Jeremías 48:26 - Qheshwa Biblia DC

²⁶ Moabta machaykuchiychej, imaraykuchus Señorpa contrampi oqharikorqa. Chaypacha Moabqa ajtuykusqampi sunt'enqa, tukuytaj paymanta asiykukonqanku.

DIOSPA QHELQACHISQAN DEUTEROCANONICAL

²⁶ Moabta machaykuchiychej, imaraykuchus Tata Diospa contranpi oqharikorqa. Chaypacha Moabqa lansasqanpi sunt'enqa, tukuytaj paymanta asikonqanku.

DIOSPA QHELQACHISQ

²⁶ Moabta machaykuchiychej, imaraykuchus Tata Diospa contranpi oqharikorqa. Chaypacha Moabqa lansasqanpi sunt'enqa, tukuytaj paymanta asikonqanku.

Jeremías 48:26 Referans Kwoze

Jeremías 51:39

Maypachachus k'ajariywan laurarejtinkoqa noqa ujyachisaj machachikoj ujyanasta, umasninkuta muyuchej ujyanasta. Ajinata wiñaypaj puñuyman urmanqanku, chaymanta manaña rijch'arimonqankuchu. Noqa Señor chayta nini.

Jeremías 48:42

Moabqa mana nacionñachu kanqa, imaraykuchus Señorqa contraypi oqharikorqa.

Isaías 29:9

Israelitas, wampusllapuni kaychej, ciegos kaychej mana imata rikuspa. Machasqas jina chankaykachallaychejpuni, mana machachej ujyanata ujyashaspapis.

Isaías 19:14

Señorqa paykunaman musphay yuyayta churarqa. Chayrayku Egiptoqa tukuy ima ruwasqampi pantakorqa, uj machasqa runa lanzasqan patapi lat'aykachan ajinata.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Lamentaciones 4:21

Uzpa jallp'ampi tiyakoj Edom, mayta kusikuy ari. Qanmampis chay jaya copata ujyanaqa chayamullasonqataj. Ajinamanta qanqa machaykunki, mana p'achayojtaj kanki.

Jeremías 51:7

Babiloniaqa makiypi uj qori vaso jina karqa, tukuy kay pachatataj machachej. Nacionesqa chay vinomanta ujyaj kanku, yuyayninkuta chinkachinankukama.

Jeremías 48:39

Moab llajtamanta waqaychej, manchachikuywan junt'a kashan. P'enqayta wasanta kutiricherqa, tukuy muyuynimpi kajkunaj ñaupaqempi millay qhesachasqaman tukurparerqa.

Éxodo 5:2

Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

Apocalipsis 16:19

Jatun llajtataj kinsaman ch'ejtakorqa, gentilespa llajtasninkutaj urmarqanku. Diostaj chay jatun Babiloniamanta yuyarikorqa, k'ajaj phiñakuynimpa vino copanmanta pay ujyanampaj.

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Habacuc 2:16

Kunantaj honorniyoj kanaykitaqa, may p'enqaypi rikhurinki, imaraykuchus Señor qosonqa uj ujyanata, chaytaj rikuchisonqa mana circuncidasqa kasqaykita kay may uyarisqa kasqaykitaj pampaman k'umuykaponqa.

Nahúm 3:11

Qantapis machaykuchisonqanku, uma muyusqataj pakakunki enemigoykimanta ayqeyta munaspa.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Lamentaciones 3:15

Señorqa chay jina jaya llakiywan junt'aykuchiwan, jawa yakuwan machaykuchiwan.

Lamentaciones 1:21

Waqashajta uyariwarqanku, manataj pipis sonqochaykuriwaj kanchu. Tukuy enemigosniy yachanku mana allimpi kasqayta, maytataj kusikunku qan kay jinata ñak'arichiwasqaykimanta. Paykunamampis jasut'ita apachimusaj nisqaykitaqa apachimunki, chaypachataj paykunapis noqa jina kanqanku.

Jeremías 51:57

Tukuy Atiyniyoj Señor reyqa nillantaj: Babiloniamanta kurajkunasninta machaykuchisaj, yachayniyoj runasninta, palaciopi kamachejkunasninta, paywan llank'ajkunasninta, chantá soldadosnintapis. Wiñay puñuyman urmanqanku, chaymantarí mana rijch'arimonqankuñachu.

Isaías 63:6

K'ajaj phiñakuyniywan chay runasta t'usterqani. Phiñakuywan tukucherqani. Yawar mayusta puriricherqani.

Isaías 51:17

Jerusalén, rijch'ariy, rijch'arikuy, sayarikuy; qanqa Señorpa k'ajaj phiñakuyninta kikin makinmanta jap'ispa ujyarqanki. Qanqa machachej Señorpa phiñakuynin copamanta, qhonchuntinta ujyaykorqanki.

Isaías 10:15

Hachaqa k'utoj runamanta may sumaj kasqanta yuyakunmanchu? Sierrapis khuchoj runamanta may kasqanta yuyakunmanchu? Chayqa kanman uj k'aspi chayri tojnupis runata apaykachanman jina.

Salmos 75:8

Señorqa makisnimpi jap'ishan, poqosqa vinoyoj copata, misturawan chajrusqata. Chay vinota jich'ajtintaj, tukuy kay pachapi sajra runasqa, ujyanqanku tukunankukama ni uj ch'aqayta puchuchispa.

Salmos 60:3

Aylluykita sinch'ita llakichinki, umata machachej vinota qorqanki.

Salmos 59:8

Qantaj, Señor, paykunamantaqa asikunki. Diosta mana yupaychajkunata kusipayanki.

Salmos 2:4

Cielopi kamachej Señorqa, paykunamanta asiykukun.

Job 9:4

Diosqa sumaj yachayniyoj, may atiyniyoj kallpasapataj. Pitaj paywan maqanakoj llojsinman, atipanmantajri?

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Isaías 28:8

Mesasqa millay ajtuykukusqasninkuwan junt'a kashan, jinamanta mana uj cheqallapis llimphu kanchu.

Daniel (hebreo) 8:10

Chhikantapuni wiñarqa, janaj pachapi kajkunaman chayanankama. Chaykunamanta wakinta, jinallataj wakin qoyllurkunatawan urmarachimuspa sarurarqa.

Job 15:25

Kay imasqa kashan pichus Diospa contranta oqharikojpaj, pichus Tukuy Atiyniyojwan churanakuyta munajpaj.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.