Jeremías 50:17 - Qheshwa Biblia DC

¹⁷ Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

DIOSPA QHELQACHISQAN DEUTEROCANONICAL

¹⁷ Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

DIOSPA QHELQACHISQ

¹⁷ Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 50:17 Referans Kwoze

Jeremías 2:15

Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

1 Pedro 2:25

Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

Joel 3:2

Tukuy nacionesmanta runasta tantaykusaj, chanta Josafat Valleman paykunata apasaj. Chaypitaj noqa paykunamanta cuentata mañasaj, imatachus Israel aylluywan ruwasqankumanta. Paykunaqa israelitasta mundontinman ch'eqeracherqanku, chanta jallp'ayta partinakorqanku.

Jeremías 50:6

Aylloyqa oveja chinkasqa jina karqa, michejkunasninkoqa mana allintachu michej kanku, manachayqa orqosnejpi chinkajta qhawallarqanku. Uj orqomanta waj orqoman purikoj rerqanku, puñuna kanchankumanta qonqakapunankukama.

Daniel (hebreo) 6:24

Chay qhepata reypa kamachisqanman jina, Danielpa contranta ch'ataykoj runasta pusamorqanku, warmisninkuwan, wawasninkuwan ima, chanta leonespa t'oqonman wijch'uykurasqas karqanku. Manaraj ukhukama chayashajtinkutaj, leonesqa ñapis phinkiramuspa jap'iytawankama paykunataqa t'unaykusqanku.

Ezequiel 34:12

Imaynatachus uj michejqa ch'eqerasqa ovejasnin chaupipi rikhurispa rejsirakapun, ajinata noqapis ovejasniyta rejsirakapusaj. Mayqen cheqamanchus phuyusqa p'unchaypi ch'eqerakaporqanku chaykunamanta tarikampusaj.

Jeremías 52:1

Maypachachus Sedequías kamachiyta qallarishajtenqa iskay chunka ujniyoj watasniyojña karqa, chunka ujniyoj watastataj Jerusalempi kamacherqa. Mamampata sutin karqa Hamutal; payqa Libnamanta Jeremiaspa ususin karqa.

Jeremías 51:38

Tukuyninku leones jina qhaparenqanku, león uñas jinataj ch'ajwarenqanku.

Jeremías 49:19

Mana yuyasqaykichej ratopi jamusaj, imaynatachus uj león llojsimun Jordán mayu cantopi ch'umimanta ajinata, maypicharí q'omer pastos kashanku chayman. Edonmanta kajkunatataj chaymanta ayqechisaj, pitacharí noqa ajllasaj chayta kamachinampaj churasaj. Pitaj noqaman ninakuyta atinmanri? Pitaj noqaman sayaykuyta atinmanri? Mayqen michejtaj ñaupaqeyman churanakoj jamuwanmanri?

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Isaías 47:6

Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

2 Crónicas 33:11

Chayraykumá Señorqa Asiriaj reynin soldadosnimpa kamachejkunasninta kachamorqa paykunaj contrankupi, chaykunataj presocharqanku Manasesta, fierro ganchoswan, broncemanta ruwasqa cadenaswan wataykuspa Babiloniaman apacherqanku.

2 Crónicas 28:20

Asiriaj reynin Tiglat-Pileser Acazpa contranta jamorqa, payta yanapanantaqa astawan saqerqa llakisqata.

2 Reyes 24:1

Joacimpa p'unchaykunasnimpitaj Babiloniamanta rey Nabucodonosor maqanakoj llojsimorqa, Joacimtaj chay reypata kinsa watata kamachin karqa. Jina kashaspataj paypa contrampi oqharikorqa.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

2 Reyes 15:19

Asiriamanta Pulqa Israel llajtayojkunata maqaj jamorqa; Israelpa reynin Manahemtaj Pulman apacherqa kinsa chunka kinsayoj waranqa kilo qolqeta, ajinamanta paypa reinonta sayachiyta yanapanampaj.

2 Reyes 24:10

Chay p'unchaykunapitaj rey Nabucodonosorpa soldadosnin Babiloniamanta maqanakoj jamuspa Jerusalén llajtata muyuykorqanku.

2 Reyes 25:1

Sedequías isq'on watataña kamachishajtin chunka p'unchaypi chunka kaj killapi, Babiloniamanta reyqa tukuynin soldadosninwan jamuspa Jerusalenta muyuykorqa. Llajtaj muyuynimpitaj jatuchaj torresta ruwarqa.

Isaías 15:9

Dimón qayllapi yakuspis yawarman tukonqanku. Aswan llakiytaraj Dimón llajtaman apachimusaj. Moabmanta ayqekushajkunatapis león mikhonqa, jinallataj chay jallp'api qhepakojkunatapis.

Jeremías 5:17

Poqochisqasniykita, t'antaykitapis mikhukaponqanku, chantapis qhari wawasniykita, warmi wawasniykitapis oqoykonqanku. Ovejasniykita, wakasniykitapis mikhullanqankutaj, uvas poqoykunasniykita, higos poqoykunasniykita ima. Chay armasninkuwan, chay atienekoj kanki chay ruwasqa llajtasniykita phirenqanku.

Jeremías 10:25

Phiñakuyniykita kachaykuy, qanta mana rejsisunkuchu chay nacionespa patanman; jinallataj pikunachus sutiykita mana oqharinkuchu chaykunaman, imaraykuchus Judá aylluta mana ujniyojta tukorqochinku, jinamanta llajtataqa raqaykunasllataña saqerparinku.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.