Jeremías 48:12 - Qheshwa Biblia DC

¹² Jinapis Señorqa nin: Uj p'unchay chayamonqa maypachachus runasta kachamusaj chay vinota waj yurusman jich'anankupaj, ch'usaj kajtinkutaj phirinankupaj.

DIOSPA QHELQACHISQAN DEUTEROCANONICAL

¹² Chaywanpis Tata Dios nin: Uj p'unchay chayamonqa, chay p'unchaypitaj runakunata kachamusaj vinota waj wich'iman jich'anankupaj. Chantá chay ch'usaj wich'ikunata phirirparenqanku.

DIOSPA QHELQACHISQ

¹² Chaywanpis Tata Dios nin: Uj p'unchay chayamonqa, chay p'unchaypitaj runakunata kachamusaj vinota waj wich'iman jich'anankupaj. Chantá chay ch'usaj wich'ikunata phirirparenqanku.

Jeremías 48:12 Referans Kwoze

Nahúm 2:2

Imaraykuchus Señorqa kausarichenqa Jacobpa runaykachananta jinataj Israelpa mayta runaykachanan kasqanta. Imaynatachus ñaupaj karqa manaraj kapuyninta qhechushajtinku, manaraj mana laqhesniyoj uvasta jina saqeshajtinku karqa ajinata.

Jeremías 48:38

Moab wasi pataspi, tukuynin callesnimpipis waqaykunallaña uyarikun. Noqa Moabta t'unata ruwarqani, imaynatachus mana walej yuruta t'unanku ajinata. Noqa Señor chayta nini.

Isaías 30:14

Chayqa t'unasqa kanqa uj t'uru qeru jina, mana khuyaspa t'unasqa ajina. Chay jinatapuni p'akikojtenqa mana uj chhikan k'anallallapis puchonqachu, q'onchamanta ninata orqhonallapajpis, nitaj allinchu yakuta wisinallapajpis.

Salmos 2:9

Fierro varawan kay pachapi reyesta tukuchinki. T'uru mankata jina paykunata p'akiranki.

Jeremías 48:15

Chayamushanña Moabta, llajtasnintapis phirejqa; aswan allin wayna runasnimpis wañuranqanku. Chay reyqa nin, sutenqa Tukuy Atiyniyoj Señor.

Jeremías 48:11

Moabqa sonqo tiyasqa kayllapipuni kausakorqa, mana jayk'ajpis jallp'anmanta wijch'usqachu karqa. Imaynatachus vinota ch'uwachinku, manataj uj vasomanta waj vasoman jaywarankuchu, chayraykumin mana jayk'ajpis misk'i kayninta, nitaj q'apayninta chinkacherqachu.

Jeremías 48:8

Chay phirisqas kanankoqa tukuy llajtasman chayanqa, manataj ujllapis puchonqachu; chay ura pampasnin jinataj chay pata pampasnimpis raqaykunasllaña qhepakonqanku. Noqa Señor chayta nini.

Jeremías 25:34

Qhapariychej, michejkuna, nanaywan qhapariychej! Qankuna aylluyta pusankichej chaykuna, pampapi sunt'iraychej! Imaraykuchus wañuchinanku rato chayamunña, qankunatatajri wañuchisonqachej wira ovejata jina.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 19:10

Kayta niytawan kamataj, chay wich'ita, qanwan kashanku chay runaspa ñaupaqempi p'akiy, niytaj: Tukuy Atiyniyoj Señorqa nin: Noqapis kay aylluta, kay llajtatapis p'akisaj, imaynatachus uj wich'ita p'akejta rikunkichej ajinata. Chayqa manaña allinyayta atikunñachu. Runasqa ayasta Tofetpiña p'ampanqanku chay cheqapi manaña campo kajtin.

Jeremías 14:3

Qhapajkunaqa uywasqasninkuta yakuman kachanku, chaykunataj yaku qochasman rinku, manataj yakuta tarinkuchu, kutipunkutaj ch'usaj p'uyñusniyojlla, ch'aukiyasqas, may p'enqasqastaj umasninkuta qhataykukuspa.

Isaías 16:2

Moabpi tiyakojkunaqa Arnón mayu cantopi, mancharichisqas thapanmanta ayqekoj p'isqos jina kashanku.

Jeremías 48:13

Chaypacha Moabqa Quemós diosnnejta ch'aukiyasqa rikhurenqa, imaynatachus Israelpis Betelwan ch'aukiyachikorqa ajinata, mayqempichus tukuy sonqowan atienekorqa.