Jeremías 48:11 - Qheshwa Biblia DC

¹¹ Moabqa sonqo tiyasqa kayllapipuni kausakorqa, mana jayk'ajpis jallp'anmanta wijch'usqachu karqa. Imaynatachus vinota ch'uwachinku, manataj uj vasomanta waj vasoman jaywarankuchu, chayraykumin mana jayk'ajpis misk'i kayninta, nitaj q'apayninta chinkacherqachu.

DIOSPA QHELQACHISQAN DEUTEROCANONICAL

¹¹ Moabqa ni pejpa ima nisqan unaymantapacha tiyakorqa. Mana jayk'ajpis chay llajtayojkunata suyunkumanta apasqankuchu. Sumaj vinotaqa uj cheqallapi mana wich'imanta waj wich'iman wisispa poqochinchej, ajinamanta misk'i kaynin, q'apaynintaj ama chinkananpaj, icharí? Ajinallataj Moabqa jallp'allanpi qhepakorqa.

DIOSPA QHELQACHISQ

¹¹ Moabqa ni pejpa ima nisqan unaymantapacha tiyakorqa. Mana jayk'ajpis chay llajtayojkunata suyunkumanta apasqankuchu. Sumaj vinotaqa uj cheqallapi mana wich'imanta waj wich'iman wisispa poqochinchej, ajinamanta misk'i kaynin, q'apaynintaj ama chinkananpaj, icharí? Ajinallataj Moabqa jallp'allanpi qhepakorqa.

Jeremías 48:11 Referans Kwoze

Sofonías 1:12

Jaqay p'unchaykunapi uj k'anchanata jap'isaj, Jerusalentataj sumajta qhawaykusaj. Chaypachaqa runasta jasut'isaj pikunachus tiyallanku ñaupa vino jina, chaykunata mana ima llakiyniyoj kashanku chaykunatawan. Paykunaqa sonqonkupi nishanku: Señorqa mana imatapis ruwanqachu. Señorqa allin kajta, nitaj mana allin kajtapis ruwanqachu.

Zacarías 1:15

Chayrayku sinch'ita k'ajarin phiñakuyneyqa, mana ni imamanta yuyarikojkunaj contrampi, maypachachus pisillataraj phiñakorqani. Chaypachaqa paykunaqa astawan juchawan yapaykukorqanku.

Nahúm 2:2

Imaraykuchus Señorqa kausarichenqa Jacobpa runaykachananta jinataj Israelpa mayta runaykachanan kasqanta. Imaynatachus ñaupaj karqa manaraj kapuyninta qhechushajtinku, manaraj mana laqhesniyoj uvasta jina saqeshajtinku karqa ajinata.

Jeremías 48:29

Moabpa mayta runaykachayninta rejsiyku, wapuykachaj kasqanta, phiña runa kasqanta, sinch'i runaykachaj kasqantawan.

Isaías 24:3

Jallp'aqa ch'usajpacha kanqa. Tukuy iman kajta suwanqanku. Chaytaqa Señorpuni nin.

Isaías 16:6

Moab runaspa mayta wapuykachasqankuta uyariyku; mayta runaykachasqankuta, machu machu kasqankutapis. Chaywampis llullakusqasninkoqa mana cheqanchu kanqa.

Salmos 123:4

Sayk'usqaña kayku qhapajkuna alqochakuwasqaykuwan, may kasqankuta yuyakojkunaj qhesachawasqaykuwan.

Salmos 55:19

Kamachej wiñaypaj Dios, uyariwanqa, paykunatataj k'umuykachachenqa, paykuna juchasninkumanta mana kutirikusqankurayku, nitaj Diosta manchachikusqankurayku.

Jeremías 51:34

Jerusalén Sión orqo llajtaqa nin: Babiloniamanta rey Nabucodonosorqa t'unata ruwawarqa, mikhuwarqataj, uj ch'usaj chuwata jina saqerpariwarqa. Mar qochamanta uj millay animalta jina oqoykuwarqa; noqamanta misk'i kajninwan sajsaykukorqa, noqamanta puchojtataj wijch'urparerqa.

Isaías 25:6

Tukuy Atiyniyoj Señorqa Sión orqopi tukuy llajtaspa uj jatun mikhunata ruwanqa, misk'i mikhuykunawan sumaj kaj vinosta ujyachenqa. Chantá sumaj kaj aycha kankasta mikhuchenqa, sumaj allin kaj ch'uwachasqa kaj vinostawan ujyachenqa.

Proverbios 1:32

Mana ima yachajman tukusqaykichej wañuchisonqachej. Wampu runaqa sajra ruwasqallankuwantaj chinkachisqas kanqanku.

Nahúm 2:10

Niniveqa q'ala phirisqa, ch'impacha, tukuy iman pampachasqa kashan. Mancharikuywan sonqosninkoqa p'akikushanña, moqosninkupis kharkatitishan. Tukuyninkoj kallpasninkupis manaña kanchu. Uyasninkupis manaña paykunapichu kanku; q'ellu q'ellullaña kanku.

Jeremías 22:21

Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

Jeremías 48:12

Jinapis Señorqa nin: Uj p'unchay chayamonqa maypachachus runasta kachamusaj chay vinota waj yurusman jich'anankupaj, ch'usaj kajtinkutaj phirinankupaj.