Jeremías 49:36 - Qheshwa Biblia DC

³⁶ Kay llajtaman tawantin cheqanejmanta apachimusaj sinch'i wayrata, tukuynejman ch'eqerachinampaj, mana uj llajtallapis puchonqachu mana ayqekusqankoqa.

DIOSPA QHELQACHISQAN DEUTEROCANONICAL

³⁶ Kay llajtaman tawantin cheqanejmanta sinch'i wayrata apachimusaj, tukuynejman paykunata ch'eqerachinanpaj. Mana uj suyullapis kanqachu maymanchus mana elamitakuna ayqekusqankoqa.

DIOSPA QHELQACHISQ

³⁶ Kay llajtaman tawantin cheqanejmanta sinch'i wayrata apachimusaj, tukuynejman paykunata ch'eqerachinanpaj. Mana uj suyullapis kanqachu maymanchus mana elamitakuna ayqekusqankoqa.

Jeremías 49:36 Referans Kwoze

Jeremías 49:32

Camellosninkuta, tukuy uywasninkutapis suwarpariychej. Tukuynejman noqa paykunata ch'eqerachisaj, chay umasninkuta ruthukoj runasta; tukuynejmanta may ñak'ariykunasta paykunaman apachmusaj. Noqa Señor chayta nini.

Apocalipsis 7:1

Kay imas qhepata rikorqani tawa angelesta, jallp'aj tawantin cantompi sayashajta. Paykunataj jallp'aj tawantin wayrasta jark'asharqanku, ama ima wayra jallp'a pataman wayramunampaj, nitaj mar qocha pataman, nitaj ima sach'a patamampis.

Amós 9:9

Kamachisajtaj Israelpa ayllunmanta tukuynejman suysusqas kanankuta, trigopis suysunapi suysukun jinata, mana uj trigo granollatapis pampaman urmachispa.

Daniel (hebreo) 8:8

Chivoqa manchayta jatunchakorqa, kallpampipuni kashajtintaj jatun wajranqa p'akirpayakorqa, chaynejllamantataj tawa wajras llojsiramorqanku, puntasnintaj tawantin ladosman qhawashaj karqanku.

Ezequiel 5:10

Chayrayku, qankuna ukhupi wawasninkuta mikhuykojkuna kanqanku, jinallataj wawaspis tatasninkuta mikhuykojkuna kanqanku. Jasut'isniyta qampi rikuchisaj, qanmanta puchojtataj tukuynejman cheqerachisaj.

Jeremías 30:17

Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.

Daniel (hebreo) 11:4

Pay sayarejtinkamataj, jatun nacionnin t'ustisqa kanqa, tawamantaj t'aqasqa kanqa. Chay reypa atiynenqa mirayninman mana qosqachu kanqa, manataj jatun nacionnimpis chhika atiyniyojchu kanqa ñaupajta jinaqa. Chaypajqa paymanta qhechusqaña kanqa, wajkunataj kamachenqanku paypa cuentanmanta.

Daniel (hebreo) 8:22

Chay jatun wajra p'akikojtinkama, cuentanmanta tawa wajras llojsiramorqanku chaykunaqa, niyta munan, kay nacionmanta tawa nacionkunaman t'aqakonqanku. Chaykunataj mana ñaupaj kaj jina atiyniyojchu kanqanku.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Isaías 56:8

Tukuy ch'eqerasqa israelitasta tantamoj Señorqa nin: Kay tukuy tantakamojkunamanqa astawanraj wajkunata tantamusaj.

Isaías 27:13

Chaypacha putututa jatunmanta waqachenqanku, chayta uyariytawan Asiriaman wijch'usqa kajkuna jamonqanku, jinallataj Egiptopi kajkunapis. Chayamuspataj Jerusalempi Santo orqopi Señorta yupaychanqanku.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.

Salmos 147:2

Señorqa watejmanta Jerusalenta jatarichin. Ch'eqerasqa israelitasta tantaykun.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

Zacarías 6:5

Angeltaj kutichiwarqa: Chaykunaqa tawa wayras kanku, Señorpa ñaupaqenmanta tukuy jallp'aman llojsejkuna.