Jeremías 4:14 - Qheshwa Biblia DC

¹⁴ Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

DIOSPA QHELQACHISQAN DEUTEROCANONICAL

¹⁴ Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

DIOSPA QHELQACHISQ

¹⁴ Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Jeremías 4:14 Referans Kwoze

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

Hechos 8:22

Chay juchaykita saqespa Diosman kutiriy, Señormanta mañakuspa, ichapis sonqoykipi sajra yuyayniykita pampachapusonqa.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

1 Corintios 3:20

Ujtawan nillantaj: Señorqa rejsin yachayniyojkunaj yuyayninkuta qhasi mana kaj kasqankuta.

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

San Lucas 11:39

Señortaj nerqa: Qankuna fariseosqa, vasojta, chuwajta ima jawallanta mayllankichej; ukhuykichejtaj suwanamanta, sajrata ruwanamantawan junt'a kashan.

Jeremías 13:27

Qhenchachakuypi purisqasniykita rikuni, chay p'enqayta qhenchachakuypi purisqasniykita, chay millachikuna kajkunata ruwasqasniykita, chay orqospi, jinallataj campospipis. Ay, imachus kanqa qanmanta Jerusalén! Mayk'ajkamataj millay ch'ichi puriykunaspi callenkipuniri?

Proverbios 1:22

Mana ima yachajkuna, mayk'ajkamataj mana ima yachajllapuni kankichejri? Mayk'ajkamataj alqochakullankichejpuniri? Wampus, mayk'ajkamataj yachaytaqa chejninkichejri?

Salmos 66:18

Sajrata yuyayman karqa chayqa, Señor manachá uyariwanmanchu karqa.

San Mateo 12:33

Allin sach'aqa, allin poqoyta qon. Mana allin sach'arí, mana allin poqoytaqa qon. Chayrayku, sach'ataqa poqoyninnejta rejsinchej.

Ezequiel 18:31

Contraypi tukuy sajra ruwasqasniykichejmanta t'aqakuychej, mosoj sonqoyojman tukuychej, mosoj espirituyojmantaj. Israel ayllu, imaraykutaj wañuwajri?

Salmos 119:113

Puraj uya runastaqa chejnikuni, astawanqa kamachisqasniykita munakuni.

Salmos 51:2

Sajra kayniyta mayllaway. Juchasniymanta llimphuchaway.

Jeremías 2:22

Ushpha yakuwampis, chayri may chhika jabonwampis mayllakuwaj chaypis, ch'ichi juchasniykeqa ñaupaqeypi kikillampuni kanqa.

Jeremías 6:19

Uyariy qan jallp'a: Kay aylluman uj ñak'ariyta apachimusaj, sajra kajta umachakusqankurayku, palabrasniyta mana kasuta ruwayta munarqankuchu, jinataj yachachisqasniyta qhesachasqankurayku.

Jeremías 17:1

Judá, uj puntachasqa fierrowan juchaykeqa qhelqasqa kashan, chanta uj puntachasqa diamantewan ima, rumi sonqoyki ukhupi kashan chay altaresniykej wajrasnimpiwan.

Zacarías 8:17

Ama ima sajratapis ruwanakuychejchu ujkuna ujkunata, amataj juraychejchu, chaytaqa millachikuni. Noqa Señorniykichej chayta nini.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

San Juan 13:9

Simón Pedro nerqa: Jina kajtenqa, ama chakisnillaytachu; makisniyta, umaytawan mayllaway.