Jeremías 46:27 - Qheshwa Biblia DC

²⁷ Kamachiy Jacobpa ayllun, ama mancharikuychu. Ama manchachikuychu, Israel. Qanta jinataj wawasniykitapis noqa kacharichisaj chay karu jallp'aspi wijch'usqas kashanku chaymanta. Watejmanta sonqo tiyasqa kausakunki ni pejpa nisqan.

DIOSPA QHELQACHISQAN DEUTEROCANONICAL

²⁷ Kamachiy Jacob, ama mancharikuychu. Israelníy, ama llawch'iyaychu. Qanwan, wawaykikunawanpis karu suyuman apasqa karqankichej. Noqatajrí chaymanta pusakampusqaykichej. Watej ni pejpa mancharichisqan allinta kawsakunki.

DIOSPA QHELQACHISQ

²⁷ Kamachiy Jacob, ama mancharikuychu. Israelníy, ama llawch'iyaychu. Qanwan, wawaykikunawanpis karu suyuman apasqa karqankichej. Noqatajrí chaymanta pusakampusqaykichej. Watej ni pejpa mancharichisqan allinta kawsakunki.

Jeremías 46:27 Referans Kwoze

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Jeremías 50:19

Israel aylluy jallp'anman kutipunanta saqesaj, imaynatachus ovejapaj ashkha pastos tiyan ajina, Carmelopi, Basami, Efraimpa orqosnimpi, Galaadpi ima.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Amós 9:14

Chaymanta karu llajtaman wijch'usqamanta Israel aylluyta pusakampusaj. Watejmanta sayarichenqanku t'unasqa llajtankuta, chaypitaj tiyakonqanku; watejmanta uvaskunata plantanqanku, vinotataj ujyanqanku. Chaymanta huertasta ruwanqanku, chaykunapi poqojtataj mikhonqanku.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Ezequiel 36:24

Qankunataqa noqa waj llajtasmanta orqhomusqaykichej, tukuy jallp'asmanta tantaykuspataj jallp'aykichejman kutirichisqaykichej.

Isaías 14:3

Israel ayllu, maypachachus Señor samarikuyta qosojtin chay jinata ñak'arisqaykimanta, phutikusqaykimanta, chay jina sinch'i llank'aymanta ima, chaypachaqa, kay jina asikuna palabrasta Babilonia reypa contranta ninki: Qhawariychej ñak'arichejqa imapichus rikhurisqanta, runaykachajqa imaynatachus tukukusqanta.

Isaías 44:1

Kunanqa Jacobpa ayllun Israel, ajllakusqay kamachíy, uyariway ari.

Jeremías 51:46

Ama mancharikuychejchu, nitaj sustullikuychejchu, kay jallp'api tukuy laya ch'ajwaykunas kasqanmanta. Sapa wata uj jina uj jinataj ch'ajwaykunasqa kanqanku, chay jallp'api millay ñak'arichinakuykunas kasqanmanta, jinataj kamachejkunapura maqanakusqasninkumanta.

Ezequiel 16:53

Sodoma llajtata, chantá Samaria llajtata imaqa mana allin kausayman kutirichipusaj, jinallataj ranchosnintapis. Qanmampis allin kausayta kutichipusqayki ujtawan, jap'isqa kajkunata kutichimpuspa.