Jeremías 5:6 - Qheshwa Biblia DC

⁶ Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

DIOSPA QHELQACHISQAN DEUTEROCANONICAL

⁶ Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

DIOSPA QHELQACHISQ

⁶ Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 5:6 Referans Kwoze

Sofonías 3:3

Kamachejninkoqa qhapariykachaj leonkuna jina kanku. Juecesninkutaj, q'ayantimpaj ni uj tulluta puchuchej campo atojkunaman rijch'akunku.

Habacuc 1:8

Caballosninkupis tigresmanta aswan usqhayta purinku ch'in pampapi atojkunamantapis aswan manchachikuna, phiña animales kanku. Caballospi correjkunasninkupis ashkhamanta, sinch'itataj correrqanku, karumantapachataj jap'ej phinkiykorqanku imaynatachus águila jap'ej imamampis phinkiykun jinata.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Apocalipsis 13:2

Chay phiña animalta rikusqaytaj uj pumaman rijch'akorqa, chakisnintaj jukumarejta jina, simintaj leompa simin jina. Sierpetaj chayman atiyninta, trononta, jatun kamachiynintawan qorqa.

Oseas 5:14

Imaynatachus uj león oqoykunampaj phawaykun, ajinata noqapis Efrainta Judatawan ruwasaj; noqa kikiy t'unarpariytawankama ripusaj; jap'ejtiykamaqa ni pipis qhechuyta atiwanqachu.

Daniel (hebreo) 7:6

Kinsa kaj animaltaj rijch'akorqa tigreman, wasampi tawa lijrasniyoj karqa. Chantapis tawa umayoj karqa, paymantaj atiy qosqa karqa.

Daniel (hebreo) 7:4

Ñaupaj kajqa leonman rijch'akorqa, lijrasnintaj ankajta jina karqanku. Qhawashajtillayraj lijrasninta sik'irarqanku, pampamanta oqharerqanku. Chantá qhepa chakisninmantataj churarqanku, runa kikinta sayachispa, yuyaynintaj runaj yuyayninman tukuchisqa karqa.

Ezequiel 23:19

Astawan astawan qhenchachakullarqapuni, Egipto jallp'api sipas kashaspa sajra purisqanta yuyarikuspa.

Ezequiel 16:25

Jatun ñankunapi chay jinata ruwakorqanki. K'acha kayniykitataj millayman tukucherqanki, tukuy chaynejta rejkunaman ukhuykita jaywarqanki, sapa kutitataj qhenchachakorqanki.

Lamentaciones 1:5

Enemigosninkoqa kamachejkuna kanku, chay chejnejkunasninkoqa mayta qhapajyanku. Jerusalentaqa Señorpuni chay jinata llakichin, chay chhikata juchallikusqanrayku. Wawasnenqa enemigosninnejta karuman apasqas karqanku.

Jeremías 49:19

Mana yuyasqaykichej ratopi jamusaj, imaynatachus uj león llojsimun Jordán mayu cantopi ch'umimanta ajinata, maypicharí q'omer pastos kashanku chayman. Edonmanta kajkunatataj chaymanta ayqechisaj, pitacharí noqa ajllasaj chayta kamachinampaj churasaj. Pitaj noqaman ninakuyta atinmanri? Pitaj noqaman sayaykuyta atinmanri? Mayqen michejtaj ñaupaqeyman churanakoj jamuwanmanri?

Jeremías 30:24

Señorpa phiñakuynenqa mana thasnukonqachu imatachus munasqanta junt'anankama. Qhepa p'unchaykunaman tukuy kay imastaqa unanchankichej.

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

Jeremías 25:38

Imaynatachus uj leonqa thapanmanta llojsin ajinata llojserqa, paykunaj jallp'ankutaj raqaykunasllapiña rikhurerqa, Señorpa phiñakuynin jap'iykukusqanrayku, uj sinch'i maqanakutataj paykunaman apacherqa.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 2:17

Chay tukuy imas qanta qhatirisorqa, noqa Señor Diosniykita saqerpariwasqaykirayku.

Jeremías 2:15

Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

Isaías 59:12

Juchasniykoqa ñaupaqeykipi ashkhaman tukun; juchasnillaykutaj mana allin kasqaykuta ch'ataykuwanku; noqallaykuwampuni juchasniykoqa kashan; yachakuykutaj juchayoj kasqaykuta.

Salmos 104:20

Qan tutata apachimunki laqha kanampaj. Chaypachataj k'ita animalkuna puriykachanku.

Esdras 10:10

Chaypacha sacerdote Esdrasqa sayarerqa, nerqataj: Qankunapis juchallerqankichej waj llajtayoj warmiswan casaraspa, ajinamanta Israelpa juchanman yapakuspa.

Números 32:14

Kunanqa qankunañataj, juchasapa tatasniykichej jina puriyta munashankichej, Señorta phiñachiyta munaspa israelitaspa contranta.

Salmos 80:13

K'ita khuchis, phiña animales oqoykapunku uvas chajraykita.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Jeremías 30:15

Imaraykutaj nanasqasniykimanta qhaparqachankiri? Nanasqasniykeqa mana jampikuyniyoj, ashkha sajra ruwasqasniykimanta, mana yupay atina juchasniykiraykutaj. Ajinata qanwan ruwani.

2 Crónicas 36:14

Jinallatataj tukuy runas, sacerdote runaspis astawan juchata yapaykukorqanku, chay waj nacionespa millay jucha ruwasqasninkuta ruwaspa, jinamanta ch'ichichaspa Señorta yupaychana wasita, Jerusalempi paypaj ajllakorqa chayta.

Job 10:16

Sichus umayta oqharini chayqa, qanqa león jina jap'iwankipacha, noqapitaj t'ukuna imasta ruwanki chinkachinawaykirayku.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Jeremías 2:31

Qankunapis kunan p'unchaypi kausajkuna, Señorpa parlasqanta allinta uyariychej. Israel, qampaj noqaqa uj ch'in pampa jinachu karqaniri? Chayri, laqhayaywan junt'asqa jallp'achu karqaniri? Ayllúy, imaraykutaj ninki: Qanmanta kacharisqas kayku; ni jayk'aj qanman kutimusqaykuñachu, nispari?

Jeremías 8:7

Chay patata phawaj qewiñaspis yachanku, mayk'ajchus kutimpunankuta. Palomas, para p'isqos, chakisapa yaku p'isqospis yachanku mayk'ajchus wajnejman rinankuta. Qanrí, ayllúy, kamachisqasniyta mana yachankichu.