Jeremías 5:22 - Qheshwa Biblia DC

²² Noqa Señor nini: Qankuna manachu manchachikuwankichej? Manachu ñaupaqeypi kaspa kharkatitinkichej? Noqa mar qochaj cantosninman t'iyuta churani. Chay tukuyninmanta astawan jaqaymanqa mar qocha mana pasanñachu. Chay qhollchoqeyasqasnenqa astawan astawan, manchayta sonarispa phiñarikun, chaywampis mana pasayta atinchu.

DIOSPA QHELQACHISQAN DEUTEROCANONICAL

²² Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

DIOSPA QHELQACHISQ

²² Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Jeremías 5:22 Referans Kwoze

Salmos 104:9

Yakusman mojonesta churarqanki, mana chayta pasanankupaj, manaña jallp'ata p'ampaykunampaj.

Job 26:10

Mar qocha pataman mojonta jina churan, maypichus k'anchaywan laqhayaywan inkushanku chayta.

Proverbios 8:29

Maypachachus mar qochaj yakusninta kamacherqa, maypichus kananmanta ama llojsinankuta, maypachachus jallp'aj cimientosninta churashajtin;

Salmos 119:120

Qanta manchachikuspa tukuy ukhuy kharkatitin, kamachisqasniykitataj munakuywan kasuni.

Deuteronomio 28:58

Sichus kay libropi sumaj kamachiykuna qelqasqa kashan chaykunata mana junt'ankichejchu, nitaj Señor Diosniykichejpa, manchachikunapaj jina sumaj k'acha sutintapis yupaychankichejchu chayqa, Señorqa apachimusonqachej qankunaman, mirayniykichejmampis unaypaj manchay nanaykunata, millay onqoykunatapis mana thañiy atejta.

Nahúm 1:4

Payqa manchachin mar qochatapis chantá ch'akirparichintaj. Ch'akichillantaj mayuspi yakustapis. Basampa camposninmanta Carmelo orqosninmantapis qhorasnin qawipunku, Líbanoj t'ikasnimpis qawipullantaj.

Jeremías 10:7

Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

Marcos 4:39

Jesustaj jatarimuytawan wayrata k'amerqa; qochatapis nerqa: Ch'in kay! Sayay! Wayrataj thañerqa, jatun samaytaj karqa.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

Amós 9:6

Señorqa janaj pachapi wasinta churan, chay muyurisqa qhosi qhatanatataj jallp'a pataman k'umpuykun; paymin mar qochamanta yakustaqa wajyan, jallp'a patamantaj jich'amun. Chaypataqa Señormin sutenqa.

Salmos 99:1

Señorqa kamachishan; tukuy runas kharkatenqanku, paypa tiyananqa querubinespa patampi kashan, jallp'apis kharkatenqa.

Salmos 33:7

Payqa mar yakusta ujllaman tantaykun, qocha yakustataj ujllaman churan.

San Mateo 10:28

Ama manchachikuychejchu cuerpota wañuchejkunata, imaraykuchus almataqa mana wañuchiyta atinkuchu. Astawanqa, pichus cuerpota, almatapis infiernoman wijch'uykuyta atin, chayta manchachikuychej.

Isaías 50:2

Imaraykutaj jamuspaqa mana pitapis tariparqanichuri, wajyashajtiypis mana pipis uyariwarqachuri? Ima kajtimpis chaymanta orqhonaypaj makeyqa p'akisqachu karqa? Manañachu atiyneyqa kasqa paykunata orqhonaypaj? Ujta k'amispa mar qochasta ch'akichini; chaypi kaj challwaspi yakumanta jina wañuraspa asnanankupaj.

San Lucas 12:5

Noqa nisqaykichej pitachus manchachikunaykichejta. Manchachikuychej, pichus wañuchiytawankama, atiyniyoj kashan infiernoman wijch'unampaj, chayta. Arí, manchachikuychej payllata.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

Génesis 1:9

Chaymantá Dios nerqa: Janaj pacha kaj urapi yakoqa uj cheqallapi kachun, ch'aki kaj rikhurinampaj, nispa. Ajinataj karqa.

Job 38:8

Maypachachus mar qocha rikhurimushajtin, pitaj yakusninta jark'acherqa uj cheqallapi kanampaj?

Salmos 46:3

mar yakupis phiñakuspa wajtaykachakuchumpis, phiñakuyninwan orqos kharkatejtinkupis.

Isaías 64:2

Imaynatachus ninaqa unuyachin, mankapi yakutapis t'impuchin ajinata, enemigosniykiman imaynachus kasqaykita rikuchinaykipaj, qampa ñaupaqeykipi nacionespis kharkatitinankupaj.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Amós 4:12

Chayrayku Israel, qantapis kikinta ruwasqayki, chaytaqa ruwasajpuni. Wakichikuy Diosniykiwan tinkunaykipaj.

1 Reyes 13:28

Rispataj payqa ñampi ayata wijch'urashajta tariparqa, leonwan burrowampis chay ayaj qayllampi kashajta, manataj leonqa wañusqataqa mikhuykusqachu nillataj burrotapis imanasqachu.

Job 37:24

Chayrayku runasqa paymanta manchachikunku; Paypajqa yachayniyojkuna mana imachu.

Jeremías 31:35

Pichus intita p'unchaynimpi k'anchanampaj churarqa, killata, ch'askastapis tutampi k'anchanankupaj churarqa. Mar qochatapis phiñarikojta, qhollchoqeyasqampis mayta mayta ch'ajwarejta churaj. Tukuy Atiyniyoj sutichasqa Señorqa chayta nin:

Jonás 1:16

Chayta rikuspataj buqueta purichejkunaqa Señorta maytapuni manchachikorqanku. Chayrayku rikuchikusta jaywarqanku, tratotapis ruwarqanku.