Jeremías 42:2 - Qheshwa Biblia DC

^2-3 Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

DIOSPA QHELQACHISQAN DEUTEROCANONICAL

² Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

DIOSPA QHELQACHISQ

² Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

Jeremías 42:2 Referans Kwoze

Jeremías 36:7

Ichapis Señormanta mañakunkuman, sajra puriykunasninkutataj saqenkuman. Señorpa k'ajaj phiñakuyninta ayllunman apachimusaj nisqanta. Chayqa manchay sinch'i manchachikunamin.

Levítico 26:22

Qankunaj jallp'asniykichejman apachimusaj sajra monte animalesta wawasniykichejta mikhunankupaj, uywasniykichejtapis tukuchinankupaj. Jinamanta qankunapis pisiyankichej, ñankunasniykichejpis ch'inllaña qhepakonqanku.

Santiago 5:16

Chayrayku, willanakuychej juchasniykichejta purajmanta. Ujkuna ujkunapaj Diosmanta mañakuychej thañisqas kanaykichejpaj; cheqan kaj runaj tukuy sonqo mañakuynenqa, sinch'i atiyniyoj.

Hechos 8:24

Simontaj nerqa: Qankuna Diosmanta mañaripuwaychej ama imapis kay nisqaykichejmanta chayamunawampaj.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Isaías 37:4

Ichapis Señor Diosniyki soldadosta kamachejpa palabrasninta uyarin ari; paytaqa Asiriaj reynin kachamun chaypi Kausaj Diospa contranta sajrata parlanampaj, noqanchejpa contranchejta ima. Ichapis Señor Diosniyki paykunata jasut'inman. Diosniykimanta mañapuwayku ari, kaypi mashkhachus puchunkuraj chaykunapaj.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.

1 Samuel 7:8

Chaymantataj Samuelman nerqanku: Señor Diosninchejmanta noqaykupaj mañapullawaykupuni ari, filisteospa atiyninmanta kacharichinawaykupaj.

Jeremías 37:20

Kunan wiraqochi reyníy, uyariway imatachus mañasusqayta: Ama saqeychu ujtawan chay qelqeriyki Jonatampa wasinman pusanawankuta, ama chaypi wañunaypaj.

Jeremías 37:3

Rey Sedequiastaj, Selemiaspa wawan Jucalta kacharqa, jinataj Maasiaspa wawan sacerdote Sofoniasta, Jeremiasta tapumunankupaj: Noqaykurayku Señor Diosninchejmanta mañapuwayku, nispa.

1 Reyes 13:6

Chanta kutichispa Diospa profetanman reyqa nerqa: Mañakuyki Señor Diosniykimanta mañapunawaykita thañinampaj noqaj makiy. Diospa runantaj Señormanta mañarqa, reypa makintaj thañiporqa imaynachus ñaupajta karqa jina.

Deuteronomio 28:62

Qankunaqa, israelitas, mana yupay atina estrellas jina kasqaykichejmantaqa pisiman tukunkichej Señor Diosniykichejta mana kasusqaykichejrayku.

Éxodo 8:28

Faraontaj nerqa: Noqa saqesqaykichej ch'in pampaman rispa Señor Diosniykichejman rikuchikuta jaywamojta, ama ancha karuman rinaykichej kajtenqa; chaypi noqapajpis mañapuwaychej.

San Mateo 24:22

Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.

Ezequiel 12:16

Ujkunata paykunamanta ayqechisaj, ch'ajwamanta, yarqhaymanta, onqoykunamanta ima, maymanchá renqanku chay nacionespi imaymana ruwasqanku p'enqaykunata willakunankupaj. Rejsiwanqankutaj noqa Señor kasqayta yachanankupaj.

Jeremías 42:20

Qankuna jatun pantakuyta ruwashankichej, qankunallataj niwarqankichej Señor Diosniykichejman qayllaykunayta, niwarqankichejta; Señor Diosniykumanta noqaykurayku mañaripuwayku, yachachiwaykutaj tukuy pay kamachiwasqasniykuta, chayman jina ruwanaykupaj, nispa.

Isaías 1:15

Qankuna mañakunaykichejpaj makisniykichejta oqharejtiykichej, mana qhawarisqaykichejchu; ashkha kutitapis mañakuychej, noqaqa mana uyarisqaykichejchu, imaraykuchus makisniykichejqa yawarwan may ch'ichichasqa.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

Deuteronomio 4:27

Señorqa tukuy nacionesman ch'eqerachisonqachej, uj chhikallaña qhepakunkichej chay jallp'aspi. Maykunamanchus Señor pusasonqachej, chaypitaj qankunaqa runaj makinwan ruwasqa dioskunata yupaychankichej, k'aspismanta, rumismanta ruwasqa lantista; mana rikojkunata, mana uyarejkunata, mana mikhojkunata, mana muskhejkunata ima.

Éxodo 9:28

Señormanta mañay ari, kay qhon qhonkuna, granizo ima thañinampaj; noqataj manaña astawan jark'asqaykichejchu llojsipunaykichejta.

Jeremías 15:11

Chay mañapuwasqasninku junt'akuchun Señor, sichus qanta mana allinta kasorqayki, jinataj chay enemigosniypaj mana mañakorqaykichu, khuyayta ñak'ariykunaspi, llakiykunaspitaj kashajtinku chayqa.

Jeremías 38:14

Rey Sedequiasqa kamacherqa profeta Jeremiasta ñaupaqenman pusanankuta, Diosta yupaychana wasej kinsa kaj punkunnejman. Chaypitaj payman reyqa nerqa: Uj imata tapusqayki, ama pakaspa sut'inta willaway.

Jeremías 40:15

Chaypacha Johanán Gedaliasman pakayllapi nerqa: Noqa rispa Ismaelta wañurpayachimusaj. Manataj pipis yachanqachu pichus chayta ruwasqanta. Imaraykutaj saqeykuman pay qanta wañuchinasuntari? Chayqa apamunman Judapi tukuy judíos muyuyniykipi tantasqas kajkuna ch'eqerachisqas kanankuta. Chay puchoj runaspis chinkanankuta.

Oseas 8:10

Jinapis chay llajtas ukhupi t'inkasta rak'irachun. Kunan noqa paykunata ch'eqerachisajpuni, jinamanta uj tiempotaqa mana reykunasninku nitaj kurajkunasninku kanqachu;

Amós 7:2

Chay langostasqa chay chajrasta rukushajtinña noqa nerqani: Señor Dios, juchasniykuta pampachapuwayku. Imaynatataj Jacobpa chhikititan aylluyki ñak'arenqari?

Deuteronomio 28:63

Imaynatachus ñaupajta Señor kusikorqa yanapasuspa, mirachisuspataj, ajinallatataj kunanqa tukuchisuspa chinkachisuspa ima kusikonqa. Ujllata orqhosqas kankichej chay jallp'aman tiyakoj yaykunkichej chaymanta.

Salmos 119:170

Mañakusqayqa qankama chayamusuchun; librawaytaj nisqaykiman jina.

Isaías 42:20

Ashkha imasta rikun, manataj allinta qhawarinchu; ningrin tiyan manataj uyarinchu.

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.