Jeremías 49:29 - Qheshwa Biblia DC

²⁹ Jap'ikapuychej toldosninkuta, uywasninkuta, lomasninkuta tukuy imasninku kajta ima. Camellosninkutapis qhechuychej, qhapariychejtaj: Sinch'i mancharikuylla tukuynejpi tiyan, nispa.

DIOSPA QHELQACHISQAN DEUTEROCANONICAL

²⁹ Toldonkukunata, uywankukunata ima jap'ikapuychej, jinataj qhatanankuta, tukuy imanku kajta apakapuychej. Camellonkukunatapis qhechuychej, qhapariychejtaj: Tukuynejpi manchachikuy tiyan, nispa.

DIOSPA QHELQACHISQ

²⁹ Toldonkukunata, uywankukunata ima jap'ikapuychej, jinataj qhatanankuta, tukuy imanku kajta apakapuychej. Camellonkukunatapis qhechuychej, qhapariychejtaj: Tukuynejpi manchachikuy tiyan, nispa.

Jeremías 49:29 Referans Kwoze

Jeremías 46:5

Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

Jeremías 6:25

Ama campomam llojsiychejchu, amataj ñankunasmampis llojsiychejchu. Enemigoqa sumaj armasninwan wakisqa kashan, manchachikuywan kharkatiteyqa tukuynejpi kashan!

Habacuc 3:7

Noqa rikuni Cusanmanta runasta ñak'ariyman urmasqanta, manchachikuywantaj k'umusqasta Madiampi tiyakojkunata.

Salmos 120:5

Ay noqa wajcha, Mesecpi tiyakojmanta, Cedarpa jallp'asnimpi qenchasta ruwakuni.

2 Corintios 7:5

Macedoniaman chayamusqaykumantapacha, mana imaynata samarikorqaykuchu, astawanqa imaymana llakiykuna jamuwarqayku; jawamanta ch'ajwas, ukhumantataj manchachikuykuna.

2 Corintios 4:8

Imaymana uma nanayniyoj kayku, manataj llakisqaschu. Chay tukuywampis phutiywan mana atipachikuykuchu.

Jeremías 49:24

Damasco runasqa manaña kallpayoj kaspa ayqej tukunku, sinch'i t'ukuyllawanña atipachikunku, jinataj ñak'ariywan nanaywantaj, onqoj warmej nanayninwan jina.

Jeremías 10:20

Toldosniypis tukuynin llik'irasas kashanku, tukuy watanasnimpis p'itirasqas kashanku. Wawasniypis saqerapuwanku, manaña kankuchu, manaña pipis toldosniyta oqharipuwajqa kanchu, nitaj lonasninta aysaykurejpis kanchu. Profeta kutichin:

Jeremías 4:20

Sapa kuti llakiykunasmanta willaykunas chayamun. Tukuy jallp'antin phirisqa kashan. Uj ratollapi toldosniy phirisqas rikhurerqanku, maqanakuna toldosnimpis phaskasqas karqanku.

Isaías 60:7

Cedarmanta tukuy ovejaspis qanman tantaykakamusonqanku; Nebaiotmanta carnerospis rikuchikuta altarniypi jaywanaykipaj kanqa; chaykunawan kusikuna wasiyta astawan k'achanchasaj.

Isaías 13:20

Manaña chaypi jayk'ajpis runa tiyakonqachu, nitaj llajtachakonqachu. Arabespis manañapuni jayk'ajpis chaypi jarakonqankuchu, nitaj michejkunapis chaypi uywasninkuta michenqankuchu.

Salmos 31:13

Runas chhipinakusqankuta uyariyta atini. Tukuynejpi mana allinchu noqapajqa. Uj runa jinalla contraypi sayarinku, wañuchinawankupajtaj wakichikunku.

Job 1:3

Chantá tiyapullarqataj qanchis waranqa ovejasnin, kinsa waranqa camellosnin, phishqa pachaj yunta wakasnin, phishqa pachaj china burrosnin, ashkha kamachisnin ima. Inti llojsimuypi tiyakojkunamanta pay k'atalla manchay qhapaj runa karqa.

Jueces 8:26

Tukuynimpi chay qori anillosqa chunka isq'onniyoj kilosta aysarqa, chaypis wajlla karqa; k'achanchakunas, qorimanta kaj k'achanchakunas, jinataj chay Madianmanta reykunas p'achallikunasninkumanta puka telas, chay camellospa kunkasnimpi kaj k'achanchaspis.

Jueces 8:21

Chaypacha Zebawan Zalmunawan nerqanku Gedeonta: Qan wañuchiwayku, chaypi runataqa rejsinchej wapu kaynintaqa. Gedeontaj jatarikuytawankama wañurparicherqa, Zebajtawan Zalmunajtawan camellosninkoj kunkasninkupi kasharqa chay k'achanchasninta orqhokaporqa.

Jueces 7:12

Madianitaswan, amalecitaswan, chantá inti llojsimuynejmanta chay runaspis ch'eqerasqas langostas jina chay pampa junt'a kasharqanku. Camellosninkupis may chhika karqa mar qocha cantopi t'iya jinapuni.

Jueces 6:5

Chay carpa wasisninkuwan jinataj uywasninkuwan chay jallp'aman junt'aykorqanku tukuy imasta phiriraspa. Langostas jinapuni may chhika camellosninkuwan junt'aykorqanku.

Génesis 37:25

Chaymantataj mikhoj tiyaykorqanku. Mikhushaspataj ujllata qhawarispa rikorqanku ismaelitas sinrulla Galaadmanta jamushajta. Chay runasqa camellospi apasharqanku perfumeta, balsamota, mirrata ima Egiptoman.

Jeremías 49:5

Noqa tukuynejmanta sinch'i manchachikuyta pataykiman apachimusaj. Noqa Tukuy Atiyniyoj Señor chayta nini. Qankunamanta sapa ujniykichej kaynejman, jaqaynejman ch'eqerachisqas llojsinkichej. Manañataj pipis watejmanta tantaykunasuykichejpaj kanqachu.