Jeremías 46:6 - Qheshwa Biblia DC

⁶ Mana chay sinch'i chakispis ayqeyta atinkuchu, aswan kallpayojkunasnimpis manallataj ayqeyta atinkuchu. Patanejpi Eufrates mayu qayllaspi misk'akunku, urmankutaj.

DIOSPA QHELQACHISQAN DEUTEROCANONICAL

⁶ Sinch'ita t'ijurejkunapis mana ayqeyta atinkuchu. Aswan kallpayojkunapis manallataj llusp'iyta atinkuchu. Wichaynejpi Éufrates mayu qayllapi misk'akunku, urmankutaj.

DIOSPA QHELQACHISQ

⁶ Sinch'ita t'ijurejkunapis mana ayqeyta atinkuchu. Aswan kallpayojkunapis manallataj llusp'iyta atinkuchu. Wichaynejpi Éufrates mayu qayllapi misk'akunku, urmankutaj.

Jeremías 46:6 Referans Kwoze

Daniel (hebreo) 11:19

Chaymantapacha reyqa llajtampi kaj sumaj jark'achisqa wasisninman kutiponqa. Chanta misk'aspa wañonqa, manataj jayk'ajpis paymanta uyarikonqañachu.

Jeremías 46:12

Naciones yachankuña may k'umuykachisqa kasqaykita, tukuynin jallp'api qhaparisqayki uyarikun; ch'ajwapi maqanakojkuna ujkuna ujkunawan takanakunku, khuskataj pampanejta urmanku.

Jeremías 50:32

Qan phiñanakuta mask'aj nación misk'aspa urmanki, manataj pipis uyarikoj kanqachu. Tukuy llajtasniykiman ninata jap'iykuchisaj, chay ninataj tukuy muyuynintinta ruphaykonqa.

Jeremías 46:16

Soldadosniyki misk'akunku, urmankutaj, ujkuna ujkunamantaj ninakunku: Kaymanta jaku ripunachej, kutipunachej jallp'anchejman, chay nacekusqanchej jallp'aman. Sinch'i maqanakuy ch'ajwayninmanta ayqenachej.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 20:11

Señor, qan noqawan kashanki, uj mana atipay atina ch'ajwapi maqanakoj jina. Pichus qhatiykachawajkunaqa urmanqanku, manataj atipayta atiwanqankuchu; atipachikuspa p'enqaypi rikhurenqanku, mana qonqay atinapaj jina, wiñaypaj mana allimpaj qhawasqas kanqanku.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Jeremías 4:6

Banderata Sión cheqanejman sayachiychej. Mask'aychej paykunata, amataj sayakuychejchu! Wichay ladomantaqa jatun ñak'ariyta, wañuchinakuytawan apamusaj.

Jeremías 1:14

Chaypacha Señorqa niwarqa: Pata ladomantapacha ñak'areyqa jich'akamonqa, kay jallp'api tukuy tiyakojkunaj patanman.

Isaías 8:15

Ashkhas chaypi misk'akuspa urmaranqanku, wañonqankutaj. Ashkhas jap'ichikonqanku, presochasqastaj kanqanku.

Eclesiastés 9:11

Kay pachapi ujtawan qhawarispa rikorqani, mana usqhayta correjkunajtachu atipayqa, maqanakupis mana kallpayojkunajtachu, qhepajyaypis mana k'uchi kajkunajtachu, nitaj allin yachachisqaspis allimpi jap'isqachu. Manachayqa tiempo chayamojtinkama kay imasqa tukuyman chayan.

Salmos 27:2

Mayk'ajchus ñak'arichiwajkuna, sajra runas enemigosniy ima, contraypi tantakuspa jamunku chaypacha. Paykunallataj misk'aspa urmanku.

Daniel (hebreo) 11:22

Contrampi sayaykoj atiyniyojkunata tukuyninta t'unaykonqa. Jinallatataj tratota ruwaj atiyniyoj kamachejtapis.

2 Reyes 23:29

Jaqay p'unchaykunapi Egiptomanta rey faraón Necao, Eufrates mayu qayllaman Asiriamanta reypa contrampi llojsimorqa. Rey Josiastaj paywan maqanakoj rerqa. Necaotaj rikuytawan Meguidopi wañorqocherqa.

2 Reyes 24:7

Egiptomanta reytaj manañapuni jallp'amanta ujtawampis llojserqachu, imaraykuchus Babiloniamanta reyqa paypa kajta Egipto mayumantapacha Eufrates mayukama jap'ikaporqa.