Biblia Todo Logo
Bib sou entènèt

- Piblisite -




Jeremías 43:12 - Qheshwa Biblia DC

12 Egiptopi Diosta yupaychana wasisman payqa ninata jap'iykuchenqa, dioskunasninkutataj presospis kankuman jina apakaponqanku. Egiptomanta pichanqa, imaynatachus uj michejqa p'achasninmanta usasninta pallan ajina, chaymantataj riponqa mana pejpa jark'asqan.

Gade chapit la Kopi

DIOSPA QHELQACHISQAN DEUTEROCANONICAL

12 Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

Gade chapit la Kopi

DIOSPA QHELQACHISQ

12 Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

Gade chapit la Kopi




Jeremías 43:12
36 Referans Kwoze  

Señorqa kay jinata nin: Menfis llajtaj qhasi mana kaj dioskunasninkuta tukuyninta t'unaykusaj. Egipto jallp'apeqa manaña astawan kamachejqa kanqañachu. Jallp'aqa manchachikuyllawan junt'asqa kanqanku.


Umaykita oqharispa muyuyniykita qhawariy; runasniyki tukuynejmanta tantaykukuspa jamusunku. Señorqa nin: Noqa kausayniyrayku nini. Chay tukuyninkuwan qanqa novia p'achaswan jina sumajta p'achallikunki, chaykunawantaj sumaj k'achanchasqa kanki.


Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.


Moab, qanqa kallpallaykipi atienekorqanki, jinataj qhapaj kaynillaykipi, jinapis qampis jap'isqallataj kanki. Quemós diosniykeqa waj llajtaman wijch'usqa kanqa sacerdotesninwan khuska, sumachaj runasninwan ima.


Israelpa Tukuy Atiyniyoj Señor Diosnin nin: Amonta, Tebaspa diosninta, Egiptota dioskunasnintinta, reykunasnintapis jasut'isaj, faraonta, chanta paypi atienekojkunatapis.


K'anchaywan qhatasqa jina kanki. Janaj pachata uj toldota jina sayachinki.


Jina kajtenqa jatun kaywan, sumajpaj qhawasqa kaywan ima p'achallikuy. Jatunchasqa kaywan, k'achapaj qhawasqa kaywan ima khatakuy.


Chaypachaqa caballotawan ima, reypa mayqen kamachinchus aswan kuraj kaj kashan chayman jaywachunku. Chay runataj p'achallichichun, pitachus reyqa jatunchayta munan chay runaman, reypa caballonman lloq'aykuchispataj plazanta muyurichimuchun, ñaupaqentataj richun sinch'ita qhaparispa. Ajina ruwasqa kachun pitachus reyqa jatunchayta munan chay runawanqa.


Chay jawari filisteosqa lantisninkuta saqerpayarqanku, Davidwan runasninwantaj chaykunata oqharerqanku.


Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,


Kay tukuy imasmanta astawanqa, munakuywan p'achawan jina p'achallikuychej, imaraykuchus chayqa allinman tukuyta ujllaman tukuchin.


Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.


Diospa maqanakunasninwan, p'achawan jina p'achallikuychej; chaykunawantaj, supay urmachiyta munasojtiykichej sinch'ita sayanaykichejpaj.


Chay mosoj runamanta p'achawan jina p'achallikuychej; mayqenchus Diosman jina ruwasqa karqa, cheqan kaypi, llimphu kaypi, cheqa kaypitaj.


Tutaqa tukukapushanña, p'unchaytaj qayllamushan. Chayrayku amaña ruwanachu laqhayaypa ruwanasninta, astawanqa Diospa k'anchaynimpa maqanakunasninwan p'achallikuna.


Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.


Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.


Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.


Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.


Karu llajtayojkuna ovejasniykichejta michenqanku, llank'anasniykichejta llank'anqanku, jinallataj uva chajrasniykichejtapis qhawanqanku.


Cheqan kaywan sumajta p'achallikorqa, salvación monterata umanman churakorqa. Maqanakuna p'achastawan churakorqa. Payllata munayninwan p'achawan jina qhataykukorqa.


Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.


Bel diosqa urman, Nebo diospis pampaman wijch'usqa kashan. Lantisninkoqa mulaspi chajnasqas rinku llasa q'epis jina, sayk'usqa burroswampis apachishawajchej jina.


Ashkha runasta caballospi montasqasta iskaymanta iskay jamushajta rikorqani. Chaymantataj nerqa: Babiloniaqa urmanña, urmanña, jinallataj lantisnimpis pampapi p'akirasqa rikhurin.


Enemigosninta p'enqaywan junt'achisaj, paytataj k'anchaywan junt'achisaj.


Sacerdotesninta salvacionwan p'achallichisaj. Diosta qhatejkunataj kusikuywan qhaparenqanku.


Chay dioskunaqa p'enqaywan wijch'ukunku, manataj salvakuytapis atinkuchu. Paykuna kikinku apachisqas, wijch'usqastaj kanku.


Phirillantaj Egiptopi intita yupaychana wasista, ninawantaj lanti yupaychana wasista kanaykonqa.


Damasco llajtaj perqasninman ninata jap'iykuchisaj, chay ninataj Ben-adadpa palaciosninta q'olaykuspa tukuchenqa.


Chay jallp'apeqa mana runaspis, nitaj uywaspis saruykonqañachu. Tawa chunka watas junt'ata manapuni pi runapis tiyakonqachu.


Astawampis, apakaponqa Egiptoman dioskunasninkuta, metalmanta ruwasqa lantisninkuta, qorimanta, qolqemanta ruwasqa valorniyoj imastawan. Unay watasta iskaynin naciones mana ch'ajwaspalla kanqanku.


Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.


Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.


Kunampis ajinallapuni kashan. Egiptomanta rey faraonmampis jaywallarqanitaj, jinallataj chay kamachisninman, kurajkunasninman, tukuy runasninmampis ujyachillarqanitaj.


Chaynejta Señorqa kay jinata nin: Egipto jallp'ataqa Babiloniamanta rey Nabucodonosorman qopusaj, kapuyninkutataj qhechuranqa, chay qhechusqanwantaj soldadosninman paganqa.


Swiv nou:

Piblisite


Piblisite