Jeremías 44:19 - Qheshwa Biblia DC

¹⁹ Chayman warmis yaparqanku: Noqaykoqa t'antasta ruwaj kayku chay Cielomanta Reina nisqaj sutimpi lantinman rijch'akojta, inciensosta jaywaj kayku, vinomanta rikuchikustapis jaywaj kayku. Chay tukuytaqa qosasniykoj yachasqan ruwayku.

DIOSPA QHELQACHISQAN DEUTEROCANONICAL

¹⁹ Warmikunapis nillarqankutaj: Noqaykoqa Janaj Pachaj Qoyanpa sutinpi payman rijch'akojta t'antata ruwaj kayku. Inciensotapis q'oshñichej kayku, vinowantaj ch'allaykoj kayku. Chay tukuytaqa qosaykoj yachasqan ruwaj kayku, nispa.

DIOSPA QHELQACHISQ

¹⁹ Warmikunapis nillarqankutaj: Noqaykoqa Janaj Pachaj Qoyanpa sutinpi payman rijch'akojta t'antata ruwaj kayku. Inciensotapis q'oshñichej kayku, vinowantaj ch'allaykoj kayku. Chay tukuytaqa qosaykoj yachasqan ruwaj kayku, nispa.

Jeremías 44:19 Referans Kwoze

Jeremías 7:18

Wawasqa llant'ata pallanku, tatas kajkunataj ninata jap'ichinku, warmis kajkunataj jak'u masata ñat'unku tortillata ruwanankupaj, chay cieloj reinan ninku chay diosaman jaywanankupaj. Chaywan phiñachiwankichej, jinallataj chay mana rejsisqa dioskunaman vinota jaywasqaykichejwan.

Jeremías 44:15

Chantá tukuy runas, warmisninku inciensosta waj dioskunaman q'osñichisqankuta yachajkuna, chaypi tukuy warmis kajkuna, jinataj Judamanta runaspis Egiptopi Patros chaynejpi tiyakojkuna ima ashkhas tantaykukuspa Jeremiasman kuticherqanku: Señorpa willachimuwasqaykuta mana kasusqaykuchu.

2 Crónicas 21:6

Payqa qhatirerqa Israelpa reykunasnimpa kausayninta, jinataj Acabpa ayllunmantapis, warmenqa Acabpa ayllunmanta kasqanrayku. Jinamanta paypa ruwasqasnenqa mana allinchu karqa Señorpa rikuynimpeqa.

1 Reyes 21:25

Cheqamantapuni mana ujpis karqachu Acab jinaqa sajrallatapuni ruwaspa Señorpa ñaupaqempi enqhaykukojqa; imaraykuchus Jezabel warmin paytaqa ruwachicherqa.

Génesis 3:6

Warmitaj sach'ata qhawarerqa mikhunapaj jina moq'eyta. Jinallataj chayta mikhuykuspa imatapis yachanapaj jina. Ujnin poqoyninta p'itispataj mikhuykorqa; qosanmampis jaywarqa, paypis mikhuykullarqataj.

Proverbios 11:21

Cheqamanta sajra runaqa jasut'isqapuni kanqa; cheqanta ruwajkunarí mana jasut'isqachu kanqanku.

Jeremías 44:20

Chaypacha Jeremiasqa kuticherqa, tukuy qharisman, warmisman, chay jinata kutichisqankumanta: Qankunaqa yuyankichejchu kay tukuyta Señorqa mana yachasqanta, chayri qonqapusqantapis, ñaupa tatasniykichej, kurajkunasniykichej, jinata tukuy aylluntin inciensosta waj dioskunaman jaywasqaykichejta chay Judá llajtapi Jerusalén callespipis?

Números 30:8

Sichus yachaytawan qosan mana munanchu chayta ruwananta chayqa, manaña junt'ayta atinchu imatachus qosaj nisqanta, nitaj imatachus ruwasaj nisqantapis. Señorpis manallataj junt'anantapunichu nin.

Números 30:12

Sichus qosan yachaytawan mana munanchu chayta ruwananta chayqa, mana Señorqa ninchu junt'anantapuni, imaraykuchus qosanqa chayta mana yachanchu. Señorpis manallataj junt'anantapunichu nenqa.