Jeremías 4:31 - Qheshwa Biblia DC

³¹ Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

DIOSPA QHELQACHISQAN DEUTEROCANONICAL

³¹ Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

DIOSPA QHELQACHISQ

³¹ Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 4:31 Referans Kwoze

Lamentaciones 1:17

Sión llajtaqa makisninta jaywarikamun, manataj pipis kanchu payta sonqochaykurej. Señorqa uj kamachiyta Jacobpa contranta orqhomorqa, qayllampi kaj llajtasllataj enemigosnin kanankupaj. Jerusalenqa paykunaj chaupinkupi millachikunaman tukun.

Isaías 1:15

Qankuna mañakunaykichejpaj makisniykichejta oqharejtiykichej, mana qhawarisqaykichejchu; ashkha kutitapis mañakuychej, noqaqa mana uyarisqaykichejchu, imaraykuchus makisniykichejqa yawarwan may ch'ichichasqa.

Jeremías 13:21

Ima ninkitaj, qan Jerusalén, qampa yachachisqayki runasllawantaj kamachisqa kaspari? Onqoj warmej nanaykunasnin jina jamusonqanku.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

1 Corintios 9:16

Evangeliota willani chayqa, mana imamanta jatunchakunay kanchu. Chaypaj kachasqa kani. Ay, noqamanta, manachus evangeliota willasaj chayqa!

Miqueas 7:1

Ay, noqamanta! Cosechaj qhepampi uj chajmakoj jina kashani, manañataj tarinchu uvas nitaj higospis chay poqoykunata mikhuyta munasharqa chayqa.

Oseas 13:13

Israelpaj chayamun nacechikunan rato, jinapis chay wawari may wampu kasqa, mana allinmanta nacekamunampaj jinallapis cheqanchakorqachu, mana nacekamuyta munaspa.

Lamentaciones 2:21

Kaynejpi jaqaynejpi wijch'u wijch'ulla espadawan wañuchisqas kashanku, wawas, machu runas, sipaskuna, wayna runas ima. K'ajaj phiñakuyniyki p'unchaypi wañuracherqanki, ñak'ararqankitaj mana khuyakuspa.

Lamentaciones 1:20

Qhawariy, Señor, llakiyniyta. Sonqoyqa phataj jinaña kashan. Sonqoyqa tijrasqa jina kashan, imaraykuchus anchatapuni contraykipi phiñakorqani. Llajta punkuspeqa espadawan wawasta wañurachinku, llajta ukhupitaj wañuy sayaykun.

Jeremías 50:43

Babiloniamanta reyrí, kay imasta yachaytawankama mancharikuywan mana imanakuyta aterqachu. Ñak'ariypi, nanaypitaj kasharqa uj onqokoj warmi jina.

Jeremías 49:24

Damasco runasqa manaña kallpayoj kaspa ayqej tukunku, sinch'i t'ukuyllawanña atipachikunku, jinataj ñak'ariywan nanaywantaj, onqoj warmej nanayninwan jina.

Jeremías 49:22

Bosraj contrampi uj enemigo oqharikonqa, imaynatachus uj anka lijrasninta kichariytawan oqharikun, ajinata. Chay p'unchaypeqa Edompa maqanakojkunasnin kharkatitenqanku onqokoj warmi jina.

Jeremías 48:41

Llajtas chantá pakakuna wasispis urmanqanku enemigospa makisninman. Chay p'unchaypi Moabpa maqanakojkunasnin kharkatenqanku, imaynatachus onqokoj warmi nanaywan kharkatin ajinata.

Jeremías 30:6

Tukuyta tapurikuychej, uj qhari atinmanchu nacechikuyta, imaraykuchus qharista rikuni, uj wijsayoj warmej nanaykunasninwan jina q'ewiykachakojta. Imaraykutaj uyasninku q'ellu q'ellulla kashanri?

Jeremías 22:23

Kunan qanqa thapaykipi k'acha karikushanki, Libanomanta chay apamusqa cedros chaupipi. Chantaqa ñak'arinki, maypachachus wijsayoj warmej nanaykunasnin jina jamusojtin.

Jeremías 18:21

Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

Jeremías 15:18

Imaraykutaj kay nanayniy mana jayk'aj tukukunchuri? Imaraykutaj kay nanasqasniy mana thañinchuri? Tukuy jampispis mana imanajri? Noqaj rijch'ayniymantaqa chay rato uj yaku ch'akirparipoj jinalla kawanki.

Jeremías 14:18

Campoman llojsispaqa maqanakupi wañojkunaj ayasninkuta rikuni, llajtaman yaykuspa rikuni runas yarqhaymanta wañushajta. Rikullanitaj profetasta, sacerdotestawan mana rejsisqa llajtasman ripushajta.

Jeremías 10:19

Ay noqamanta, mana imayoj llakiyllapiña rikhurini! Nanachikusqasneyqa mana thañiy atej! Kay nanaytaqa ñak'ariylla kasqanta yuyarqani.

Jeremías 6:2

Sión orqoqa may k'achitu q'omer pampa jinamin.

Isaías 42:14

Señorqa nin: Unayña noqaqa ch'inyapuni. Ch'inllamanta uyarini sonqoyta ñit'iykuspa. Kunantaj qhaparinay tiyan uj onqokushaj warmi jina. Jeq'eqaspa ñak'ayllataña samani.

Isaías 21:3

Chayrayku tukuy ukhuy nanawan, onqoy warmi imaynatachus nanaywan q'ewiykachakun, ajinata q'ewiykachakuni. Chay llakikusqayqa mana uyarejta saqewanchu, manchachikuywan mana rikuytapis atinichu.

Isaías 13:8

Kharkatiylla junt'aykonqa, llakiywan waqayllawan paykunataqa jap'enqa. Nanaylla, onqoy warmita jina jap'enqa. Sapa uj qhawarinakuspa mancharenqanku, imaraykuchus uyasninku nina jina k'ajarin.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

Salmos 120:5

Ay noqa wajcha, Mesecpi tiyakojmanta, Cedarpa jallp'asnimpi qenchasta ruwakuni.

Job 10:1

Sonqoyqa kay kausayniymanta sayk'usqaña kashan, tukuy llakiyniyta willakusajpuni, atisqayta parlasaj llakiy kausayniymanta.

Génesis 27:46

Chaymanta Rebecaqa Isaacmanñataj qayllaykuspa nerqa: Anchataña umayta nanachiwanku Esaupa warmisnin Hetpa wawasnin. Sichus Jacobpis kay Canaán llajtayoj Hetpa ujnin kaj ususinwan, kaykuna jinallawantaj casaranqa chayqa, wañupuyllataña munani, imapaj kasajri?, nispa.

Isaías 26:17

Imaynatachus wijsayoj warmej onqokuynin chayamojtin, mayta q'ewiykachakuspa qhaparikuspataj waqakun, ajinata Señor noqaykupis ñaupaqeykipi waqayku.

Miqueas 4:9

Kunanrí, imarayku ajinata qhaparinki uj onqokoj warmi nanayninwan jinari? Manachu qampi reyqa tiyan? Chayri umachasojkunachu wañupusqanku?

Miqueas 4:10

Sión llajta, wijsayoj warmi nanayninwan jina q'ewiykachakuy qhapariytaj, imaraykuchus runasniyki qanmanta llojsenqanku, q'ara pampapi tiyamonqanku, Babiloniakamataj chayanqanku. Jinapis Señor chaypi ayllunta kacharichejqa, enemigosninmanta salvanqa.