Jeremías 38:20 - Qheshwa Biblia DC

²⁰ Jeremías kuticherqa: Jinapis jatun reyníy, mana paykunaj makinkuman urmankichu. Kasukuy reyníy, Señorpa nisqanta noqaqa willayki. Allinmin risonqa, kausayniykitataj salvanki.

DIOSPA QHELQACHISQAN DEUTEROCANONICAL

²⁰ Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

DIOSPA QHELQACHISQ

²⁰ Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

Jeremías 38:20 Referans Kwoze

Daniel (hebreo) 4:27

Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

Jeremías 26:13

Astawan allinta puriychej, ruwaychejtaj, Señor Diosniykichejtapis kasuychej. Paytaj manaña, apachimusaj nerqa chay ñak'ariykunastaqa apachimusunkichejchu.

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

2 Crónicas 20:20

Q'ayantintaj tutamanta jatarikorqanku, Tecoa ch'in pampanejman puririnankupaj. Puririshajtinkutaj Josafatqa sayarikuspa nerqa: Jerusalempi, jinataj Judapi tiyakojkuna uyariwaychej: Señor Diosniykichejpi atienikuychej, sumaj waqaychasqastaj kankichej, profetasnimpipis confiaychej, tukuy imapitaj allin risonqachej.

Hechos 26:29

Pablotaj kuticherqa: Pisitawan, chayrí astawampuni Dios munachun, mana qanllachu, manachayrí tukuy uyariwajkuna ima, kunan p'unchay noqa jina creejkuna kanaykichejta, astawanqa mana cadenasllawan.

Santiago 1:22

Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

2 Corintios 5:20

Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa.

2 Corintios 5:11

Chayrayku noqayku Señorta rejsiyku manchachikuna kasqanta, runasmantaj Willayku unanchachiyta munaspa. Chaywampis, Dios yachan pichus kasqaykuta. Jinallataj suyani qankunapis yachanaykichejta concienciaykichejman jina.

Jeremías 11:4

kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

Génesis 12:13

Chayrayku niy ari, qanqa noqaj panay kasqaykita, qanrayku ama wañuchinawankupaj, allintaj rinawampaj, nispa.

Génesis 19:20

Qhawariychej, jaqaypi uj juch'uy llajta kashan, qayllallapitaj. Niwaychej ari chayllaman ayqekunayta, chayqa juch'uyllamin, chaypeqa mana wañusajchu.

Jeremías 7:23

Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

Jeremías 11:8

Chaywampis mana kasuwarqankuchu, nitaj uyariwarqankuchu, manachayqa k'ullukuyninkuwan, rumi sonqonkoj munayninman jina ruwarqanku, manapuni kamachisqasniyta junt'ayta munarqankuchu; chayrayku jasut'isniyta kachamorqani, chay trato ruwasqaypi nisqayman jina.

Jeremías 38:21

Sichus paykunaman chimpapuyta mana munankipunichu chayqa, Señor niwanña imaschus qhatirisunanta.

Proverbios 4:4

Tatayqa yachachiwaj kay jinata: Sonqoykipi jap'iy nisqasniyta; kamachisqasniyta ruway; chantá kausankitaj.

Proverbios 7:2

Kasuy kamachiykunasniyta, yachachisusqaytawan; ñawi papaykita jina waqaychay, chantaqa kausanki.

Amós 5:4

Israelitasmanqa ajinatamin nin Señor Diosqa: Qayllamuwaychej noqaman, chantaqa kausankichejtaj.

Amós 5:6

Señorman qayllaychej, chantaqa kausankichejtaj. manachus jinata ruwankichej chayqa, Pay ninata apachimonqa Israelpa patanman; Betelpitaj mana pipis kanqachu chay ninata thasnoj.