Jeremías 6:19 - Qheshwa Biblia DC

¹⁹ Uyariy qan jallp'a: Kay aylluman uj ñak'ariyta apachimusaj, sajra kajta umachakusqankurayku, palabrasniyta mana kasuta ruwayta munarqankuchu, jinataj yachachisqasniyta qhesachasqankurayku.

DIOSPA QHELQACHISQAN DEUTEROCANONICAL

¹⁹ Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

DIOSPA QHELQACHISQ

¹⁹ Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Jeremías 6:19 Referans Kwoze

Isaías 1:2

Janaj pacha, kay pacha ima, uyariychej Señorpa nisqanta: Wawasta uywarqani jatuchaj kanankukama, paykunataj contraypi sayaykukunku.

Hechos 8:22

Chay juchaykita saqespa Diosman kutiriy, Señormanta mañakuspa, ichapis sonqoykipi sajra yuyayniykita pampachapusonqa.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Jeremías 8:9

Chay yachayniyojkunarí k'umuykuchisqas, mancharichisqastaj kanqanku, imaynatachus uj uywa tojllapi jap'ichikun jinata. Maypitaj chay yachayninku kashanri, palabrasniyta paykuna qhesachajtinkuri?

San Juan 12:48

Pichus noqata qhesachawan, parlasqasniytataj mana jap'ikunchu chayqa, tiyan payta juchachaj; parlarqani chay palabraytaj tukukuy p'unchaypi payta juchachanqa.

Miqueas 6:2

Uyariychej qankuna, orqos, jinataj jallp'aj sinch'i rumisnimpis: Señor renqa llajtampa contrampi cuentata mañaj; uj phiñanakuymantaj yaykonqa Israel ayllumpa contrampi.

Oseas 10:13

Qankunaqa tarporqankichej juchallata, oqharerqankichejpis sajra kajllata, mikhorqankichejtaj llulla poqoykunasllata. Guerrapaj t'aqasqa kaj carrosniykipi, jinataj chay may chhika guerrapi maqanakojkunaykipitaj confiakusqaykirayku,

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Jeremías 22:29

Jallp'a, jallp'a, jallp'a, Señorpa parlasqanta uyariy!

Jeremías 6:10

Noqataj kuticherqani: Pitaj kutichiwanman kay parlasqayta willamojtiyri? Señor, paykunaqa joq'arasman tukunku, manataj uyariyta atinkuchu, palabrasniykimanta asiykukunku, mana paykunamanqa allinchu rijch'an.

Isaías 66:18

Rejsini paykunaj ruwasqasninkuta, imatachus yuyasqankutapis. Uj p'unchay chayamonqaña tukuy nacionesta, ima parlayniyojchus kajkunatapis ujllaman tantanapaj. Chaypi jamuspa noqaj k'anchayniyta rejsenqanku.

Isaías 59:7

Chakisninkoqa sajra ruwanallapaj corren, usqhayta rinku mana juchayojta qhasimanta wañuchinankupaj. Yuyayninkupeqa sajra ruwayllapuni junt'a kashan. Maypichus purisqankupeqa mana allin imasta ruwaspa, may llakiyta saqerparinku.

Proverbios 28:9

Sichus pipis Diospa kamachisqanta mana uyarinchu chayqa, Diospis willachikuspa, manallataj chay runaj mañakusqantaqa uyarenqachu.

Proverbios 15:26

Señorqa sajra runaspa imatachus ruwasqankuta millachikun; llimphu runaspa parlasqasninkuwan kusikun.

1 Samuel 15:26

Samueltaj kuticherqa: Mana qanwanqa kutisajchu, qan Señorpa kamachisqanta qhesachasqaykirayku. Kunanqa pay qhesachasunkiña, manaña Israelpa reynin kanaykipaj.

1 Samuel 15:23

Señorpa contrampi oqharikoyqa layqa juchawan ninakun, Señorta mana kasuytaj lanti yupaychana juchawan ninakullantaj. Imaynatachus qan qhesacherqanki chay kamachisqasninta ajinallatataj paypis qanta qhesachasunki manaña rey kanaykipaj.

Deuteronomio 32:1

Janaj pacha, uyariwan imatachus parlasaj chayta. Jallp'apis, uyarichun kikin simiypa parlasqasninta.

