Jeremías 7:18 - Qheshwa Biblia DC

¹⁸ Wawasqa llant'ata pallanku, tatas kajkunataj ninata jap'ichinku, warmis kajkunataj jak'u masata ñat'unku tortillata ruwanankupaj, chay cieloj reinan ninku chay diosaman jaywanankupaj. Chaywan phiñachiwankichej, jinallataj chay mana rejsisqa dioskunaman vinota jaywasqaykichejwan.

DIOSPA QHELQACHISQAN DEUTEROCANONICAL

¹⁸ Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

DIOSPA QHELQACHISQ

¹⁸ Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Jeremías 7:18 Referans Kwoze

Jeremías 19:13

Jerusalempi, chantá Judapi reykunaspa wasisnin, chay wasi pataspi, maypichus inciensosta q'osñichej kanku tukuy qoyllurkunaman, chantá maypichus vinota waj dioskunaman jich'aj kanku chaykunapis, Tofetpi jina ch'ichipaj qhawasqas kanqanku.

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?

1 Reyes 14:9

Qanrí sajra kajllatapuni ruwarqanki qanmanta ñaupaj kajkunamantapis astawanraj, qantaj metal unuyachispa waj dioskunata lantistawan ruwakorqanki phiñachinawaykipaj, noqataj wasanchawarqanki.

Jeremías 32:29

Llajtata jap'ikapoj caldeosqa yaykuykuspa ninawan jap'iykuchenqanku; maypichus Baalman inciensosta q'osñichej kanku, jinataj vinosta jaywaj kanku mana rejsisqa dioskunaman, noqata phiñachinawankupaj, chay wasistawan khuska ruphaykuchenqanku.

Jeremías 25:7

Chaywampis qankunaqa manapuni kasuyta munawarqankichejchu, manachayqa phiñachiwankichej, qankuna kikiykichej ruwasqaykichej dioskunasta yupaychaspa. Chaytaj kanqa, qankunallatataj mana allin rinasuykichejpaj. Señor chayqa nin.

Jeremías 11:17

Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.

Isaías 3:8

Cheqamanta Jerusalenqa urmaykapun, Judapis thuñiykukun, imaraykuchus chaypeqa mana parlanasta parlanku, millay imasta Señorpa contranta ruwanku, Señorpa jatun kayninta qhesachaspa.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.

Deuteronomio 32:16

Waj dioskunata yupaychaspa Diosta mayta phiñacherqanku. Millay lantisninkuwan phiñakuyninta k'ajaricherqanku.

Deuteronomio 4:19

Pajtataj janaj pachaman qhawaspa rikuwajchej, intita, killata, estrellasta, imaschus janaj pachapi kanku chaykunatawan. Ajinamanta pajtataj chaykunaman qonqorikuspa yupaychawajchej. Señor Diosniykichejqa chaykunasta ruwarqa kay pachapi kaj tukuy aylluspaj.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Jeremías 44:25

Israelpa Tukuy Atiyniyoj Señor Diosnin nin: Qankuna, warmis, simiykichejwan ninkichej, makiykichejwantaj kikinta ruwankichej. Qankuna ninkichej inciensosta, rikuchikustapis Cielomanta Reina nisqaman jaywanaykichejta, nisqaykichejtataj junt'anaykichejtapuni. Kunanqa junt'aychej, ruwaypitaj rikuchiychej chay ruwasaj nisqaykichejta.

Isaías 65:11

Qankuna Señorta qonqajkunari, ajllakusqay orqota qonqapunkichej, suertesta choqanaykichejpaj mesasta churankichej, mana rejsisqa diosman vinowan ch'allankichej.

Isaías 65:3

Chay runasqa sapa kuti phiñachillawankupuni, huertaspi uywa wañuchisqasta jaywaspa, ladrillo pataspi inciensota ruphachispa. Chantaqa sepulturaspi, pakaynejman tutasnin rispa, khuchi aychasta mikhuspa, mana mikhuna uywasta ima mankasninkupi chayachispa.

Isaías 57:6

Jerusalén valles mayuspi llusk'a rumis qanmanqa chayasunki; arí, chay rumis qampajqa kashan; chay rumisman qanqa vinoswan ch'allanki, chayman rikuchikustapis jaywamunki. Chay imastaqa manachu jasut'isaj?

Salmos 16:4

Chay runasqa chaykunata tukuy sonqo qhatikunku. Noqaqa ni jayk'ajpis chaykunaman uywa wañuchisqasta jaywasajchu. Sutisnillankutapis simeyqa ni jayk'aj parlanqachu.

Jeremías 7:17

Manachu Judá llajtaspi, jinataj Jerusalén callespipis ruwasqasninkuta rikunki?

Jeremías 17:2

Wawasniyki yuyarikunku altaresmanta, chay yupaychana k'ullusninkumantataj, chay ch'ampa sach'aswan khuska kasharqa chaykunamanta, jinataj chay orqo pataspi kasharqanku chaykunamantapis.

Lamentaciones 5:13

Aswan kallpayoj wayna runastaqa molinota khiwichimorqanku. Wakin pisi kallpayoj waynastataj ashkha llant'ata q'epirichispa, chay q'epej llasayninwan wañuracherqanku.

Ezequiel 8:17

Chantá, Señorqa niwarqa: Runa, rikunkichu? Judá aylloqa kaypi chay jina millay imasta ruwasqasninwan mana contentakunchu. Kay nacionman juchaswan junt'achinku. Astawan astawan phiñachishawanku, senqankumantaj sach'a laphista churakunku.

Ezequiel 16:26

Qayllaykipi kajkunawan mayta qhenchachakorqanki, chay jina q'oñirisqa egipcioswan. Sapa kuti qhenchachakusqaykiwan phiñachiwanki.

Jeremías 1:16

Kay jasut'i kanantamin kamachisaj saqerpayawarqanku chay juchasapaspa contrampi. Paykunaqa inciensota q'osñichispa yupaycharqanku chay mana rejsisqa dioskunata, paykuna kikinku ruwakusqankuman jaywaspa.

Jeremías 44:4

Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

Ezequiel 8:16

Chantá Señorta yupaychana wasi patio ukhuman pusaykuwarqa. Punku yaykuna altar chaupipi iskay chunka phishqayoj runas Señorpa tiyakunan wasiman wasanchakuspa, inti llojsimuy ladoman qhawarisqas, pampaman k'umuykuspa intita yupaychasharqanku.