp'a patapi sajra animalespis chaypi chiri tiempota pasanqanku.

Jeremías 14:16

Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

Jeremías 15:3

Noqa Señor nini: Noqa apachimusqaykichej tawa laya jasut'ista: Wañuchisonqachej, maqanakupi alqos qhatatasonqachej, suweq'aras mikhusonqachej, chhikachaj millay animalesataj oqoykusonqachej.

Ezequiel 29:5

Chantá challwasniykiwan k'askaykusqata ch'innejman wijch'usqayki. Qanqa chay pampapi choqarayanki, manataj pipis p'ampaykunasumpaj aysarisonqachu. Campopi kaj millay animalesman, phawaykachaj aycha mikhu p'isqosmantaj mikhuykusunankupaj jaywaykusqayki.

Deuteronomio 8:20

Imaynatachus Señor nacionesta ñaupaqeykichejmanta chinkachenqa, ajinallatataj qankunatapis Diosqa chinkachisonqachej, sichus payta mana kasunkichejchu chayqa.

Jeremías 9:21

Wañoyqa wasisninchejman yaykuykamun, palaciosninchejpi, callespi wawasta wañuchinampaj, waynastataj plazaspi.