Jeremías 37:15 - Qheshwa Biblia DC

¹⁵ Kay runasqa manchayta Jeremiaspaj phiñakorqanku, kamacherqankutaj maqanankuta, Jonatampa wasinmantaj wisq'aykamunankuta. Jonatanqa reypa qelqerin karqa, paypa wasinta carcelman tukuchisqanku.

DIOSPA QHELQACHISQAN DEUTEROCANONICAL

¹⁵ Chay kurajkunataj manchayta Jeremiaspaj phiñakorqanku, kamacherqankutaj seq'oytawan Jonatanpa wasinman wisq'aykamunankuta. Jonatanqa kuraj kamachejpa qhelqerin karqa, paypa wasintataj carcelman tukuchisqanku.

DIOSPA QHELQACHISQ

¹⁵ Chay kurajkunataj manchayta Jeremiaspaj phiñakorqanku, kamacherqankutaj seq'oytawan Jonatanpa wasinman wisq'aykamunankuta. Jonatanqa kuraj kamachejpa qhelqerin karqa, paypa wasintataj carcelman tukuchisqanku.

Jeremías 37:15 Referans Kwoze

Jeremías 38:26

Jinapis, qan kutichinki, qan mañashawasqaykita Jonatampa wasinman ama kachasunayta, ama chaypi wañunaykipaj.

Hechos 5:18

Apostolesta jap'iytawan, llajtapi carcelman wisq'aykucherqanku.

San Mateo 21:35

Llank'ajkunataj, kamachista jap'iytawan, ujninta jasut'erqanku, ujnintataj wañucherqanku, ujnintatajrí rumiswan ch'anqaykorqanku.

Jeremías 26:16

Chanta chay kurajkuna, tukuy llajtamanta kuraj runaspis sacerdotesman, jinataj profetasmampis nerqanku: Mana imapis kanchu kay runata wañuyman apanapaj jinaqa; payqa Señor Diosninchejpa sutimpi parlawarqanchej, nispa.

2 Crónicas 18:26

Niychejtaj noqa kamachisqayta carcelman wisq'aykunankuta, chaypitaj pisi t'antayojta, pisi yakuyojllata jap'inankuta, noqa allillanta kutimunaykama.

2 Crónicas 16:10

Chaypacha rey Asaqa sinch'itapuni phiñarikorqa chay profetaj contrampi. Carcelmantaj wisq'aykuchimorqa. Jinallatataj chay kutipeqa wakin israelita runasqa llakiyta ñak'aricherqa.

Génesis 39:20

Chaymanta Potifarqa Joseta jap'iytawan carcelman churacherqa, maypichus reypa presosnin kasharqanku chayman. José carcelpi kashajtimpis, Señorqa paywampuni karqa, tukuy imapi payta khuyaspa. Jinamanta Joseqa carcelta qhawajkunaj kurajninwanñataj munachikorqa.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Hechos 5:40

Tukuyninkutaj Gamalielta kasorqanku. Apostolesta wajyaspataj jasut'icherqanku. Kamacherqankutaj ama Jesuspa sutimpi parlanankuta. Chaymantataj kachariporqanku.

San Juan 18:22

Chayta nisqantawan, Caifaspa soldadon Jesuspa uyampi laq'arqa: Ajinatachu jatun sacerdoteman kutichinki?, nispa.

San Lucas 22:64

Ñawisninta qhataykuspa uyampi laq'arqanku, taporqankutaj: Diospa sutimpi parlay ari, pitaj maqasunki?, nispa.

San Mateo 23:34

Chayrayku kachamusaj profetasta, yachayniyojkunata, escribejkunata ima. Qankunataj wakinta wañuchinkichej, wakinta chakatankichej, wakinta wañuchinkichej, wakintataj sinagogasniykichejpi jasut'inkichej, wakintarí llajtamanta llajta qhatiykachankichej.

Jeremías 38:6

Chaypacha paykunaqa Jeremiasta jap'iytawan kuraj Malquiaspa pujyunman wijch'uykorqanku, chaytaj cárcel patio chaupipi kasharqa. Ch'ankullaswan uraykucherqanku. Chay pujyupeqa mana yaku karqachu, manachayqa t'urulla kasqa, chaypitaj Jeremiasqa t'uruman sat'iykukorqa.

Jeremías 37:20

Kunan wiraqochi reyníy, uyariway imatachus mañasusqayta: Ama saqeychu ujtawan chay qelqeriyki Jonatampa wasinman pusanawankuta, ama chaypi wañunaypaj.

Jeremías 18:23

Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

Jeremías 37:4

Chaypacha Jeremiasqa manaraj apresochasqachu kasharqa. Chaynejta kayman jaqayman purisharqaraj.

Jeremías 32:2

Chaypachachataj Babiloniamanta reypa soldadosnin Jerusalenman junt'aykushajtinku profeta Jeremías wijch'usqa kasharqa reypa palaciompa patiompi.

Jeremías 39:15

Jeremías cárcel patiollampiraj kashajtin Señorqa payman nerqa: Rispa nimuy etiope Ebed-melecman: Israelpa Tukuy Atiyniyoj Señor Diosnin nin: Kay llajtaman ñak'ariykunata, manataj allin kaynimpajchu nisqayta junt'asaj. Kay imasta rikunaykita junt'akonqa.