Jeremías 50:15 - Qheshwa Biblia DC

¹⁵ Tukuynejpi maqanakunapaj jina qhapariykunasta uyarichiychej. Babilonia atipakunña. Torresnin, perqasnimpis thuñiykukunku. Kaymin ayni kutichisqayqa. Paymanta astawan aynita kutichiychej. Imaynatachus chay nacionestawan pay ruwarqa ajinata ruwaychej.

DIOSPA QHELQACHISQAN DEUTEROCANONICAL

¹⁵ Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

DIOSPA QHELQACHISQ

¹⁵ Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Jeremías 50:15 Referans Kwoze

Jeremías 51:58

Babiloniaj chay phatu perqasnin tukuynin urmachisqas kanqanku, chay chhikachachaj punkusnimpis ruphaykuchisqas kanqanku. Qhasillapaj chay nacionesqa llank'akorqanku, chay sayk'ukusqankoqa ninallapi ruphasqas tukukonqanku. Ajinata Tukuy Atiyniyoj Señorqa nin.

Apocalipsis 18:6

Payman kutichipuychej, imaynatachus qankunaman qorqasunkichej ajinata; ruwasqasninman jinataj iskay kutitawan kutichipuychej, ima copapichá qankunaman ujyachisorqachej, chayllapitaj iskay kutitawan ujyachiychej.

Jeremías 51:6

Babiloniamanta ayqeychej. Pipis atejqa ayqechun. Ama wañuychejchu Babiloniaj juchasninraykoqa. Kaymin ayni kutichinay ratoqa, imatachus ruwasqanman jinataj qopusaj.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Lamentaciones 5:6

T'antawan sajsakunaykupajpis egipciosman, asiriosman ima makisniykuta jaywarqayku.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

Jeremías 51:14

Tukuy Atiyniyoj Señorqa kausayninrayku juran: Enemigosniykiwan, langostaswan jina junt'aykuchisqayki, paykunataj qanta atipaykususqankurayku tarikonqanku, nispa.

Jeremías 51:11

Señorqa Babiloniata tukuchiyta munan, Media nacionmanta reykunastapis ajinallatataj yuyachin. Chaymin Señorpa aynita kutichiynenqa, yupaychana wasinta imatachus ruwasqankuman jina. Wach'inasniykichejta wakichikuychej. Allinta jap'iychej jark'achikunaykichejta.

2 Crónicas 30:8

Chayrayku ama ñaupa tatasniykichej jinaqa sonqosniykichejta rumiyachiychejchu, Señorta kasuychej, jamuychejtaj llimphu nisqa wasinman, Señor wiñaypaj llimphuchanan chayman, Señor Diosniykichejta sirviychej, paytaj qankunapaj phiñasqa kayta saqenqa.

1 Crónicas 29:24

Tukuy kamachejkuna, wapu maqanakojkuna, Davidpa tukuy wawasninwan ima, Salomonman k'umuykorqanku.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Apocalipsis 16:6

Paykunaqa ajllasqaspa yawarninta, porfetaspatapis jich'arqanku. Chayrayku qampis yawarllatataj paykunaman ujyachinki. Paykunaqa chay jasut'ipaj jina kanku.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

2 Tesalonicenses 1:8

Payqa nina larwaywan rikhurimuspa, juchachanqa Diosta mana rejsejkunata, Señorninchej Jesucristoj evangeliontapis mana kasojkunata.

Romanos 12:19

Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa.

Romanos 3:5

Sajra kayninchejchus Diospa cheqa kayninta sut'ita rikuchin chayqa, ima nisuntaj, Diosqa jasut'ispa juchayojchu? Kaytaqa parlani runa jina.

San Mateo 7:2

Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.

Nahúm 1:2

Señorqa, celosakuyta vengakuytataj yachaj Diosmin; Payman sayaykojkunamanta vengakunmin, enemigosnimpajpis phiñakullantaj.

Ezequiel 21:22

Suertetaj paña makin ladoman llojsin Jerusalén cheqata señalaspa. Chay señaltaj niyta munan, maqanakuman yaykunampaj kamachinanta, wañurachiyta qallarinampaj, maqanakunapaj jatunmanta qhaparinampaj, ariete nisqa makinasta punkuspa contrampi churanampaj, perqata ruwanampaj, tukuynin llajtata maqanakupaj torreswan muyuykuchinampaj.

Jeremías 51:36

Señorqa nin: Noqa cheqancharqayki enemigosniykimanta aynita kutichichikusaj. Babiloniaj mayunta, jinataj yaku juturisnintapis ch'akichisaj.

