Jeremías 6:14 - Qheshwa Biblia DC

¹⁴ Aylluypa nanasqasninta pata patallanta jampiykurinku, ninkutaj tukuy ima allillan rishasqanta. Jinapis manapuni imapis allenqa kanchu.

DIOSPA QHELQACHISQAN DEUTEROCANONICAL

¹⁴ Aylluypa k'irisqanta tumpallata jampiykurinku. Paykunaqa tukuy imapis allillan kashasqanta ninku. Jinapis manapuni imapis allinchu kashan.

DIOSPA QHELQACHISQ

¹⁴ Aylluypa k'irisqanta tumpallata jampiykurinku. Paykunaqa tukuy imapis allillan kashasqanta ninku. Jinapis manapuni imapis allinchu kashan.

Jeremías 6:14 Referans Kwoze

Ezequiel 13:10

Arí, paykunaqa aylluyta ch'aukiyarqanku, tukuy imapis allillan rishan nispa, chaypachaqa mana jinachu kasharqa. Pillapis uj perqata sayarichinman, ujkunataj chay perqata unu t'uruwan lluch'arqanku chayman rijch'akunku.

Jeremías 23:17

Pichus palabrayta qhesachajkunata ninku: Tukuy ima allillan risonqachej, nispa. Pischus ruwallankupuni rumi sonqonkoj munasqanman jina, chaykunatapis ninku: mana ni ima sajra kajqa jamusonqachejchu, nispa.

Jeremías 4:10

Noqa nerqani: Ay Señor, imajtintaj Jerusalempi kaj runasta ch'aukiyankiri? Sonqo tiyakuyta qosqaykichej nerqanki, kunantaj kunkankupi cuchillo churasqa kashan.

Lamentaciones 2:14

Profetasniykeqa mana kaj qhasi imasta willasunku; juchasniykitaqa mana rikhurichinkuchu, chaypacha reparachisojteyqa mana karuman wijch'usqachu kawaj karqa. Manachayqa llullallata willasunku, qhasi manakajta creechispa.

Jeremías 14:13

Noqataj kuticherqani: Señor, profetasqa aylluykiman nishanku mana maqanakus kananta, nitaj yarqhaypis kananta. Nillankutaj qan wiñaypaj sonqo tiyasqa kayta kay cheqapi paykunaman qonaykita.

2 Pedro 2:1

Kallarqataj llulla profetas israelitas ukhupi. ajinallatataj qankuna ukhupipis kanqanku llulla yachachejkuna. Paykuna pakayllamanta, chinkayman apaj yachachiykunata apaykamonqanku. Paykunata salvaj Señortapis qhesachanqanku. Chayrayku, ujllata paykunaj patanman chinkachej jatun jasut'i chayamonqa.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Miqueas 2:11

Mayqempis qhasi kajta llullakun, nintaj: Noqa sut'inchasqaykichej vinomanta licormantataj, chaymari profetapaj nisqa chay ayllumanta churasqa kanqa.

Ezequiel 13:22

Qankunaqa llullirioswan cheqa kausaypi kaj runasta manchachinkichej. Noqaqa mana munarqanichu chay jinata ruwaytaqa. Astawanqa, sonqochankichej sajra sonqoyoj runasta, umachankichejtaj ama t'aqakunankuta sajra puriyninkumanta, ajinamanta noqa paykunata ama kausachinaypaj.

Jeremías 14:17

Aylluyman niy kayta: Tuta p'unchay mana sayk'uyta ñawisninkumanta waqaykunas surumuchunku, aylluypa chay jina sinch'i ñak'ariyninmanta, sinch'i nanasqasniyoj kasqanmanta.

Jeremías 5:12

Israelwan Judawanqa Señorqa qhesachanku, kay jinata nispa: Payqa mana kanchu. Mana ima sajraspis qhatiriwasunchu, mana kanqachu maqanakuykuna, nitaj yarqhaykunapis, nispa.

Jeremías 28:3

Rey Nabucodonosor Diosta yupaychana kay imasta Babiloniaman aparqa, chaykunata iskay watamantawan kayman kutichimullasajtaj.

Isaías 1:6

Chaki puntaykichejmanta, umaykichejkama nanasqa kankichej, llik'isqa, q'oyuyasqa, aycha rikhurishaj ima; ni pi jampichisunkichejchu, nitaj mayt'usunkichejchu, nillataj aceitewan jawiykurisunkichejchu nanasqasniykichejta.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

2 Samuel 17:3

Chaymantataj tukuy aylluta qantawan allinyachisqayki, imaynatachus recién casarakoj warmeqa qosanwan allinyakun ajinata. Qanqa mask'anki uj runaj wañunallanta, tukuynin ayllutaj kusisqas kanqanku.

Isaías 30:10

Paykunaqa sut'inchajkunata ninku: Ama qankunaqa mosqoypi jina rikuychejchu, nispa. Chaymanta profetastañataj ninku: Qankunaqa ama cheqan kajtaqa sut'inchawaykuchu; k'acha palabrasllata niwayku, llulla imasllatataj sut'inchawayku.

Ezequiel 13:16

Israelpa profetasnin manallataj kanchu, pikunachus mosqoypi jina llulla rikusqankuta Jerusalenman willasharqanku, tukuy imapis allillan rishan nispa, manataj cheqamantaqa jinachu kasharqa. Noqa Señor chaytaqa nini.

Ezequiel 14:9

Sichus uj profeta llullata parlanqa chayqa, noqa chay profetata ch'aukiyarqani. Makiyta oqharisaj payta jasut'inaypaj, Israel ayllumantataj chinkachisaj.

Miqueas 3:5

Israel aylloyqa pantay ñankunasta rishan chay profetaswan ch'aukiyasqankurayku. Paykuna ninku: Sonqo tiyasqalla tiyakusunchej, nispa; mikhunankupaj qonku chaykunaman. Chaywampis maqaj sayaykunku piskunachus mana imatapis mikhunankupaj qonkuchu chaykunaman. Señor nin chay profetasman: