Jeremías 46:21 - Qheshwa Biblia DC

²¹ Pagasqa soldadosnimpis waka uñas jina wirasllataj kanku, jinapis paykunaqa usqhay usqhayllata ayqenqanku manaña sayayta atispa. Ñak'arichisqas kanankoqa chayamunña, jasut'isqas kananku chay ratopis.

DIOSPA QHELQACHISQAN DEUTEROCANONICAL

²¹ Mink'asqa soldadonkunapis waka uña jina wirayasqa kanku, paykunapis usqhay usqhayllata mana sayarispa ayqenqanku. Atipasqa kanankoqa chayamunña, chay p'unchaypitaj jasut'isqa kanqanku.

DIOSPA QHELQACHISQ

²¹ Mink'asqa soldadonkunapis waka uña jina wirayasqa kanku, paykunapis usqhay usqhayllata mana sayarispa ayqenqanku. Atipasqa kanankoqa chayamunña, chay p'unchaypitaj jasut'isqa kanqanku.

Jeremías 46:21 Referans Kwoze

Jeremías 46:5

Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

2 Reyes 7:6

Imaraykuchus siriospa jarankupi Señorqa uyarichisqa ashkha soldadospa purisqanta jina, ashkha caballosta, carretasta ima, chayrayku paykunaqa yuyarqanku: Kaytaqa israelitaschá kachaykamushawanchej hititasta, Egiptomanta reyestawan paykunaman pagaykuspa noqanchejpa contranchejpi jamunankupaj.

Miqueas 7:4

Paykuna ukhumanta allimpaj qhawasqa kajqa uj khiska jinamin; aswan honrado kajpis uj itapallu jina. Jinapis jamun uj p'unchay chayman jina jasut'isqas kananku, chay qhawaj chayta nerqaña jamunanta chay p'unchay. Chaypacha paykuna ukhupi q'ala ch'ipanaku kanqa.

Abdías 1:13

Nillataj qhapaj kaykunasninta suwanaykichu karqa chay sinch'i ñak'ariy p'unchay payman chayajtenqa.

Amós 6:4

Marfilmanta ruwasqa k'ancharishaj sirinaspi winkurinkichej, fiestachakunaykichejpi sumajta mast'arikunkichej; mikhunasta wakichinkichej malta ovejasmanta, wira kaj ternero wakasmantawan.

Oseas 9:7

Chayamunkuña jasut'ina p'unchaykunaqa! Ña chayamunkuña ruwasqankuman jina pagana p'unchaykunaqa! Israelpis yachanqa chay p'unchaykuna chayamusqankuta! Qankuna ninkichej: Profetaqa wampu, yuyaychasqa runapis ancha uman muyusqa, nispa. Pero chay tukuyta ninkichej juchawan junt'as kasqaykichejrayku, jinataj jatun phiñakuywan junt'as kasqaykichejrayku.

Jeremías 50:27

Tukuy soldadosninta wañuchiychej, wañuchina cheqaman apaychej. Paykunapajqa uj llakiy, p'unchayninku chayamun jasut'ichikunanku rato.

Isaías 34:7

Chay runaswan khuska wañonqanku búfalos, toros, waka uñas ima. Chay jallp'aqa chay yawarwan ch'aranchasqa kanqa, wirawan qhosqochasqataj kanqa.

Salmos 37:13

Señortaj paymanta asikun, imaraykuchus yachan sajrapajqa horan chayamusqantaña.

2 Samuel 10:6

Amonitasqa yacharqanku Davidqa paykunapaj phiñasqa kasqanta, chayrayku qolqewan mink'akorqanku iskay chunka waranqata siriosmanta kaj soldadosta, Bet-rehobpi kajkunamanta, chantá Sobapi kajkunamantawan. Mink'akullarqankutaj Maacamanta reypa waranqa soldadosninta, Is-tobmantataj chunka iskayniyoj waranqata.

Ezequiel 35:5

Israel ayllupaj wiñay enemigon karqanki, paykunata may llakiypi kashajtinku maqaykorqankichej, juchasninkumanta jasut'isqa kashajtinku.

Jeremías 50:11

Qankuna caldeos, aylluyta ch'uskirarqankichej chaykuna kusikuychej, asirikuychejtaj. Waka uña jina q'omer pampaspi sink'uriychej. Caballos jinataj qhapariychej.

Jeremías 46:9

Caballospi rejkuna ñaupajman richunku. Carretaspi kajkuna ñaupajman riychej. Maqanakojkuna puririchunku. Etiopiamanta, Libiamantawan escudoswan wakisqa soldados kajkuna, Libiamanta kaj soldados, wach'inasta allinta apaykachajkunapis.

Jeremías 18:17

Inti llojsimuynejmanta wayra jina noqaqa Israelta ch'eqerachisaj; enemigosnimpa ñaupaqenta ayqechispa. Noqa paykunaman wasayta kutirisaj, manataj uyaytachu, maypachachus jasut'inay p'unchay chayamonqa chaypacha.

Isaías 10:3

Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

Proverbios 15:17

Aswan allin q'omerkunata munakuywan mikhunaqa, sumaj aychata phiñasqalla mikhunamantaqa.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

San Mateo 22:4

Ujtawan waj kamachisnintañataj kacharqa, nispa: Tukuy ima wakichisqaña, jamullachunkuña; wira uywasta, wira torosta ima ñak'achiniña. Chayrayku jamullachunkuña jatun mikhuyman.

Jeremías 46:22

Egiptoqa katari jina silbashaj ayqenqa soldados qayllaykamojtinkukama, sach'asta k'utojkunapis kankuman jina jamojtinku.

Jeremías 48:44

Pichus chay jap'ejkunamanta ayqekojqa t'oqoman urmaykonqa, pichus t'oqomanta llojsimojrí tojllamanñataj urmaykonqa, imaraykuchus noqa Moabpa patanman chay jasut'ikunan tiempota apachimusaj.

Jeremías 49:8

Dedampi tiyakojkuna usqhay usqhayta ayqeychej. Rispa sumajta pakakamuychej, imaraykuchus Esaój ayllunta chinkachisaj, jasut'inay p'unchayqa chayamunña.

Ezequiel 30:22

Chayrayku, Señorqa kay jinata nin: Egiptoj rey faraompa contranta sayarini. Iskaynin makisninta p'akirasaj sano kajta, chantá p'akisqa karqa chaytawan. Ajinamanta espadata makinmanta kacharichisaj.