Jeremías 44:23 - Qheshwa Biblia DC

²³ Kay sajra ñak'areyqa waj dioskunaman inciensota q'osñichisqaykichejrayku jamushasunkichej, jinamanta Señorpa contrampi juchallispa mana paypa yachachiykunasninta, leykunasnintapis kasusqaykichejrayku, nitaj nisqasninta junt'asqaykichejrayku ima.

DIOSPA QHELQACHISQAN DEUTEROCANONICAL

²³ Kay llakiypi ñak'areyqa waj dioskunaman inciensota q'oshñichisqaykichejrayku qhatirisunkichej, imaraykuchus qankuna Tata Diospa nisqanta, chantá kamachisqanta ima mana kasorqankichejchu, nispa.

DIOSPA QHELQACHISQ

²³ Kay llakiypi ñak'areyqa waj dioskunaman inciensota q'oshñichisqaykichejrayku qhatirisunkichej, imaraykuchus qankuna Tata Diospa nisqanta, chantá kamachisqanta ima mana kasorqankichejchu, nispa.

Jeremías 44:23 Referans Kwoze

1 Reyes 9:9

Nenqankutaj: Paykunaqa ñaupa tatasninkuta Egiptomanta orqhomorqa chay Señor Diosninkuta saqerparisqankurayku, waj dioskunaman makisninkuta oqharispa, qonqorikuspa yupaychaspataj, chaymantamá Señorqa paykunaman kay tukuy sajra imasta apachimun.

Salmos 119:150

Sajra runas qhatiykachawajkuna muyuykuwanku; paykunaqa kamachisqasniykimanta karupi kashanku.

Nehemías 13:18

Kay kikillantataj ñaupa tatasniykichejqa ruwarqanku. Chayraykutaj Diosninchejqa chay chhika llakiykunasta patanchejman apamuwarqanchej, jinataj kay llajtamampis. Astawanrajchu Diostaqa Israelpa contrampi phiñachiyta munashankichej samakuna p'unchayta ch'ichichasqaykichejwan?, nispa.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

1 Corintios 10:20

Noqa nini, gentilesqa uywa wañuchisqasta supaykunaman jaywanku, manataj Diosmanchu. Noqaqa mana munanichu supaykunawan kanaykichejta.

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Jeremías 44:18

Maypachachus inciensosta, vinota chay Cielomanta Reinaman jaywayta saqerqayku chaymantapacha tukuy imas pisiwayku, runasniykupis yarqhaypitaj, maqanakupitaj wañuranku.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

Salmos 119:155

Sajra runasqa yanapayniykimanta karupi kashanku, kamachisqasniykita mana junt'asqankurayku.

Salmos 78:56

Paykunataj patapi kaj Diosta pruebaman churaspa phiñacherqanku, kamachisqasnintapis mana kasorqankuchu.

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Salmos 78:10

Dioswan trato ruwasqankuta mana waqaycharqankuchu, nitaj yachachisqasnintapis junt'ayta munarqankuchu.

Salmos 119:136

Waqay mayus ñawisniymanta llojsin, kamachisqasniyki mana junt'akusqanrayku.

Jeremías 26:4

Niy noqa Señor kayta nisqayta, manachus nisqasniyta ruwawajchej, yachachiykunasniytapis chayqa, nillataj kasuwajchejchu kamachisniy profetasniypa k'amisqasninkuta, pistachus qhepan qhepanta kachamuykichej, qankunataj mana kasorqankichejchu.

Jeremías 44:3

Chay millay juchasta ruwasqasninkurayku, phiñachiwarqanku waj dioskunasllata yupaychaspa, inciensosta q'osñichispa; chay dioskunaqa mana imatapis ruwanankuchu karqa, paykunawan qankunawan, nitaj ñaupa tatasniykichejwampis.

Jeremías 44:10

Kunankama qankunaqa mana saqenkichejchu sajra puriyniykichejta, nitaj manchachikuyniykichejpis kanchu, nitaj yachachisqasta, nitaj leykunastapis junt'ankichejchu, qankunaman, jinataj ñaupa tatasniykichejmampis qorqani chaykunata ima.

2 Reyes 17:15

Señorpa nisqanta qhesacharqanku ñaupa tatasninkuwan trato ruwasqanta, tukuy kamachisqantawan qhesacharqanku, qhasi mana kaj lantista qhatispa, qhasi mana kajman tukorqanku, paykunaj qayllankupi kaj nacionespa ruwasqankuta ruwaspa. Chaykunamanta Señorqa ñaupajtaña nisqa, ama paykuna jina ruwanankuta.

Daniel (hebreo) 9:13

Tukuy kay jasut'eqa chayamuwayku, Moisespa leynimpi qelqasqa kasqanman jina. Noqaykurí, mana mask'asorqaykuchu, Señor Diosniyku, manataj sajra kausayniykuta saqerqaykuchu, nillataj cheqa kajtapis qhaterqaykuchu.