Jeremías 7:10 - Qheshwa Biblia DC

¹⁰ Chaymantaraj yupaychanawaykichej wasiyman jamuwankichej ñaupaqeyman chimpamunawaykichejpaj. Creekunkichej kacharisqas kasqaykichejta, chay millay ruwaykunata, mana noqaj munasqay imasta ruwaykichejpaj.

DIOSPA QHELQACHISQAN DEUTEROCANONICAL

¹⁰ Ajinata ruwashaspapis, qankunaqa kay Temployman yupaychawaj jamunkichejraj, mayqenchus noqapaj t'aqasqa kashan chayman, ninkichejtaj: Kaypi allillan kashayku, nispa. Qankunaqa yuyankichej chay millachikusqay imakunata ruwayta atillasqaykichejta.

DIOSPA QHELQACHISQ

¹⁰ Ajinata ruwashaspapis, qankunaqa kay Temployman yupaychawaj jamunkichejraj, mayqenchus noqapaj t'aqasqa kashan chayman, ninkichejtaj: Kaypi allillan kashayku, nispa. Qankunaqa yuyankichej chay millachikusqay imakunata ruwayta atillasqaykichejta.

Jeremías 7:10 Referans Kwoze

Jeremías 32:34

Llimphuchasqa yupaychanay wasiyta uj p'enqaypi rikhuricherqanku, chayman chay millay lantisninkuta churaykuspa.

Ezequiel 23:39

Wawasninkuta dioskunasninkuman ninapi ruphachispa jaywarqanku, chay kikin p'unchayllapitaj wasinkuman yaykuspa ch'ichicharqanku. Chayta ruwarqanku kikin wasiypi.

Ezequiel 23:37

Paykunaqa qhenchachakorqanku, makisninkutaj yawarwan ch'ichichasqas kashanku. Qhasi mana kaj dioskunasninkuta yupaychaspa wasanchawarqanku. Noqapaj wawasta nacechikorqanku, chay wawasninkutapis ninawan enqhaspa dioskunasninkuman jaywarqanku.

Jeremías 34:15

Kunanqa, ña qankunaqa jucha ruwaykunasta saqesqankichejña, noqaman allin rijch'awaj imastataj ruwasqankichej, llajta masisniykichejta kacharisqasta saqespa. Ñaupaqeypitaj yupaychana wasiypi uj tratota ruwarqankichej.

Jeremías 7:30

Señorqa nillantaj: Judamanta runasqa mana walejtachu rijch'ayniypi ruwanku: Chay millachikuna lantisninkuta noqapaj t'aqasqa chay yupaychanawanku wasiyman churarqanku, chaywantaj ch'ichicharqanku.

Jeremías 7:14

Chayrayku chay Silopi yupaychana wasiyta jina ruwasaj, kaypi noqapaj yupaychana wasi kashan, chaytarí qankunaman, jinataj ñaupa tatasniykichejman qorqani, chaypitaj atienekoj kankichej.

Jeremías 7:11

Yuyankichejchu kay noqapaj t'aqasqa wasi kashan chay suwaspa pakakunan kasqanta? Chay tukuyta rikuni, noqa Señor chayta nini.

San Juan 18:28

Jesusta pusarqanku Caifaspamanta, pretorio nisqa wasiman. Sut'iyamuytataj chay pusajkunaqa, mana pretorioman yaykorqankuchu, mana ch'ichichakuyta munaspa; ajinamanta Pascua mikhuyta mikhunankupaj.

San Juan 13:18

Mana tukuyniykichejmantachu kayta nini; noqa yachani pikunatachus ajllasqayta. Chaywampis Escritura junt'akunan tiyan: Noqawan t'antata mikhojqa contray rikhurin.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

Ezequiel 23:29

Paykunaqa chejnikuywan qhawasonqanku. Llank'akuspa ruwakusqaykita jap'ikaponqanku, q'alapachallata mana imayojta saqerpayasonqanku. Qhenchachakuy juchaman qosqayki, ukhuykeqa sut'ipacha rikhukonqa, munayniykiman jina khuchiriopi purisqaykipis yachakonqa.

