Jeremías 6:21 - Qheshwa Biblia DC

²¹ Chayrayku Señorqa nin: Noqa kay aylluyta misk'achisaj, urmachisajtaj. Tukuy tatas wawasnintin, qayllankupi kajkuna, jinallataj kausaqesninkupis, tukuy wañonqanku.

DIOSPA QHELQACHISQAN DEUTEROCANONICAL

²¹ Chayrayku Tata Dios nin: Noqa kay aylluyta misk'achinaypaj tojllata churasaj. Tukuy tatakuna, wawakuna, qayllankupi kajkuna ima, jinallataj kawsaqenkupis, tukuyninku wañonqanku, nispa.

DIOSPA QHELQACHISQ

²¹ Chayrayku Tata Dios nin: Noqa kay aylluyta misk'achinaypaj tojllata churasaj. Tukuy tatakuna, wawakuna, qayllankupi kajkuna ima, jinallataj kawsaqenkupis, tukuyninku wañonqanku, nispa.

Jeremías 6:21 Referans Kwoze

Isaías 8:14

Payqa iskaynin nacionespaj yupaychana wasinku kanqa. Chaywampis payqa misk'ana rumi kanqa. Chaytaj iskaynin Israel nacionesta urmachenqa. Payqa, ch'ipa jina, tojlla jinataj Jerusalempi tiyakojkunapaj kanqa.

Ezequiel 3:20

Sichus uj cheqa kaj runa cheqan kausayninta saqespa sajra imasta ruwanman, noqataj urmanampaj misk'anata paypaj churayman, juchanmanta reparachispa mana k'amisqaykirayku wañonqa. Noqataj mana yuyarisajchu allin imasta ruwasqasnintaqa, juchampi wañonqa. Chaywampis wañusqanmanta cuentata mañasqayki.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Romanos 11:9

Davidpis nin: Qaraku mikhuyninkupipis paykunapaj tojlla kachun, ch'ipataj chaypi misk'akunankupaj, jasut'isqastaj kanankupaj.

Romanos 9:33

Escribisqapi nisqanman jina: Kay Siompi churani misk'ana rumita, urmana qaqatawan. Paypi creejqa, mana p'enqaypi rikhurenqachu.

Ezequiel 5:10

Chayrayku, qankuna ukhupi wawasninkuta mikhuykojkuna kanqanku, jinallataj wawaspis tatasninkuta mikhuykojkuna kanqanku. Jasut'isniyta qampi rikuchisaj, qanmanta puchojtataj tukuynejman cheqerachisaj.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

Jeremías 18:21

Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

2 Crónicas 36:17

Chaypacha Señorqa Caldeospa reyninta puririchimorqa paykunaj contrankupi, wayna runasninkutataj kikin Diosta yupaychananku wasi ukhupi cuchillowan wañucherqanku, manataj khuyarqachu wayna runasta, nitaj sipas warmistapis, nitaj unay watasniyojkunatapis, nitaj machu runastapis, nitaj allin achachistapis. Señorqa tukuyninkuta paypa makisninman jaywaykorqa.

Levítico 26:37

Qankunapuralla takanakuspa urmarankichej, wañuchinakuy ch'ajwamantapis ayqeshawajchej jina, mana ni pipis qankunata qhatishajtillan. Ni mayqenniykichej enemigoykichejman kutichikuyta atinkichejchu.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Jeremías 13:14

Kaymantataj paykunata wich'ista jina phirirasaj, tatasta wawasnintawan. Paykunata mana khuyakuspa mana ujniyojta tukuchisaj. Noqa Señor chayta nini.

Jeremías 18:23

Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

Isaías 8:15

Ashkhas chaypi misk'akuspa urmaranqanku, wañonqankutaj. Ashkhas jap'ichikonqanku, presochasqastaj kanqanku.