Jeremías 6:6 - Qheshwa Biblia DC

⁶ Tukuy Atiyniyoj Señorqa kay kamachita qon: Sach'asta k'utuychej, perqasmantaj jallp'ata qolluykuychej Jerusalenman maqanakoj yaykunapaj. Llajtaqa jasut'isqa kanampaj qhawasqaña, imaraykuchus millay ruwaykunawan junt'a kashan.

DIOSPA QHELQACHISQAN DEUTEROCANONICAL

⁶ Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

DIOSPA QHELQACHISQ

⁶ Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

Jeremías 6:6 Referans Kwoze

Jeremías 32:24

Kunanqa caldeo jallp'a moqosta oqharinkuña llajtaman yaykuykamunankupaj, jinataj maqanakuykunas yarqhay, onqoy ima llajtaykichejta makinkuman urmaykuchenqa. Señor, rikunki chay nisqasniykeqa imaynatachus junt'akushasqanta.

San Lucas 19:43

P'unchaykuna qampaj chayamonqanku. Chay p'unchaykunapeqa, enemigosniyki perqawan muyuykuchispa, muyuykamusonqanku, tukuynejmantataj k'iskiykamusonqanku, pampachasonqanku, jinallataj qampi kaj wawasniykitapis. Manataj qampi saqenqankuchu rumi patapi rumita; imaraykuchus mana unanchakorqankichu, Diosniyki qanman watukoj jamushasojtin.

Isaías 37:33

Señorqa Asiria reymanta kay jinata nin: Jerusalén llajtamanqa manapuni yaykumonqachu, nitaj flechallantapis kachaykamonqachu. Mana pipis ñaupaqenta escudo oqharisqa jamoj kanqachu, manallataj llajtaj muyuyninmampis ima jallp'a moqosta churanqachu.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 32:31

Kay llajtaqa ruwakusqanmantapacha kunan p'unchaykama k'arajta phiñachillawampuni. Chayraykumin paykunata ñaupaqeymanta chinkarichisaj, tukuy sajra ruwasqasninkuwan phiñachiwasqankumanta, Israel aylluta, Judá ayllutapis, jinallataj reykunasninkuta, sacerdotesninkuta, profetasninkuta, Judapi, Jerusalempiwan chay tukuy tiyakojkunatapis.

Jeremías 33:4

Noqa Señor Israelpa Diosnimpata uj willayniy tiyapuwan, Jerusalempi kaj wasismanta, jinataj Judá llajtaj reykunasnimpa wasisnimpis urmachisqas kanankumanta.

Ezequiel 4:2

Chaymanta soldadoswan muyuykuchiy, maqanakupaj kaj armaswantaj, perqawan; jinallataj pakakunapaj larq'atawan muyuynimpi ruway, runaswan muyuykusqa llajta jina rikukunampaj.

Ezequiel 5:5

Noqa Señormin kaytaqa nini: Jerusalén llajtaqa chaypi kashan. Noqa kay llajtataqa ashkha nacionespa chaupimpi churarqani, ashkha llajtas chaupipitaj.

Daniel (hebreo) 11:15

Wichaymanta kaj rey jamonqa, llajtaj muyuynimpitaj pakakuna perqasta ruwarachenqa. Uraymanta kaj reyqa mana imanaytapis atenqachu, nitaj aswan atiyniyoj kaj soldadosnimpis jark'ayta atenqankuchu.

Sofonías 3:1

Way qanmanta Jerusalén, mana kasukoj llajta, ch'ichichasqa, mana khuyakuyniyojtaj.

Jeremías 5:9

Manachu chay tukuymanta jasut'iymanri? Manachu ajina ayllumanqa chayta mask'akusqanman jina qopuymanri?

Jeremías 5:29

Manachu kay tukuymantaqa jasut'isaj? Manachu ajina runasmanqa chay ruwasqankuman jina qopusaj? Noqa Señormin chayta nini.

Jeremías 20:8

Parlani chayqa, ñak'ariymanta, jinataj wañuymantapuni parlani, chayraykutaj sapa kuti toreawanku, asiykakamuwankutaj, palabrasniykita willarasqayrayku.

Jeremías 39:1

Judamanta rey Sedequías, isq'on watastaña kamachishajtin chunka kaj killampi, Babiloniamanta rey Nabucodonosor tukuy soldadosninwan Jerusalempa contrampi jamuspa muyuykorqanku.