Jeremías 44:26 - Qheshwa Biblia DC

²⁶ Tukuyniykichej Judamanta kaj runas Egiptopi tiyakojkuna Señorpa nisqanta uyariychej: Jatun sutiyrayku jurani, manaña pipis Judamanta kajkunaqa manaña ujtawan parlanqachu tukuynin Egipto jallp'api sutiyta oqharenqankuchu, Señorpa sutinrayku, nispaqa.

DIOSPA QHELQACHISQAN DEUTEROCANONICAL

²⁶ Chaywanpis Egiptopi tiyakoj Judamanta kajkuna, tukuyniykichej noqa Tata Diospa nisqayta uyariychej: Jatun sutiyrayku kayta tiluni: Judamanta Egiptopi tiyakojkuna manaña ujtawan sutiyta oqharenqankuchu, Diosninkupaj rejsikapuwaspa, nitaj tilonqankuchu: Tukuyta Kamachej Tata Diospa sutinrayku tiluni, nispaqa.

DIOSPA QHELQACHISQ

²⁶ Chaywanpis Egiptopi tiyakoj Judamanta kajkuna, tukuyniykichej noqa Tata Diospa nisqayta uyariychej: Jatun sutiyrayku kayta tiluni: Judamanta Egiptopi tiyakojkuna manaña ujtawan sutiyta oqharenqankuchu, Diosninkupaj rejsikapuwaspa, nitaj tilonqankuchu: Tukuyta Kamachej Tata Diospa sutinrayku tiluni, nispaqa.

Jeremías 44:26 Referans Kwoze

Hebreos 6:13

Diosqa qosqayki nishajtin Abrahamman, mana jatun sutirayku jurayta atispa, pay kikin sutimpi jurarqa, nerqataj: Cheqamanta yanapaywan junt'achisqayki, mirachisqaykitaj ashkhata.

Ezequiel 20:39

Israel ayllu, kay jinata qankunaman Señorqa nisunkichej: Sichus noqata qankuna mana kasuwankichejchu chayqa, sapa ujniykichej lantisniykichejpa qhepanta ripuychej, paykunata yupaychamuychej. Ama llimphu sutiytaqa ch'ichichaychejchu rikuchikusniykichejta jaywaspa, nitaj lantisniykichejta yupaychaspapis.

Salmos 50:16

Sajra kajtaqa Dios nin: Imaraykutaj qan kamachisqasniymanta parlanayki tiyanri? Imaraykutaj trato ruwasqaytapis ninayki tiyanri?

Amós 6:8

Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.

Jeremías 5:2

Señorpa kausayninrayku jurajkunapis, llullakuspa juranku.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

Hebreos 3:18

Pikunapajtaj Dios jurarqa, samakuyninman mana yaykunankutari? Manachu chay mana kasukojkunapaj?

Amós 8:7

Señortaj juran Jacobpa jatun kayninrayku: Mana jayk'ajpis qonqasajchu kay jinatapuni ruwasqankutaqa, nispa.

Amós 6:10

Imayna jatun manchachikuychus kanqapis, chayrayku mayqen wañusqajtapis ayllun wasi ukhumanta jawaman orqhomojtin, uj nenqa chay ukhupi purejta: Tiyanchu pipis qanwan khuska purej? Chay ujtaj nenqa: Mana; ñaupaj kajtaj nenqa: Ch'in kakuy, pajtá Señorpa sutinta oqharishawaj, nispa.

Jeremías 46:18

Noqa rey kani, sutiytaj Tukuy Atiyniyoj Señor, kausayniyrayku juraykichej: Tabor jina, tukuy orqosmanta aswan jatun kaj, Carmelo orqotaj mar qocha cantopi aswan oqharisqa, ajinatamin jamushan chay enemigoqa.

Jeremías 22:5

Manachus kay nisqasniyta junt'ankichej chayqa, kay palaciotapis raqaykunasllaman tukuchisaj. Noqa Señor chayta nini.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Isaías 62:8

Señorqa paña makimpa atiyninwan juraspa nerqa: Mana jayk'ajpis enemigosniykiman trigoykitaqa mikhuchisajchu, manataj waj runaspis llank'asqayki vinotaqa ujyanqankuchu.

Salmos 89:34

Trato ruwasqaytaqa manapuni p'akisajchu, palabrayta junt'asajpuni.

Números 14:28

Paykunaman niychej: Noqa kausaj Dios noqarayku jurani, qankuna imatachus nisqaykichejta uyarisqayman jina ruwasaj.

Jeremías 24:8

Judamanta rey Sedequiasta, kurajkunasninta, Jerusalempi qhepakojkunata, chay waj tiyakojkunata, Egiptopi tiyakojkunatawan, chay mikhunapaj mana allinchu kaj higosta jina qhawasaj, chaykunaqa mikhunapaj mana allinchu kanku.

Jeremías 44:24

Chaywampis Jeremiasqa tukuy aylluman nerqa, astawanqa warmisman: Uyariychej, tukuy qankunapaj kay Señorpa willayninta, Judá ayllumanta runas Egiptopi tiyakojkuna uyariychej.

Jeremías 49:13

Noqa Señor sutiyrayku juraykichej: Bosra llajtaqa ch'impacha qhepakonqa, wajkuna manchachikunankupaj k'umuykachachisqa, jinataj maldicisqa kanqa. Chay waj llajtastaj wiñaypaj raqaykunasllaña qhepakonqanku.

Oseas 4:15

Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

Jeremías 44:11

Chayrayku noqa Israelpa Tukuy Atiyniyoj Señor Diosnin niykichej: Qankunaj pataykichejman sajra kajkunata apachimusaj, jinallataj tukuy Judata chinkachinayta nini.

Jeremías 44:14

Puchoj judíos, Egiptoman tiyakoj ripojkunamanta mana ujllapis ayqeyta atenqankuchu Judaman mayta kutipuyta munashaspapis. Jinamanta manapuni tiyakapoj kutiponqankuchu, manachayqa pisislla chay ayqekojkunamanta kutenqanku.

Jeremías 51:14

Tukuy Atiyniyoj Señorqa kausayninrayku juran: Enemigosniykiwan, langostaswan jina junt'aykuchisqayki, paykunataj qanta atipaykususqankurayku tarikonqanku, nispa.