Jeremías 46:10 - Qheshwa Biblia DC

¹⁰ Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

DIOSPA QHELQACHISQAN DEUTEROCANONICAL

¹⁰ Chaymin Tukuy Atiyniyoj Tata Diospa p'unchaynin kanqa, chay p'unchaypitaj tukuy awqankunawan pagachikonqa. Espadaqa manaña atinankama t'ojsenqa, paykunaj yawarninkupitaj wayt'anqa. Tukuy Atiyniyoj Tata Dios wichaynej suyupi, Éufrates mayu qayllapi, soldadokunata wañurachenqa.

DIOSPA QHELQACHISQ

¹⁰ Chaymin Tukuy Atiyniyoj Tata Diospa p'unchaynin kanqa, chay p'unchaypitaj tukuy awqankunawan pagachikonqa. Espadaqa manaña atinankama t'ojsenqa, paykunaj yawarninkupitaj wayt'anqa. Tukuy Atiyniyoj Tata Dios wichaynej suyupi, Éufrates mayu qayllapi, soldadokunata wañurachenqa.

Jeremías 46:10 Referans Kwoze

Deuteronomio 32:42

T'ojsinasniyta yawarman chhapusaj. Espadayqa aychawan sajsakonqa. Wañusqaspa yawarninman, presochasqaspa yawarninman ima chhapusaj. Espadayqa enemigosniypa umasninkuwan sajsakonqa.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Jeremías 46:2

Kaymin karqa Egiptoman chay willayqa, astawanqa Egiptomanta rey faraón Necaopa soldadosninman jina, chaypacha Eufrates mayu qayllapi kasharqanku chay Carquemis llajtapi, paytamari Babiloniamanta rey Nabucodonosorqa atipaykorqa Josiaspa wawan Judamanta rey Joacim tawa watastaña kamachishajtin.

Jeremías 46:6

Mana chay sinch'i chakispis ayqeyta atinkuchu, aswan kallpayojkunasnimpis manallataj ayqeyta atinkuchu. Patanejpi Eufrates mayu qayllaspi misk'akunku, urmankutaj.

Joel 2:1

Sión orqopi putututa waqachiychej. Señorpata kaj llimphu orqompi sinch'ita putututa waqarichiychej. Judá llajtapi tiyakoj runas tukuyniykichej kharkatitiychej. Imaraykuchus, Señorpa p'unchaynenqa qayllapiña kashan.

Jeremías 51:6

Babiloniamanta ayqeychej. Pipis atejqa ayqechun. Ama wañuychejchu Babiloniaj juchasninraykoqa. Kaymin ayni kutichinay ratoqa, imatachus ruwasqanman jinataj qopusaj.

Jeremías 50:15

Tukuynejpi maqanakunapaj jina qhapariykunasta uyarichiychej. Babilonia atipakunña. Torresnin, perqasnimpis thuñiykukunku. Kaymin ayni kutichisqayqa. Paymanta astawan aynita kutichiychej. Imaynatachus chay nacionestawan pay ruwarqa ajinata ruwaychej.

Isaías 63:4

Mayk'ajchus ayni kutichinayqa sonqoypiña karqa, t'ustita ruwanay p'unchayqa chayamun.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

2 Reyes 24:7

Egiptomanta reytaj manañapuni jallp'amanta ujtawampis llojserqachu, imaraykuchus Babiloniamanta reyqa paypa kajta Egipto mayumantapacha Eufrates mayukama jap'ikaporqa.

Isaías 61:2

Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

Job 24:1

Tukuy Atiyniyojmanta tiempospis mana pakasqa kajtenqa, imaraykutaj payta rejsejkunaqa ima diaschus ruwanantaqa mana yachankuchuri?

Isaías 31:8

Chaypacha Asiriaqa maqanakupi tukuchisqa kanqa, manataj runaj espadanwanchu. Asiriosqa maqanakumanta ayqenqa, sumachaj maqanakoj wayna runasninkupis presochasqas kanqanku.

Jeremías 12:12

Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

Jeremías 46:14

Willaraychej Egiptopi, Migdolpi, Menfispi, Tafnespipis: Qhawaychej, wakichisqas kaychej. Espadaqa muyuyniykichejpi t'ustita ruwaran.

Jeremías 50:18

Chayrayku, noqa Tukuy Atiyniyoj Señor Israelpa Diosnin nini: Babiloniamanta reyta noqa jasut'isaj, jinataj nacionestapis, imaynatachus Asiriamanta reyta jasut'erqani, ajinata.

Ezequiel 21:28

Runa, imaschus sutiypi jamunankumanta willaray; chay amonitasman niy: Israelpa contranta parlanku chay amonitaspa contranta Señorqa kay jinata nin: Espadaqa jallp'amanta orqhosqaña kashan amonita runasta ruwarachinampaj, llosq'ochasqataj lliphipirinampaj t'unaykunampajtaj.

Zacarías 6:6

Yana caballoswan aysasqa carroqa rishan norte ladoman, yuraj caballoswan aysasqa carrotaj rishan inti yaykuy ladoman, puka caballos aysasqan carrotaj risharqa sur ladoman, nispa.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;