Ezequiel 20:39

Israel ayllu, kay jinata qankunaman Señorqa nisunkichej: Sichus noqata qankuna mana kasuwankichejchu chayqa, sapa ujniykichej lantisniykichejpa qhepanta ripuychej, paykunata yupaychamuychej. Ama llimphu sutiytaqa ch'ichichaychejchu rikuchikusniykichejta jaywaspa, nitaj lantisniykichejta yupaychaspapis.

Isaías 48:2

Diospa llajtanmanta kayku ninkichej, Israelpa Diosninman atienekuyku nispa. Chay Diospa sutenqa Tukuy Atiyniyoj Señormin.

2 Crónicas 33:7

Astawampis uj lantita ruwaspa churallarqataj Diospa wasinman, chay wasinmanta parlaspa Dios nerqa Davidman, jinataj wawan Salomonmampis: Kay wasipi, Jerusalempitaj, mayqempichus noqa ajllasqa karqani Israel ayllu ukhumanta wiñaypaj chaypi sutiy kanampaj.

2 Crónicas 33:4

Señorpa yupaychana wasimpipis jatarichillarqataj altaresta. Chaymanta parlaspa Señorqa nerqa: Jerusalempi wiñaypaj chaypi sutin kananta.

2 Reyes 21:4

Señorpa wasimpipis ajinallatataj altaresta sayaricherqa, mayqenmantachus Señorqa nisqa; noqa Jerusalempi sutiyta churasaj, nispa.

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Proverbios 15:8

Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

Jeremías 44:9

Ñachu qonqapunkichejña ñaupa tatasniykichejpa tukuy juchasta ruwasqasninkumanta, Judamanta reykunajta, chantá warmisninkojmanta qankuna kikiykichej ruwasqasniykichejmanta, warmisniykichejpis chay tukuy Judá jallp'api, jinataj Jerusalén callespipis?

Ezequiel 33:25

Chayrayku paykunaman niy: Señorqa kay jinata nin: Qankunaqa aychata yawarnintinta mikhunkichej, lantista yupaychankichej, runastataj wañuchinkichej. Jallp'atapis jap'ikapuyta yuyallankichejtajchu?

Daniel (hebreo) 9:18

Diosniyku, uyarillawayku ari. Qhawariy kay jina mana imayoj rikhurisqaykuta, jinallataj sutiykita yupaychana llajtatapis. Mana kausayniykupi cheqanta ruwasqaykuta creekuspachu qanmanta majakushayku, mana chayqa qampa jatun khuyakuyniykipi creespa.

Oseas 6:9

Sacerdotesqa paykuna ukhumanta tukuyninku suwayman qokapunku, runasmanta suwanankupaj qhawasqallankupiña kanku; wañuchinankupaj, tukuy p'enqay ruwaykunasta ruwanankupajtaj Siquem tukuy ñan rejpi.

Amós 4:5

Mana levadurayoj t'antasta ruphachiychej graciasta qona ofrendata jina, ofrenda qosqaykichejtataj tukuyman willaychej. Chaymin qankunapajqa sumaj. Ajinata nin Señorqa.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Malaquías 3:15

Chay machu machu runasta aswampis kusisqasta rikushanchej. Sajra imasta ruwajkunapajtaj tukuy ima allinnimpaj llojsin. Paykuna Diosta phiñachinapaj jina imatapis ruwanku, chanta nitaj jasut'itapis rikunkuchu.

1 Reyes 9:3

Señortaj payman nerqa: Noqaj ñaupaqeypi mayta mañakuwasqaykita uyariykiña. Kay ruwapuwasqayki wasitapis llimphuchaniña, chaypi sutiy wiñaypaj kanampaj, chayllapitaj ñawisniy sonqoypis tukuy p'unchay kanqa.

Ezequiel 5:11

Chantapis Señorqa nin: Noqa kausayniyrayku jurani, tiyakunay cheqanta chhika millay juchaswan ch'ichichasqaykirayku noqapis qanta qhesachasqayki, mana perdonasqaykichu, nitaj khuyakusqaykichu.