Jeremías 51:12 - Qheshwa Biblia DC

¹² Wiphaylata pataman oqhariychej Babiloniaj perqasninta thuñiykoj wakinankupaj. Qhawajkuna soldadosta astawan kachaychej. Qhawaj soldadosta churaychej. Pakaymanta wateqajkuna soldadosta churaychej. Señorpuni chay ruwanata wakicherqa. Imastachus ruwananta nisqanta ruwarqapuni, Babiloniapi tiyakojkunaj contrampi.

DIOSPA QHELQACHISQAN DEUTEROCANONICAL

¹² Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

DIOSPA QHELQACHISQ

¹² Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

Jeremías 51:12 Referans Kwoze

Jeremías 51:11

Señorqa Babiloniata tukuchiyta munan, Media nacionmanta reykunastapis ajinallatataj yuyachin. Chaymin Señorpa aynita kutichiynenqa, yupaychana wasinta imatachus ruwasqankuman jina. Wach'inasniykichejta wakichikuychej. Allinta jap'iychej jark'achikunaykichejta.

Isaías 13:2

Uj q'ara orqo puntapi maqanakuna señalta uyarichiychej, chaypi jatunmanta maqanakupaj qhapariychej, makisniykichejta oqhariychej, kurajkunaj punkusninkuta yaykunankupaj.

Nahúm 2:1

Nínive chinkachisojqa contraykipiña jamushan, chay sinch'i wasi patasniykiman soldadosniykita churay. Allinta qhawakuy ñanta. Mat'ita espadaykita wataykukuy. Kallpaykita tantaykuy.

Jeremías 51:29

Kay pacha ikhakun, kharkatitintaj, imaraykuchus Señorqa junt'ashan chay wakichikusqasninta, Babiloniata uj ch'in pampaman tukuchinan karqa chayta.

Joel 3:2

Tukuy nacionesmanta runasta tantaykusaj, chanta Josafat Valleman paykunata apasaj. Chaypitaj noqa paykunamanta cuentata mañasaj, imatachus Israel aylluywan ruwasqankumanta. Paykunaqa israelitasta mundontinman ch'eqeracherqanku, chanta jallp'ayta partinakorqanku.

Lamentaciones 2:17

Señorpuni kaytaqa ruwan imatachus nisqanman jina. Señorqa junt'an palabrasninta, unaymantapacha kamachisqasninta. Payqa chinkacherqa manataj perdonanchu, enemigosniyki qanmanta asikojtin qhawallarqa. Enemigosniykej atiyninta astawan jatunyacherqa.

Jeremías 51:27

Wiphaylata pataman oqhariychej maqanakoj yaykunaykichejpaj. Putututa waqachiychej, runasta tantaychej Babiloniata jap'ikapoj yaykunaykichejpaj. Paypaj contrampi Araratmanta, Minimanta, Askenazmantawan runasta tantaychej. Ajllaychej uj kuraj kamachejta tukuy reykunata pusanampaj. Phiñarisqa langostasta jina caballospi rejkunata kachaykuychej.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Proverbios 21:30

Señorpa rikuynimpeqa mana yachayqa kanchu, ni sumaj yuyay, nitaj sumaj yuyaychakunaspis.

Josué 8:14

Hai llajtamanta reyqa ajina kasqanta rikuytawan usqhay usqhayta soldadosninwan tutamanta llojserqa Jordán valleman israelitaswan maqanakamoj, mana yachaspa llajta wasapi wakin israelitas pakasqa kashasqankuta.

Jeremías 4:28

Tukuy jallp'aman llakiylla junt'aykonqa, janaj pachapis llakiy p'achata churakonqa. Chayta parlani, manataj chay nisqasniymantaqa yuyarikusajchu, chayta niniña, manataj qhepaman kutiymanchu, nispa.

Jeremías 23:20

Señorpa k'ajaj phiñakuynenqa mana tukukonqachu, chay imachus ruwanan kajta ruwanankama. Uj tiempo jamonqa, chaypacha qankuna allinta umacharikuspa kay imasta unanchankichej.

Jeremías 50:25

Señorqa armas jallch'ana wasista kicharerqa, phiñakuy armasninta orqhomorqa, imaraykuchus kaymin Tukuy Atiyniyoj Señorpa ruwaynenqa caldeo runaspa jallp'ampi.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.