Jeremías 51:25

Noqa qampa contraykipi kashani, t'unaraj orqo. Qan tukuy nacionesta t'unaranki. Jasut'inasuypaj makiyta oqharisaj, chay pata chhankasmantapacha urmaykuchimusqayki, uj ruphasqa orqomantaj tukuchisqayki.

Jeremías 50:14

Wach'inasniyoj kajkuna wakichikuychej, Babilonia llajtata muyuykuychej. Babiloniaspa contrampi wach'inasniykichejta kachaykuychej, imaraykuchus noqaj contraypi juchallikorqanku.

Isaías 63:4

Mayk'ajchus ayni kutichinayqa sonqoypiña karqa, t'ustita ruwanay p'unchayqa chayamun.

Isaías 61:2

Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

Isaías 59:17

Cheqan kaywan sumajta p'achallikorqa, salvación monterata umanman churakorqa. Maqanakuna p'achastawan churakorqa. Payllata munayninwan p'achawan jina qhataykukorqa.

Salmos 149:7

Diosta mana rejsejkunaman aynita kutichinampaj, nacionestataj jasut'inampaj.

Salmos 94:1

Señor Dios, vengakoj Dios kasqaykita rejsichikuy.

1 Samuel 15:33

Samueltaj chaypi nerqa: Qan espadaykiwan ashkha warmista mana wawasniyojta saqerqanki. Kunanqa ajinallataj mamaykita qhatirenqa. Chayta niytawantaj Samuelqa, Señorpa ñaupaqempi chay reytaqa Gilgal llajtapi chhikan chhikanta khuchurarqa.

Josué 6:20

Runasqa jatunmanta qhaparerqanku, sacerdotespis pututusninkuta waqacherqanku, Israelitastaj chay pututus waqamusqanta uyariytawan, kunkankoj atisqanta qhapariyta qallarerqanku. Llajtaj kancha perqasnintaj pampaman loqhekorqanku. Chaymantataj llajta cheqanta phinkiykorqankupacha, chanta jap'irarqankutaj.

Josué 6:5

Carnero wajrasta waqajta uyariytawan, tukuy kallpawan qhapariychej, llajtaj perqasnintaj ujllata pampaman urmanqanku. Chaymantataj sapa ujniykichej llajtaman phinkikuychej, nispa.

Deuteronomio 32:43

Naciones kusikuychej Diospa ayllunwan. Diosqa aynita kutichenqa kamachisninta wañuchisqankumanta. Enemigosninman aynita kutichenqa. Payqa jallp'anta, aylluntawan llimphuchanqa.

Deuteronomio 32:41

Sumaj lliphipishaj espadayta filoyachejtiytaj, cheqanchaytataj qallarejtiy, chaypacha enemigosniyman aynita kutichipusaj. Chejniwajkunaman ruwasqankuman jina qopusaj.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.

Jeremías 50:25

Señorqa armas jallch'ana wasista kicharerqa, phiñakuy armasninta orqhomorqa, imaraykuchus kaymin Tukuy Atiyniyoj Señorpa ruwaynenqa caldeo runaspa jallp'ampi.

Jeremías 50:44

Imaynatachus uj león Jordán mayu qhoras ukhumanta llojsimuspa q'omer pastorman phinkiykun, ajinata noqapis jamusaj, Babiloniamanta kajkunatataj chaynejmanta ayqechisaj, noqa ajllakusqay runaswantaj kamachichisaj. Pitaj noqaman kikinchakuyta atinmanri? Pitaj maqaj sayaykuwanmanri? Mayqen michejtaj ñaupaqeyman sayaykamuwanmanri?

Jeremías 51:24

Noqa rikunaykichejta Babiloniaman, caldeosmampis imastachus munasqankuman jina jasut'isaj Sión orqopi millay imasta ruwasqankurayku. Noqa Señor chayta nini.

Jeremías 51:30

Babiloniamanta wapu soldados maqanakuyta saqerparerqanku, chay pakakunasnillankupiña qhepakorqanku. Kallpasninku tukukaporqa, warmi jinallaña karqa. Llajtasninkuman runas junt'aykorqanku, wasisninkutaj ruphaykuchisqas karqanku.

Isaías 59:18

Chayta churakorqa sapa uj enemigosninman ruwasqankuman jina qopunampaj. Mayta phiñakuspa enemigosninta jasut'enqa, astawanqa mar qocha cantospi kajkunata.