Jeremías 51:34 - Qheshwa Biblia DC

³⁴ Jerusalén Sión orqo llajtaqa nin: Babiloniamanta rey Nabucodonosorqa t'unata ruwawarqa, mikhuwarqataj, uj ch'usaj chuwata jina saqerpariwarqa. Mar qochamanta uj millay animalta jina oqoykuwarqa; noqamanta misk'i kajninwan sajsaykukorqa, noqamanta puchojtataj wijch'urparerqa.

DIOSPA QHELQACHISQAN DEUTEROCANONICAL

³⁴ Sión llajta Jerusalenqa nin: Babiloniata kuraj kamachej Nabucodonosor oqoykuwarqayku. T'unata ruwaspa, ch'usaj chuwata jina saqerpariwarqayku. Mama qochamanta sierpe jina oqoykuwarqayku, kapuyniykuwantaj sajsaykukorqa. Chaymantataj llajtaykumanta wijch'uwarqayku.

DIOSPA QHELQACHISQ

³⁴ Sión llajta Jerusalenqa nin: Babiloniata kuraj kamachej Nabucodonosor oqoykuwarqayku. T'unata ruwaspa, ch'usaj chuwata jina saqerpariwarqayku. Mama qochamanta sierpe jina oqoykuwarqayku, kapuyniykuwantaj sajsaykukorqa. Chaymantataj llajtaykumanta wijch'uwarqayku.

Jeremías 51:34 Referans Kwoze

Jeremías 50:17

Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

Job 20:15

Qhapaj mikhusqasninta ajtonqa, Dios orqhonqa chaykunata wijsanmanta.

Nahúm 2:2

Imaraykuchus Señorqa kausarichenqa Jacobpa runaykachananta jinataj Israelpa mayta runaykachanan kasqanta. Imaynatachus ñaupaj karqa manaraj kapuyninta qhechushajtinku, manaraj mana laqhesniyoj uvasta jina saqeshajtinku karqa ajinata.

Amós 8:4

Uyariychej kayta: Qankunaqa llamp'u sonqoyojkunamanta ch'irwashankichej, chay jallp'aspi wajcha runastataj mana allimpi rikhurichinkichej.

Ezequiel 36:3

Chayrayku paykunamanqa sutiypi parlay, niytaj: Atiyniyoj Señorqa kay jinata nin: Tukuy llajtas qankunata jap'ispa t'unasorqachej, paykunataj qankunata jap'ikapusorqachej; waj llajtasmanta kajkunataj qankunamanta alqochakunku.

Lamentaciones 2:16

Tukuy enemigosniyki qampajqa rimanku. Paykunaqa alqochakuspa, kirusninkuta k'arurakuspataj ninku: Kaytaqa chinkachinachej; noqanchejqa kaytapuni suyasharqanchej. Kayqa kunanqa, rikunchejña, nispa.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Jeremías 51:49

Arí, Babiloniaqa urmanqapuni, Israel ayllu ukhupi wañurachisqanmanta, jinataj tukuy kay pachapi wañurachisqasninmantapis.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

Isaías 34:11

Chaypeqa tiyakonqanku jukus, ch'useqas, q'arqañas, wajchillas imalla. Señorqa chay llajtata tukuchenqa ch'usaj ch'impachaman.

Proverbios 1:12

Mana juchayoj runasta kausashajllata oqoykunachej, wañuy oqoykun pichus sepulturaman rejtin ajina.

Salmos 74:13

Qan atiyniykiwan mar qochata t'aqanki. Marpi jatuchachaj challwaspa umanta p'akinki.

Oseas 8:8

Israelqa oqoykuchikorqa! Waj llajtayojkunataj qhawanku mana uj chhika kallpayojta jina,

Isaías 42:22

Astawampis Israel aylluta suwanku, sarunkutaj chaykunaqa. Tukuyninku wisq'asqas kanku. Tukuyninku wijch'unapaj qhawasqas kanku, manataj pipis paykunata salvaj kanchu. Paykunamanta suwaj kanku, manataj pipis kutichipunchu.