Jeremías 6:23 - Qheshwa Biblia DC

²³ Lanzaswan, wach'ina arcoswan ima wakichisqasña kanku. Ancha sajras kanku, mana uj chhika khuyakuyniyojtaj, qhaparqachasqankoqa mar qochaj sonaynin jina kanku, caballospi montasqas rishanku. Chaykunataj Siompa contrampi maqanakunankupaj wakichisqasña kanku.

DIOSPA QHELQACHISQAN DEUTEROCANONICAL

²³ Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

DIOSPA QHELQACHISQ

²³ Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Jeremías 6:23 Referans Kwoze

Isaías 13:18

Waynasta flechaspa wañurachenqanku, nacesqa wawastapis mana khuyakuspa wañurachenqanku, jatuchaj wawastapis wañurachillanqankutaj.

Jeremías 50:42

K'uru wach'inaswan, jinataj fierro t'ojsinaswan wakichisqasña kashanku. Sajras mana uj chhikan khuyakuyniyoj kanku. Qhaparqachasqasninkoqa mar qochaj qhollchoqeyasqan jina, caballospi lloq'asqastaj rishanku. Ñapis Babiloniaj contrampi maqanakuman yaykunankupajña kashanku.

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

Jeremías 5:16

Tukuy chay runasqa sinch'i maqanakojkuna kanku, armasninkutaj wañuywan ninakun.

Jeremías 4:29

Caballospi jamojkunaspa, jinallataj wach'ina arcosniyojkunaspa ch'ajwaykunasninwan, runasqa usqhay usqhayta ayqenku, thansas ukhuman pakakamunankupaj, chayri qaqa k'ajllusman. Tukuy llajtas saqerpayasqas qhepakorqanku, manaña pipis chaypi tiyakojqa qhepakorqañachu.

Jeremías 4:13

Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

Isaías 19:4

Egiptotaqa sajra runaj makinman churasaj, paykunataqa rumi sonqoyoj rey kamachenqa. Ajinata Tukuy Atiyniyoj Señorqa nin.

Deuteronomio 28:49

Qankunaj contraykichejta karumanta mundoj cantosninmantapacha Señorqa waj llajtayojkuna runasta kachamusonqachej. Chay runaspa parlayninkutataj mana entiendeyta atinkichejchu, paykunaqa anka jina usqhayllata chayamusonqachej.

Isaías 10:32

Chay maqajqa Nobpi samarikonqa chaymanta maqamunampaj makinta oqharenqa, Sión orqoj contranta, Jerusalempa lomanta.

Isaías 17:12

Ashkha llajtaspa ch'ajwasqanku uyarikun, mar qochaj sonaynin jina, chayqa ashkha nacionespa ch'ajwayninku, ashkha yakuspa sonaynimpis kanman jina.

Jeremías 6:4

Enemigosninkutaj ninku: Paypa contrampi maqanakupaj wakichikuychej. Jamuychej chaupi p'unchaynejta, yaykuykusunchej! Ay noqanchejmanta ancha llakiypi tarikunchej, chantapis inti yaykuykushanña, ch'isiñataj kashan!

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Ezequiel 21:31

Phiñakuyniyta pataykiman urmachimusaj, phiñakuyniyta manchay larwashaj ninaman rijch'akojta pataykiman urmachimusaj. Sajra runaspa makinman t'unaykusunampaj jap'ichisqayki.

Jeremías 4:16

Nacionesman, chantá Jerusalenmampis willaychej, karu llajtasmanta enemigosninku kachaykakamusqankuta, maqanaku ch'ajwaykunawan, tukuy Judapi kaj llajtaspa contrampi.

Jeremías 8:16

Enemigosqa jamushanña. Caballospa ansaqesqasninku Danmantapachaña uyarikun. Caballos qhaparinku chayqa, tukuy jallp'antin kharkatitin. Jallp'api tukuy kaj imasta t'unaykoj jamushanku, llajtata, chaypi tiyakojkunasninta ima.

Jeremías 25:32

Tukuy Atiyniyoj Señorqa nin: Ñak'ariykunasqa nacionmanta nacionman chayanqanku. Uj manchay sinch'i llojlla paras oqharikamun kay pachaj tukuy k'uchunmantapacha.

Jeremías 50:41

Wichay karu jallp'asmantapacha uj atiyniyoj nación ashkha reykunasniyojtaj jamunampaj wakichikamushan.