Deuteronomio 30:19

Kunanqa noqa janaj pachaj ñaupaqempi, kay pachaj ñaupaqempipis chayta niykichej: Qoykichej kausayta wañuytawan bendicionta, maldiciontawan, chaykunamanta ajllakunaykichejpaj. Kausayta ajllakuychej ari, jinamanta qankuna, chanta wawasniykichej ima kausakunaykichejpaj.

Deuteronomio 4:26

Chayta ruwawajchej chayqa, noqa janaj pachaj, kay pachaj ñaupaqempi niykichej ujllapi chinkachisqas kanaykichejta, chay Jordán chimpapi tiyakunaykichej chay jallp'amanta. Jinamanta chay jallp'api mana unaytachu tiyakunkichej, manachayqa tukuyniykichej chinkachisqas kankichej.

Jeremías 4:4

Judamanta, Jerusalenmantapis runas circuncidakuychej, rejsiwankichejtaj Señorniykichejpaj jina. Tratomanta señalta sonqoykichejman churaychej, pajtataj millay ruwasqasniykichejrayku phiñakuyniy nina jina k'ajarinman, jap'iykukojtintaj ni pi thasnuyta atishanmanchu.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Jeremías 6:18

Chayraykumin Señorqa nin: Naciones, uyariychej, yachaychejtaj imachus kay aylluyta qhatirinanta.

Jeremías 11:11

Chayrayku, uj ñak'ariyta apachimusaj, chaymantaqa mana ayqeyta atenqankuchu. May jinata yanapata qhaparikamuwajtinkupis manapuni uyarisajchu. Noqa Señor chayta nini.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Jeremías 19:3

Niy: Judamanta kaj reykunas, Jerusalempi tiyakojkunapis, Señorpa palabranta uyarichej: Ajinata nin: Israelpa Tukuy Atiyniyoj Señor Diosnenqa: Jatuchaj ñak'ariykunata kay cheqaman apachimusaj, pikunachus kay willayta uyarejkunaqa ningrisninku sonashaj qhepakonqanku.

Jeremías 29:19

Kamachisniy profetasnejta tukuy willachisqasniyta mana kasorqankichejchu kutin kutinta kachamorqaykichej mana kasunallawaykichejpaj. Noqa Señor chayta nini.

Jeremías 49:37

Elam llajtata chay enemigosnimpa ñaupaqempi kharkatichisaj, may ñak'ariykunasta, may k'ajaj phiñakuyniytawan paykunaj patankuman apachimusaj. Apachimullasajtaj maqanakuyta paykunata chinkachinaykama. Noqa Señor chayta nini.

Amós 2:4

Ajinata nin Señorqa: Judamanta kaj runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa Señorpa yachachiykunasninta qhesacharqanku, manataj kamachisqasninta kasorqankuchu. Manachayqa tatasninku ima lantistachus yupaycharqanku, chaykunallatataj yupaycharqanku.

Miqueas 1:2

Tukuy ayllumanta kajkuna uyariychej kayta; Señormin, yupaychana santo wasinmantapacha qankunaj contraykichejpi qhawamonqa.

Isaías 5:24

Chayrayku, imaynatachus ninaqa ichhuta q'olaykun, larwaynintaj ch'aki laqhesta ujllata rupharparin, ajinata qankunaqa chinkarparinkichej. Saphinmanta ismoj yura jina, t'ikasnintaj ñut'u jallp'aman tukupun, ajinata. Qankunaqa Tukuy Atiyniyoj Israelpa Santo Diosnimpa kamachisqantaqa mana kasunkichejchu.

Jeremías 4:16

Nacionesman, chantá Jerusalenmampis willaychej, karu llajtasmanta enemigosninku kachaykakamusqankuta, maqanaku ch'ajwaykunawan, tukuy Judapi kaj llajtaspa contrampi.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Jeremías 21:14

Noqa jasut'isqaykichej ruwasqasniykichejman jina, ninatataj jap'iykuchisaj sach'asniykichejman. Chay ninataj tukuy muyuynimpi kajkunata ruphaykonqa. Noqa Señormin chayta nini.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.