Jeremías 6:16 - Qheshwa Biblia DC

¹⁶ Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

DIOSPA QHELQACHISQAN DEUTEROCANONICAL

¹⁶ Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

DIOSPA QHELQACHISQ

¹⁶ Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Jeremías 6:16 Referans Kwoze

Isaías 30:21

Chantaqa wasaykipi kay palabrasta nishajta uyarinki: Kaymin cheqan ñanqa; chayninta riy, ama pantaychu pañaman, nitaj lloq'emampis.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Deuteronomio 32:7

Unay tiemposmanta yuyarikuychej, ñaupa wata miraykunapi unanchaychej. Tatasniykichejta, ñaupa kurajkunasniykichejtapis, tapukuychej, paykunataj willasonqachej.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

Colosenses 2:6

Chayrayku imaynatachus Señor Jesucristota sonqoykichejpi jap'erqankichej, chayman jina paywan puriychej.

Isaías 2:5

Jakuchej, Jacobpa ayllun, Señorpa k'anchaynimpi purinachej.

San Juan 12:35

Chantá paykunaman kuticherqa: Pisi p'unchaytawanraj k'anchayqa qankunawan kashan. K'anchaypi puriychej, laqha ama taripasunaykichejpaj; laqhapi purejqa, mana yachanchu maymanchus rishasqanta.

Jeremías 18:12

Paykunaqa nisonqanku: Ama tiempoykita usuchiychu. Noqaykoqa munasqaykuman jina kausakullasqayku, qhatillasqaykupunitaj rumi sonqoykupi sajra yuyasqasniykumanjina, nispa.

Jeremías 22:21

Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

Hebreos 11:2

Ñaupa tatasninchej ferayku allimpaj qhawasqas karqanku.

San Juan 13:17

Chay imastachus entiendespa ruwayta yachankichej chayqa, kusikuyniyoj kankichej.

Malaquías 4:4

Horeb nisqa orqopi, kamachiy Moisés kamachiyniykunata qorqani, chaykunamanta yuyarikuychej. Chay kamachisqasniytaqa tukuynin Israel runas junt'ananku karqa.

Hebreos 6:12

Ama qhellas kaychejchu, astawanqa paykunamanta yachakuychej; pikunachus fewan, pacienciawantaj, Diospa qonasninta chayaqepaj jap'erqanku.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

San Lucas 16:29

Abrahamtaj kuticherqa: Chaypaj kashanku Moiseswan profetaswan. Paykunata uyarichunku.

Isaías 28:12

Paykunaman Diosqa nisqañaqa: Kaypi samarikoyqa kashan; sayk'usqa kajqa samarikuchun. Paykunataj mana kasorqankuchu.

San Juan 5:39

Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku.

Hechos 17:11

Chaykunataj aswan k'achas karqanku Tesalonicapi tiyakojkunamanta nisqaqa, imaraykuchus Diospa palabranta tukuy sonqo yachakorqanku. Sapa p'unchaytaj Escriturata allinta qhawaspa, mask'arqanku cheqachus manachus kasqanta Pabloj yachachisqan.

Romanos 4:12

Chantá, circuncidasqaspa tatanku kanampaj, jinallataj mana circuncidasqaspatapis. Tatanchej Abrahampa feninta qhaterqanku manaraj pay circuncidasqa kashajtin.

Jeremías 2:25

Israel, ama q'ara chaki purispa nanachikuychu, ama kunkaykita yakumanta ch'akichikojta saqeychu. Chaywampis qan nerqanki: Mana ni ima kashajtimpis, noqaqa wajkunata munakuni, paykunawantaj ripusaj, nispa.

Salmos 116:7

Kunanqa watejmanta sonqo tiyasqa kayta atini, imaraykuchus Señorqa noqawan k'acha karqa.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Jeremías 31:21

Israel, ñanniykita señaleswan sut'inchay; watejmanta tarikapunaykipajtaj allinta qhawarikuy chay purisqayki ñankunasta. Kutimuy, Israel ayllu, kutimpuy llajtasniykiman.

Jeremías 50:5

Sión orqoman rina ñanta tapukonqanku, chaymantaj renqanku: Rinachej, Señorwan ujchakamunachej chay wiñay mana jayk'aj qonqana tratopi, ama jayk'aj noqanchejmanta qonqapunampaj, nispa.

Jueces 2:17

Chaywampis israelitasqa mana kasorqankuchu chay kuraj runastaqa, manachayqa Señorta saqerparispa waj dioskunastataj yupaycharqanku. Ñaupa tatasninkoqa kasusqanku Señorpa kamachisqasninta, paykunataj mana tatasninku jinachu ruwasqanku.

2 Crónicas 19:11

Kuraj kaj sacerdote Amariastaj Señorpa imasnimpeqa aswan kuraj kanqa. Judá aylloj kurajnintaj Israelpa wawan Zabadiastaj, imaschus reywan ruwanas kajmanta mink'asqa kanqa; levitastaj qankunaj yanapajkunasniykichej kanqanku. Kallpachakuychej ari, llank'ajtaj churakuychej. Señortaj allin kajta ruwajwan kachun.

Isaías 46:9

Yuyarikuychej ari ñaupamantapacha imaschus kasqanta. Noqalla Diosqa kani. Noqamanta astawan waj mana kanchu, manataj kanchu ujllapis noqaman rijch'akojqa.

Isaías 57:2

Sonqo tiyasqa kayman yaykun; Diospa ñaupaqempi tukuy allinta purejkunaqa wañuypi samarikuyta tarenqanku.

Jeremías 7:3

Israelpa Diosnin tukuy atiyniyoj parlamususqaykichejta. Astawan allinta kausaychej, allinkunatataj ruwaychej, noqataj kay jallp'api tiyachillasqaykichejpuni.

Jeremías 7:24

Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.