Jeremías 46:28 - Qheshwa Biblia DC

²⁸ Noqa Señor nini: Ama manchachikuychu kamachiy Jacobpa ayllun, imaraykuchus noqa qanwan kashani. Maykunamanchus ch'eqeracherqayki chay tukuy nacionesta phirisaj. Jinapis qantaqa mana chinkachisqaykichu, manachayqa k'amisqayki imaynatachus juchallikusqaykiman jina, chaywampis mana saqesqaykichu mana jasut'ita qospaqa.

DIOSPA QHELQACHISQAN DEUTEROCANONICAL

²⁸ Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

DIOSPA QHELQACHISQ

²⁸ Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Jeremías 46:28 Referans Kwoze

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

1 Corintios 11:32

Juchachasqas kanchej chayqa, Señor jasut'iwanchej, ama mundowan khuska wañuyman rinanchejpaj.

Jeremías 30:11

Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

Jeremías 10:24

Jasut'iwayku, yachachiwayku, cheqan kasqaykiman jina. Señor, amataj phiñakuywanchu, manachayqa wañuchiwaykumanchari.

Jeremías 4:27

Señorqa nin: Tukuy jallp'antin q'arasqa kanqa, chaywampis mana tukuynintapunichu chinkachisaj.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

Habacuc 3:2

Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

Daniel (hebreo) 2:35

Chay rato ujllata chay fierropis, t'urupis, broncepis, qolqepis, qoripis ñut'usqas karqanku, imaynatachus chajra oqharina tiempopi trigo trillakojtin q'oshñilla jatarin ajinata. Chanta wayrataj oqharerqa mana imata puchuchispa. Lantita t'unaykorqa chay rumitajrí, uj jatun orqoman tukorqa, tukuynin jallp'amantaj junt'aykorqa.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 1:19

Paykunaqa qanwan maqanakusonqanku, manataj atipasonqankuchu, imaraykuchus qanwan noqa kasaj jark'asunaypaj. Noqa Señor chayta nini.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

Jeremías 15:20

Noqa kay ayllupaj bronce perqata jina churasqayki. Maqanakusonqanku chaypis, mana atipasonqankuchu, imaraykuchus noqa qanwan salvasunaypaj kashani, kacharichisunaypajtaj. Noqa Señor chayta niyki, noqa kacharichisqayki sajra runaspa atiyninmanta, nispa.

Jeremías 5:18

Señorqa nillantaj: Chaywampis chay p'unchaykunapeqa mana tukuynintachu phirisaj.

Jeremías 5:10

Enemigosninkutaj yaykuchunku, huertasninkutataj q'arachunku. Amapis tukuyninkutachu q'arachunku. Ramasninta k'ajllarachunku, imaraykuchus chay uvas sach'asqa manaña noqajtachu.

Isaías 45:23

Noqa kikiy juramentota ruwani, kikin simiymanta llojsin imatachus cheqanta ruwanay. Chay nisqayqa junt'akonqapuni. Chaytaj kay jina: Noqaman tukuypis qonqorikuwanqanku, sutiypitaj juraspa noqamanta nenqanku:

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Isaías 27:7

Diosqa mana Israeltaqa jasut'inchu, imaynatachus ñak'arichejkunasninta jasut'ej ajinataqa. Manataj israelitastaqa wañuchinchu, imaynatachus paykunata wañuchej kanku ajinataqa.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Josué 1:5

Tukuy kausayniykipi mana pipis atipasonqachu. Noqa qanwan kasaj, imaynatachus Moiseswan karqani ajinata, manataj ni jayk'ajpis sapaykita saqesqaykichu.

2 Timoteo 4:17

Chaywampis, Señor noqawan karqa, kallpachawarqataj evangeliota allinta willanaypaj, tukuy mana judiostaj uyarinankupaj. Ajinamanta Señorqa leompa siminmanta kacharichiwarqa.

Hechos 18:10

Noqamin qanwan kashani. Manataj pipis imanasonqachu. Kay llajtapeqa ashkhas kanku noqapi creejkuna.

Isaías 44:1

Kunanqa Jacobpa ayllun Israel, ajllakusqay kamachíy, uyariway ari.

Jeremías 23:4

Michejkunatataj qhawapunawankupaj churasaj, mana imatapis manchachikunankupaj, nitaj imamanta pisichikunankupaj. Noqa Señor chayta nini.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Jeremías 51:46

Ama mancharikuychejchu, nitaj sustullikuychejchu, kay jallp'api tukuy laya ch'ajwaykunas kasqanmanta. Sapa wata uj jina uj jinataj ch'ajwaykunasqa kanqanku, chay jallp'api millay ñak'arichinakuykunas kasqanmanta, jinataj kamachejkunapura maqanakusqasninkumanta.