Jeremías 51:44 - Qheshwa Biblia DC

⁴⁴ Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

DIOSPA QHELQACHISQAN DEUTEROCANONICAL

⁴⁴ Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

DIOSPA QHELQACHISQ

⁴⁴ Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Jeremías 51:44 Referans Kwoze

Jeremías 51:58

Babiloniaj chay phatu perqasnin tukuynin urmachisqas kanqanku, chay chhikachachaj punkusnimpis ruphaykuchisqas kanqanku. Qhasillapaj chay nacionesqa llank'akorqanku, chay sayk'ukusqankoqa ninallapi ruphasqas tukukonqanku. Ajinata Tukuy Atiyniyoj Señorqa nin.

Jeremías 51:34

Jerusalén Sión orqo llajtaqa nin: Babiloniamanta rey Nabucodonosorqa t'unata ruwawarqa, mikhuwarqataj, uj ch'usaj chuwata jina saqerpariwarqa. Mar qochamanta uj millay animalta jina oqoykuwarqa; noqamanta misk'i kajninwan sajsaykukorqa, noqamanta puchojtataj wijch'urparerqa.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Isaías 2:2

Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

Daniel (hebreo) 5:26

Chay palabrastaj kay jinata niyta munanku: MENE: Niyta munan, Diosqa yupan rey kanayki kashan chay p'unchaykunata, rikuchisunkitaj mayk'ajchus rey kanayki tukukunan kasqanta.

Daniel (hebreo) 5:19

Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Daniel (hebreo) 4:1

Noqa rey Nabucodonosorqa, munani tukuynin runakuna sonqo tiyaykusqa kanankuta, chanta ñaupajmantaj rinankuta, tukuy llajtakunamanta, nacionkunamanta kajkuna, tukuy laya parlayniyojkunataj.

Daniel (hebreo) 3:29

Kunanqa noqa kamachini, pillapis kay waynakunaj Diosninkoj contrampi sajrata parlanqa chayqa, wañuchispa ukhuntaqa khuchuraspa choqarasqa kachun, wasintaj phirisqa kachun. Mayqen nacionmantapis kachun, chayri mayqen parlayniyojpis kachun, imaraykuchus mana waj dios kanchu chay jinata salvajqa.

Daniel (hebreo) 1:2

Señor saqerqa Nabucodonosor rey Joacimta jap'iykunanta, Diospa templompi kaj imasta kuraj parteta apakapunantataj. Nabucodonosorqa presosta Babiloniaman aparqa, Diospa templonmanta orqhorqa chay imastarí, dioskunasnimpa waqaychasninmantaj churarqa.

Jeremías 51:53

Babiloniaqa cielokamapis wicharichun aswan pataman atiyninta churanampaj, chaymampis enemigosninta kachasaj chay atiyninta thuñiykamunankupaj. Noqa Señor chayta nini.

Jeremías 51:47

Ajinaqa Babiloniaj lantisninta jasut'inay p'unchay jamonqa. Chay tukuy naciontaj k'umuykachachisqas qhepakonqanku, ayaswan junt'aykusqa.

Jeremías 51:18

Chaykunaqa mana imapaj allinchu, asikunapaj jinalla kanku. Señorqa chaykunata cheqanchana p'unchaypi phirenqa.

Jeremías 50:15

Tukuynejpi maqanakunapaj jina qhapariykunasta uyarichiychej. Babilonia atipakunña. Torresnin, perqasnimpis thuñiykukunku. Kaymin ayni kutichisqayqa. Paymanta astawan aynita kutichiychej. Imaynatachus chay nacionestawan pay ruwarqa ajinata ruwaychej.

Isaías 60:5

Chaypacha qanqa paykunata qhawarispa sumajta k'ancharinki; sonqoykipitaj maytapuni kusikunki. Qanman mar qocha cantospi kajkuna, tukuy nacionespa qhapajyaynimpis qanman chayachimonqanku.

2 Crónicas 36:7

Nabucodonosorqa Babiloniaman Señorta yupaychana wasimpi kaj ruwanapaj nisqa wakin imasta apakaporqa. Chaykunatataj Babiloniapi yupaychana wasinman churaykorqa.

Isaías 21:9

Ashkha runasta caballospi montasqasta iskaymanta iskay jamushajta rikorqani. Chaymantataj nerqa: Babiloniaqa urmanña, urmanña, jinallataj lantisnimpis pampapi p'akirasqa rikhurin.

Job 20:15

Qhapaj mikhusqasninta ajtonqa, Dios orqhonqa chaykunata wijsanmanta.