Jeremías 6:10 - Qheshwa Biblia DC

¹⁰ Noqataj kuticherqani: Pitaj kutichiwanman kay parlasqayta willamojtiyri? Señor, paykunaqa joq'arasman tukunku, manataj uyariyta atinkuchu, palabrasniykimanta asiykukunku, mana paykunamanqa allinchu rijch'an.

DIOSPA QHELQACHISQAN DEUTEROCANONICAL

¹⁰ Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

DIOSPA QHELQACHISQ

¹⁰ Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Jeremías 6:10 Referans Kwoze

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

San Juan 7:7

Kay mundopi kajkunaqa, qankunata mana chejnisunkichejmanchu. Noqatarí chejniwanku, sajra ruwasqasninkuta paykunaman rikuchisqayrayku.

Jeremías 7:26

Chaywampis, qankunaqa manapuni kasuwarqankichejchu, manachayqa chay ñaupa tatasniykichejmantapis astawanraj rumi sonqos karqankichej.

Hebreos 11:7

Creespa Noeqa Diosmanta yachachisqa karqa, chay manaraj rikukoj imasmanta; manchachikuywantaj arcata wakicherqa, familiampis salvasqa kanampaj; chay feraykutaj mundota juchacharqa, feraykullataj Diosmanta cheqan kajpaj qhawasqa karqa, chayaqeyojtaj rikhurerqa.

Isaías 53:1

Mana pipis creenchu kay willasqaykutaqa; manallataj pipis Señorpa atiynintaqa repararqachu.

Éxodo 6:12

Moisestaj Señorman kuticherqa: Qhaway, israelitasqa mana uyariwankuchu; imaynatataj faraón noqata uyariwanqari? Chantapis noqa mana ch'uyata parlayta atishajtiyri?

2 Timoteo 4:3

Uj p'unchay jamonqa maypachachus mana munanqankuchu uyariyta, cheqan kajtataj yachachiyta. Manachayqa paykunaj sajra munayninkuman jina yachachejkunata tantanqanku, imaynatachus uyariyta munasqankuta yachachinankupaj.

Colosenses 1:28

Kayta Cristomanta noqayku willayku tukuy runaman sonqochaspa, tukuy ima yachaypitaj yachachispa, sapa ujqa Cristopi allinchasqa kanampaj.

Romanos 7:22

Sonqoypeqa Diospa leynimpi kusikuni.

Hechos 7:60

Qonqoriykukuspataj sinch'ita qhaparispa nerqa: Señor, ama paykunata juchachaychu kay ruwasqankumanta. Chayta niytawantaj puñukaporqa.

San Juan 9:40

Paywan kasharqanku chay fariseosmanta, wakin chayta uyarispa nerqanku: Chantá noqaykupis ciegosllatajchu kayku?, nispa.

San Lucas 20:19

Jatun sacerdotes, leymanta yachachejkuna ima Jesusta chay kikimpi jap'iykuyta munarqanku. Paykunaqa umachakorqanku contrankuta nisqanta chay rijch'anachinawan; chaywampis manchachikorqanku runasta.

San Lucas 11:45

Leymanta yachachejkunamanta ujnintaj, kutichispa nerqa: Maestro, kayta nispaqa, p'enqaypi rikhurichiwayku noqaykutapis.

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Amós 7:10

Betel sacerdote Amasías uj willajta kacharqa Israelpa reynin Jeroboamman, kay jinata nispa: Amosqa, Israel runa, ukhupi purishan qampa contraykita parlaspa. Runasqa manaña paypa parlasqanta uyariyta munankuchu.

Ezequiel 33:9

Sichus qan juchasapa runata k'amiwaj sajra puriyninmanta kutirinampaj, paytaj mana kasukunmanchu chayqa, juchanrayku wañonqa. Qantaj kausayniykita salvanki.

Ezequiel 33:3

Payta chay llajtaj contrampi soldados jamojta rikuspa, putututa waqachinman, llajta masisninmantaj willanman.

Jeremías 4:4

Judamanta, Jerusalenmantapis runas circuncidakuychej, rejsiwankichejtaj Señorniykichejpaj jina. Tratomanta señalta sonqoykichejman churaychej, pajtataj millay ruwasqasniykichejrayku phiñakuyniy nina jina k'ajarinman, jap'iykukojtintaj ni pi thasnuyta atishanmanchu.

Salmos 119:174

Señor salvanawaykita munani, yachachiwasqaykiwan kusisqa kani.

Salmos 119:77

Khuyakuyniyki jamuchun kausanaypaj. Kamachisqasniykipi kusikuni.

Salmos 119:70

Yuyayninkoqa wisq'asqa kashan, noqataj kamachisqasniykipi kusikuni.

Salmos 119:35

Kamachisqasniykej ñanninta pusaway, chaypi kusikuyneyqa kashan.

Salmos 119:24

Noqa kamachisqasniykipi kusikuni, chay kamachisqasniyki yuyaychawanku.

Salmos 119:16

Kamachisqasniykipi kusikusaj, parlasqaykita mana qonqasajchu.

Salmos 40:8

Diosníy, tukuy sonqo munayniykita ruwayta munani. Yachachiwasqasniykita sonqoypi jap'ini.

Salmos 1:2

Manachayqa, pay Diospa kamachisqampi sonqonta churan, chay kamachisqampitaj tuta p'unchay yuyan.

Deuteronomio 29:4

Kunankama Señorqa entiendej sonqota manaraj qosunkichejchu, ni ñawista chay imasta rikunaykichejpaj, nitaj ningristapis uyarinaykichejpaj.

Jeremías 5:21

Kayta uyariy wampu, rumi sonqo Israel ayllu. Ñawisniyoj kanki, manataj rikunkichu, ningrisniyoj kanki, manataj uyarinkichu.

Jeremías 9:26

Kay ayllusta: Egiptota, Judata, Edomta, Amonta, Moabwan, jinallataj tukuy ch'in pampapi tiyakojkunata, umasninkuta ruthuchikunku chaykunatawan. Imaraykuchus chay ayllusqa, jinataj tukuy Israel ayllupis, cheqamanta sonqonkupi qhesachawanku.

Isaías 42:20

Ashkha imasta rikun, manataj allinta qhawarinchu; ningrin tiyan manataj uyarinchu.

Jeremías 7:13

Jinapis kutin kutinta willarqaykichej imaynatachus purishasqaykichejmanta, qankunataj mana kasuyta munawarqankichejchu, nitaj kutichillawankichejpischu. Noqa Señor chayta nini.

Ezequiel 3:7

Chaywampis Israel aylloqa mana uyarisuyta munanqankuchu, imaraykuchus noqata mana kasuyta munawankuchu. Israel aylloqa tukuyninku mana k'umuykoj rumi sonqos kanku.