Jeremías 48:7 - Qheshwa Biblia DC

⁷ Moab, qanqa kallpallaykipi atienekorqanki, jinataj qhapaj kaynillaykipi, jinapis qampis jap'isqallataj kanki. Quemós diosniykeqa waj llajtaman wijch'usqa kanqa sacerdotesninwan khuska, sumachaj runasninwan ima.

DIOSPA QHELQACHISQAN DEUTEROCANONICAL

⁷ Moab, qanqa kallpallaykipi atinikorqanki, jinataj qhapaj kasqaykipi. Chaywanpis qanta jap'isonqanku. Quemos diosniykeqa waj suyuman apasqa kanqa sacerdotenkunawan, kurajninkunawan ima.

DIOSPA QHELQACHISQ

⁷ Moab, qanqa kallpallaykipi atinikorqanki, jinataj qhapaj kasqaykipi. Chaywanpis qanta jap'isonqanku. Quemos diosniykeqa waj suyuman apasqa kanqa sacerdotenkunawan, kurajninkunawan ima.

Jeremías 48:7 Referans Kwoze

Números 21:29

Llakiy qanmanta Moab, Quimón diospa llajtan! Payqa chay llajtaj runasnin ayqejta saqellan, jinallataj warmisniykichej Sehón reypa makinman urmajtapis.

Jeremías 49:3

Hesbón llajta waqay, Hai llajtaqa phirisqaña kashan. Rabamanta warmis, sinch'ita waqaraychej. Llakiy p'achawan p'achallikuychej, pechoykichejta takakuychej. Locas jina correykachaychej, ukhuykichejta nanarachikuychej. Milcom nisqa dios waj llajtaman wijch'usqa kashan, tukuy sacerdotesnintin, jinataj allichaj runasnintin.

Jeremías 9:23

Señorqa nin: Yachayniyoj runaqa ama chay yachayninmanta runaykachachunchu, nitaj atiyniyojpis, nitaj qhapajpis.

Salmos 52:7

Qhawaychej ari Diospi pakakuyta mana mask'aj runata, payqa kapuynillampi atienekorqa, sajra kaynillampitaj sayarqa.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

Oseas 10:13

Qankunaqa tarporqankichej juchallata, oqharerqankichejpis sajra kajllata, mikhorqankichejtaj llulla poqoykunasllata. Guerrapaj t'aqasqa kaj carrosniykipi, jinataj chay may chhika guerrapi maqanakojkunaykipitaj confiakusqaykirayku,

Jeremías 48:46

Ay, qanmanta Moab llajta. Quemós llajta kichasqaña kanki. Qhari wawasniykita, warmi wawasniykitapis jallp'ankumanta apakaponqanku.

Jeremías 48:13

Chaypacha Moabqa Quemós diosnnejta ch'aukiyasqa rikhurenqa, imaynatachus Israelpis Betelwan ch'aukiyachikorqa ajinata, mayqempichus tukuy sonqowan atienekorqa.

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

Apocalipsis 18:7

Imaynatachus pay jatunchakorqa, kusiykunapi kausarqa, ajinallatataj payman ñak'ariyta, waqaytawan qoychej. Payqa sonqompi nin: Noqaqa reina jina tiyasqa kashani, manataj viudachu kani, nitaj waqaytapis rikusajchu.

Jeremías 43:12

Egiptopi Diosta yupaychana wasisman payqa ninata jap'iykuchenqa, dioskunasninkutataj presospis kankuman jina apakaponqanku. Egiptomanta pichanqa, imaynatachus uj michejqa p'achasninmanta usasninta pallan ajina, chaymantataj riponqa mana pejpa jark'asqan.

Jeremías 13:25

Achaymin qantaqa Israel qhatirinasun karqa. Chanta ruwanasuyta qan kikiykimanta mask'akorqanki. Noqa Señor chayta nini. Qan noqamanta qonqaporqanki, waj mana kaj lantismantaj riporqanki.

Salmos 40:4

Kusikuyniyojmin Señorpi suyaj runaqa, manataj wapu wapustaqa mask'anchu, nitaj llullapi purejkunatapis mask'anchu.

1 Reyes 11:7

Chanta Salomonqa Moabpa millay lantin Quemospaj uj altarta wakicherqa, Jerusalempa chimpan orqopi; Amonitaspa chay millay lantin Molocpajpis uj altarta wakichillarqataj.

Jueces 11:24

Sichus diosniyki Quemos imatapis qosunkiman, chaytataj qampata kasqanta ninki. Manachu jina? Ajinallatataj noqaykupis imastachus Señorqa ñaupaqeykupi qhechuspa qowasqaykutaqa noqaykojta kasqanta qhawayku.

2 Samuel 5:21

Chay jawari filisteosqa lantisninkuta saqerpayarqanku, Davidwan runasninwantaj chaykunata oqharerqanku.

Jeremías 49:4

Imaraykutaj kallpayoj kasqaykimanta runaykachankiri? Kallpaykeqa ña tukusqaña, qan mana kasukoj llajta. Qanqa atienekunki qhapaj kayta tantasqallaykipi, ninkitaj: Pitaj noqata jap'ikapuwanmanri?, nispa.