Jeremías 38:4 - Qheshwa Biblia DC

⁴ Chaypacha chaypi kurajkuna reyman nerqanku: Kay runata wañuchinachej, imaraykuchus chay tukuy nisqasninwanqa llajtanchejpi qhepakunkuraj chay soldadosta iskayrayachin, jinataj chay tukuy runastapis. Kay runasqa mana kay aylloj allin kaynintachu mask'an, manachayqa mana allin kaynillantapuni.

DIOSPA QHELQACHISQAN DEUTEROCANONICAL

⁴ Chantá chay kurajkunaqa kuraj kamachejman willamorqanku: Jeremiasta wañuchina, imaraykuchus imatachus nisqanwan llajtanchejpi qhepakoj soldadokunata iskayrayachin, jinallataj tukuy runatapis. Kay runaqa mana kay llajtaj allinnintachu mask'an, aswanqa mana allinnillanta munan, nispa.

DIOSPA QHELQACHISQ

⁴ Chantá chay kurajkunaqa kuraj kamachejman willamorqanku: Jeremiasta wañuchina, imaraykuchus imatachus nisqanwan llajtanchejpi qhepakoj soldadokunata iskayrayachin, jinallataj tukuy runatapis. Kay runaqa mana kay llajtaj allinnintachu mask'an, aswanqa mana allinnillanta munan, nispa.

Jeremías 38:4 Referans Kwoze

Jeremías 26:11

Chaypitaj chay sacerdotes, profetaspis chay kurajkunaman tukuy llajtantin runasman nerqanku: Kay runaqa wañunan tiyan, imaraykuchus kay llajtaj contrampi riman, imaynatachus qankuna kikiykichej uyarinkichej jina.

Hechos 16:20

Juecesman pusaykuspataj nerqanku: Kay runasqa, judíos kashaspa, llajtanchejta ch'ajwachishanku.

Amós 7:10

Betel sacerdote Amasías uj willajta kacharqa Israelpa reynin Jeroboamman, kay jinata nispa: Amosqa, Israel runa, ukhupi purishan qampa contraykita parlaspa. Runasqa manaña paypa parlasqanta uyariyta munankuchu.

Jeremías 29:7

Llank'aychej, maypichus wijch'usqas karqankichej chay llajtaj allinnimpaj, chay llajtaraykutaj Señormanta mañapuychej, imaraykuchus llajta allimpi kajtenqa qankunapis allillampitaj kankichej.

Nehemías 6:9

Paykunaqa mancharichiyta munawarqanku jinamanta iskayrayanaykupaj, manataj llank'anata tukuychanaykupaj; chaywampis noqaqa aswan kallpawanraj ruwarqani.

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

Éxodo 5:4

Egipto reytaj paykunaman nerqa: Qankunarí, Moisés, Aarón, imaraykutaj runasta llank'ayninkumanta saqechiyta munashankichejri? Riychej qankunapis, llank'anaykichejta ruwamuychej.

Hechos 28:22

Chaywampis, qampa simiykimanta uyariyta munayku imatachus yuyasqaykita, imaraykuchus tukuynejpi parlasqaykita uyariyku, chay mosoj t'aqaj contranta tukuynejpi oqharikusqankuta.

Hechos 24:5

Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan.

Hechos 17:6

Paykunata mana tarispataj, Jasonta wakin hermanostawan pusarqanku llajta kamachejkunaman. Qhaparispataj nerqanku: Kaykunaqa tukuynejpi runasta ch'ajwachinku. Kunanqa kaymanñataj jamusqanku.

San Lucas 23:2

Chaypitaj ch'ataykuyta qallarerqanku, nispa: Kaytaqa taripayku runasta ch'ajwachishajta; manataj munanchu kamachejman impuestota qonata. Pay kikintaj nin Cristo reytaj kasqanta.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Esdras 4:12

Reyniyku, qanman willamuyku, qampamanta jamuwarqayku chay judiokunaqa, Jerusalenman chayamuspa, watejmanta sayarichishanku kay mana kasukoj sajra llajtata. Perqasta oqhariyta qallarikunña, cimientostaqa churaykunkuña.

2 Crónicas 24:21

Jinapis paykunaqa Zacariaspa contrampi churakuspa, reypa kamachiyninrayku ch'anqaykorqanku Señorpa yupaychana wasimpa patiompi.

Jeremías 11:21

Anatotmanta kaj runasman, pikunachus wañunayta munarqanku, kamachiwarqankutaj mana parlanayta Señorpa sutimpi ama wañuchisqa kanaypaj, Tukuy Atiyniyoj Señor nin: Qankunawan pagachikunay kanqa: Wayna kaj runas wañonqanku maqanakupi chaykunaj qhari wawasninku, warmi wawasninkutaj yarqhaywan wañonqanku.

Jeremías 18:23

Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

Jeremías 38:16

Chanta rey Sedequiasqa pakayllapi uj juramentota Jeremiaswan ruwarqa: Pichus kausayta qowanchej chay Señorpa sutimpi jurayki wañuchinasunkuta mana saqesajchu, nitaj wañuchisuyta munajkunaj makinmampis jaywaykusqaykichu.

Jeremías 38:25

Sichus kurajkuna qanwan parlasqayta yachanqanku chayqa, jamusonqanku, tapusonqankutaj imastachus qan niwasqaykita, noqapis imastachus qanman nisusqayta, mana wañuchisqaykichu nispataj, tukuy imata willanaykita mañasonqanku.

Jeremías 43:3

Neriaspa wawan Baruclla wakichisunki, noqaykoj contraykupi imatachus ninawaykuta umachasunki, caldeospa atiynin uraman urmanaykuta munaspa, paykuna wañuchinawaykupaj, chayri Babiloniaman wijch'umunawaykupaj.