Jeremías 50:36 - Qheshwa Biblia DC

³⁶ Adivinajkunapaj; maqanakoj lojt'usman tukuchunku. Soldadosninkupaj maqanaku; manchachikuywan kharkatitichunku.

DIOSPA QHELQACHISQAN DEUTEROCANONICAL

³⁶ Llulla sut'inchajkunapis locoyapuchunku. Wapu soldadonkukunapis manchachikuywan kharkatitichunku.

DIOSPA QHELQACHISQ

³⁶ Llulla sut'inchajkunapis locoyapuchunku. Wapu soldadonkukunapis manchachikuywan kharkatitichunku.

Jeremías 50:36 Referans Kwoze

Jeremías 49:22

Bosraj contrampi uj enemigo oqharikonqa, imaynatachus uj anka lijrasninta kichariytawan oqharikun, ajinata. Chay p'unchaypeqa Edompa maqanakojkunasnin kharkatitenqanku onqokoj warmi jina.

Nahúm 3:13

Ejercitoykeqa warmis kankuman jina kashan; nacionniykichej punkun kicharisqas kashanku, enemigosniykipaj chay llavenasninta nina q'olarparisqanrayku.

Isaías 44:25

Llullakojkunaj señalesninkuta pantachini, layqastapis t'ojpichini, yachayninkutapis mana kajman tukuchini.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

1 Timoteo 4:2

Puraj uyas parlanqanku llullakuspa. Paykunaj concienciankutaj rupha fierrowan jina marcasqa kashan.

Nahúm 3:7

Tukuy rikusojkunaqa qanmanta ayqenqanku nispa: Niniveqa phirisqa kashan! Pitaj paymanta khuyakunmanri? Maypitaj kanman sonqochaykojri?, nispa.

Nahúm 2:8

Imaynatachus yaku jark'acha p'akikojtinkama yaku ayqen, jinatamin Nínive llajtapi tiyakojkunapis ayqenqanku. Suyaychej, kutimuychej nispa qhaparenqanku, pero ni pipis kutimonqachu.

Jeremías 51:32

Enemigonqa mayu chimpanankuta, yaku ch'ajchastapis jap'ikaporqa, maqanakupi kutichinanku wasistapis ruphaykucherqa. Soldadostaj mancharikuywan t'ukullarqankuña.

Jeremías 51:30

Babiloniamanta wapu soldados maqanakuyta saqerparerqanku, chay pakakunasnillankupiña qhepakorqanku. Kallpasninku tukukaporqa, warmi jinallaña karqa. Llajtasninkuman runas junt'aykorqanku, wasisninkutaj ruphaykuchisqas karqanku.

Jeremías 51:23

Qanwan michejkunata, uywa tropastapis t'unaykorqani, chajrapi llank'ajkunata, yuntasninkutapis, kamachejkunata, palaciopi llank'ajkunatapis.

Jeremías 50:30

Chayraykumin wayna runasninkoqa callespi wañusqas urmaranqanku, ch'ajwapi tukuy maqanakojkunasninkupis chay p'unchaypi wañuranqanku. Noqa Señor chayta nini.

Jeremías 48:30

Señorqa nin: Noqa rejsini runaykachasqanta, parlasqanqa qhasi manakajlla, ruwasqampis mana imapaj allinchu.

Isaías 43:14

Israelpa Santo Diosnin salvasojniyki Señorqa ajinata nin: Qankunata libranaypaj Babiloniaman runasta kacharqani, babiloniostataj tukuyninkuta ayqecherqani. Jinallataj runaykachaspa buquespi purej caldeostapis may llakiypi rikhuricherqani.

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

2 Samuel 17:14

Absalón tukuy israelitas imaqa yuyarqanku Husaipa nisqanqa aswan allin kasqanta, Ahitofelpamanta nisqaqa. Señorqa nisqaña Ahitofelpa yuyasqanqa mana ruwakunanta, Absalompa patanman llakiyta apachimunampaj.

2 Samuel 15:31

Davidman willajtinkukamataj, Ahitofelpis Absalonman kutisqa kasqanta, chaypacha Davidqa Señormanta mañarqa Ahitofelpa umachayninta pantachinampaj.